Демежан — Қабдеш Жұмаділовтың «Тағдыр» романының басты кейіпкері . Ол романның сюжеттік-композициялық тұтастығын дәнекерлеп тұрған негізгі арна .
Демежанның әкесі — Керімбай зәңгі (болыс дәрежесіндегі лауазым) кейіннен Цинь империясының билігіндегі Төртуыл руының үкірдайы (аға сұлтандық дәрежедегі лауазым), руына беделді, көпті көрген адам . Демежан Ши амбы алдында артықша беделге ие болуының бірден бір себепкері — осы Керімбай .
Романның сюжеті Тарбағатай аймағын жайлаған халықтың жүрегін тілімдеп, жігерін жасытып, шекара сызығы жүргізіледі . Бұл айтулы оқиғаның басы-қасында жүргендер Шыңжаң өлкесіндегі орыс консулы Балхашин, ұлты қытайлық мұғалім, Демежанның ұстазы Ли-шансың және Демежан бастаған топ .