Ат тергеу — жаңа түскен келіннің атасы мен енесіне, қайынағалары мен абысындарына, қайын сіңлілері мен қайындарына өзінше ат қою дәстүрі .
Бұл ізеттілік, көрегенділік, кішіпейілділік қасиеттерінің жарқын көрінісі . Тәрбиелік мәні зор дәстүр сыйластық пен құрметтің ерекше бір белгісі болып саналады . Алда-жалда жас келін әулет үлкендерінің атын атап қалса, тәрбиесіздік, құрметсіздік деп есептеліп, қатал сынға ұшыраған .
Әдепті келіндер ат тергеуге соншалықты мән беріп, сыйлы адамдардың атын тура айтудан именіп, өзі атын атамайтын қайын ата, қайын ағаларымен аттас бөтен адамдарға да аттар қояды, мәселен, «қажы аттас», «ағакем аттас» деген .