Қазақ КСР Жоғарғы Кеңесінің шешімімен 1990 жылдың 25 қазанында «Қазақ Кеңестік Социалистік Республикасының мемлекеттік егемендігі туралы Декларация» қабылданды .
Бұл құжаттың қабылдануымен егемендікті мәлім ететін жеке территория, азаматтық, мемлекет бюджеті, халықаралық қатынастардағы дербестігі, мемлекет рәміздері бекітілді . Қазақстанның егемендігі және территориясының тұтастығы саяси, құқықтық және экономикалық тұрғыдан дәйектелді .