Қорамсақ — садақтың оғы (жебе) қабының бір түрі . Түркі халықтары 13–14 ғасырдан бастап кеңінен қолданып, қазақ жауынгерлері 19 ғасырға дейін қолданған .
Қорамсақтың ұзындығы 50–60 см, ені 15–20 см болды . Оқтар қорамсақта түзу тұруы үшін кейде қорамсақтың ауызына қайыстан өрме жасалды, оқтар осы тесіктерінен өткізіліп басы төмен қаратылып салынды . Қорам салу үшін терінің барлық түрлері — былғары, көн, сақтиян, көксауыр қолданылған .