«Яндекс Пошта» қызметін пайдалану шарттары

1. Жалпы ережелер

1.1. Осы құжат (бұдан әрі – «Шарттар») «Яндекс Пошта» қызметін (бұдан әрі – «Пошта») пайдалану шарттарын белгілейді және https://yandex.kz/legal/360_termsofuse/ мекенжайында орналасқан «Яндекс 360» қызметтерін пайдаланудың жалпы шарттарының ажырамас бөлігі болып табылады (бұдан әрі – «Жалпы шарттар»). «Яндекс Пошта» қызметін және/немесе оның жекелеген функцияларын пайдалана бастау арқылы Пайдаланушы/Корпоративтік клиент осы Шарттар мен Жалпы шарттарды толық көлемде, ешқандай ескертулер мен ерекшеліксіз қабылдады деп саналады. Шарттардың қолданыстағы редакциясы әрқашан https://yandex.kz/legal/mail_termsofuse/ мекенжайы бойынша интернет парақшасында орналасқан. Егер Пайдаланушы/Корпоративтік клиент аталған құжаттардың кез келген ережелерімен келіспесе, ол «Яндекс 360» қызметтерін пайдалануға құқылы емес.

1.2. «Яндекс 360» қызметтерін пайдаланудың бірыңғай ережелері мен қағидаттары, интеллектуалдық меншік, жеке деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Жалпы шарттармен реттеледі.

2. «Яндекс Пошта» қызметін пайдаланудың ерекшеліктері

2.1. Пошта Пайдаланушыға/Корпоративтік клиентке Поштаның Пайдаланушы/Корпоративтік клиент белгілеген параметрлеріне, таңдалған мақсаттарына және мүмкіндіктеріне байланысты көлемдегі функционалын пайдалануды ұсынады. Бұған электрондық пошта жәшігін пайдалана отырып, электрондық хаттарды жасау, ресімдеу, жіберу және қабылдау функциялары, сондай-ақ Поштамен қарастырылған басқа да әрекеттерді орындау кіреді. Поштаға қол жеткізу құқықтарын пайдалану үшін Пайдаланушы/Корпоративтік клиент «Яндекс Пошта» бағдарламасының веб-нұсқасын, ал мобильді құрылғылар арқылы қол жеткізу құқықтарын пайдалану үшін – мобильді құрылғыларға арналған «Яндекс Пошта» бағдарламасын (бұдан әрі – «Бағдарламалар») пайдалануға құқылы. Мобильді құрылғыларға арналған «Яндекс Пошта» бағдарламасын пайдалану мобильді құрылғыларға арналған «Яндекс Пошта» қосымшасын пайдалану лицензиялық келісімімен реттеледі: https://yandex.ru/legal/mail_mobile_agreement.

2.2. Пайдаланушының электрондық пошта жәшігіне мекенжайдау мақсатында yandex.kz немесе ya.kz домендері пайдаланылуы мүмкін, сондай-ақ Пошта жәшігі мекенжайының құрамында басқа домендік аймақты көрсету қолданылуы мүмкін (соның ішінде, бірақ онымен шектелмей: .com, .ru, .by және т.б.).

2.3. Егер Пайдаланушы электрондық пошта жәшігін 24 айдан астам уақыт пайдаланбаса, оның мазмұны мұрағатталуы мүмкін. Мұрағат жасалғаннан кейін 6 ай ішінде Пайдаланушы Поштаға кіру арқылы және Пошта ұсынған нұсқаулықтарды орындай отырып, Пошта жәшігіне және оның мазмұнына қол жеткізіп, Пошта жәшігін пайдалануды жалғастыра алады. Егер Пайдаланушы мұрағатталғаннан кейін электрондық пошта жәшігіне қол жеткізбесе, электрондық пошта жәшігі жойылуы мүмкін. Электрондық пошта жәшігін жою кезінде барлық кіріс және шығыс электрондық хаттар да жойылады.

2.4. Электрондық пошта жәшігін пайдалана отырып, алынған/жіберілген хат-хабарларға тіркелген файлдарды сақтау https://yandex.kz/legal/disk_termsofuse мекенжайында орналасқан «Яндекс Диск» қызметін пайдалану шарттарына сәйкес жүзеге асырылады. Егер Пайдаланушы/Корпоративтік клиент Дискінің қолжетімді дискілік қоймасының көлемі шегінен асып кетсе, Поштаның функциялары шектелуі мүмкін, атап айтқанда, Пайдаланушының/Корпоративтік клиенттің Дискідегі бос орын көлемінен асатын файл тіркемелері бар хат-хабарларды жіберу немесе қабылдау тоқтатылуы мүмкін. Сонымен қатар, осы Шарттардың негізінде Диск бұғатталған жағдайда, Пайдаланушыға/Корпоративтік клиентке хат-хабарларға тіркелген 25 МБ және одан жоғары файлдарды жіберуге қатысты Поштаның жекелеген функциялары қолжетімсіз болуы мүмкін.

2.5. Пошта Пайдаланушыға алдағы оқиғалар, соның ішінде жоспарланған ұшулар туралы автоматты түрде хабарлама жіберу функциясын, сондай-ақ аталған оқиғаларды «Яндекс Күнтізбесіне» автоматты түрде қосу функциясын ұсынуы мүмкін. Бұл функцияның жұмысы толығымен автоматтандырылған сипатқа ие және Яндекстің Пайдаланушының электрондық пошта жәшігінің мазмұнына қол жеткізуін білдірмейді. Пайдаланушы бұл функцияны дербес теңшей алады.

2.6. Қызмет тек жеке коммерциялық емес мақсаттарда пайдалануға арналған, тиісті шарт аясында қызметті коммерциялық мақсаттарда пайдалану жағдайларын қоспағанда.

2.7. Бағдарламаның функцияларына ақылы және тегін қол жеткізу құқықтары. 2.7.1. Пайдаланушыға (жеке тұлғаға) тегін негізде, соның ішінде келесі функциялық мүмкіндіктерге қол жеткізу құқықтары берілуі мүмкін:

• Пайдаланушылардың Бағдарламаның стандартты мүмкіндіктерін пайдалануы;

• «Яндекс Диск» қызметін пайдалану шарттарымен анықталған шектерде Пошта жәшігін пайдалана отырып, алынған/жіберілген хат-хабарларға тіркелген файлдарды сақтаудың стандартты мүмкіндіктері;

• Хабарламаны дауыстық теру мүмкіндігі және оны кейіннен мәтіндік форматқа түрлендіру, сондай-ақ «Алиса» дауыстық көмекшісінің функцияларын пайдалана отырып, мәтіндік хабарламаны автоматты дауыстық жазбаға түрлендіру арқылы Пошта жәшігінде алынған хабарламаны дыбыстық ойнату мүмкіндігі, оны пайдалану шарттары https://yandex.kz/legal/alice_termsofuse мекенжайы бойынша парақшада қолжетімді. Яндекс функцияның дәлдігін, дұрыстығын және қатесіз жұмыс істеуін кепілдендірмейді және хабарламаны жібермес бұрын түрлендірілген мәтінді қосымша тексеруді және түпнұсқа мәтінді дыбыстық ойнатумен салыстыруды ұсынады.

• https://yandex.kz/legal/messenger_termsofuse мекенжайында орналасқан «Яндекс Мессенджер» қызметін пайдалану шарттары бойынша ұсынылатын «Яндекс Мессенджер» қызметінің функциясын белсендіру мүмкіндігі. Пайдаланушы мессенджерді пайдалану және оның арқылы хабарламалар алу параметрлерін «Яндекс Мессенджер» қызметінің интерфейсінде орната алады.

• https://yandex.kz/legal/telemost_termsofuse мекенжайында орналасқан «Яндекс Телемост» қызметін пайдалану шарттары бойынша бейнеконференцбайланысты ұйымдастыруға және оған қатысуға мүмкіндік беретін «Яндекс Телемост» қызметінің функционалына қол жеткізу мүмкіндігі.

2.7.2. Пайдаланушыға ақылы негізде келесілерге қол жеткізу құқықтары беріледі:

• https://yandex.kz/legal/promail_offer мекенжайында орналасқан тиісті лицензиялық келісім шарттары бойынша қызметтің кеңейтілген функциялық мүмкіндіктері;

• https://yandex.kz/legal/disk_termsofuse мекенжайында орналасқан «Яндекс Диск» қызметін пайдалану шарттары бойынша Пошта жәшігін пайдалана отырып, алынған/жіберілген хат-хабарларға тіркелген файлдарды сақтаудың кеңейтілген функциялық мүмкіндіктері;

• https://yandex.kz/legal/id_termsofuse сілтемесі бойынша орналасқан «Яндекс ID» қызметін пайдалану шарттарына сәйкес жасалған Пайдаланушының Отбасылық аккаунтының қатысушыларына Бағдарламаға қол жеткізуді қамтамасыз ету арқылы отбасылық тарифті қосу функциялық мүмкіндіктері;

• Корпоративтік клиенттер үшін домендегі Поштаны пайдалану функциялық мүмкіндіктері;

• пайдалану шарттары бөлек құжаттармен реттелуі мүмкін басқа да функциялық мүмкіндіктер мен бағдарламалар.

2.8. Корпоративтік клиенттердің доменіндегі Поштаны пайдалану аясында http://mail.yandex.kz/for/xyz.com (мұндағы xyz.com – Корпоративтік клиенттің домені) мекенжайы бойынша веб-интерфейсі бар Поштаның толық функционалды нұсқасы оның барлық мүмкіндіктерімен, оның ішінде әрбір мекенжай үшін pop.yandex.ru/ imap.yandex.ru/ smtp.yandex.ru мекенжайлары бойынша POP3/IMAP/SMTP қолжетімді болады.

2.9. Қызметтердің сапасын жақсарту немесе хаттарда қамтылған зиянды бағдарламалардан, қалаусыз хаттардан және спамнан электрондық пошта жәшіктерін қорғау мақсатында Яндекс компьютерлік алгоритмдерді пайдалана отырып, хаттарды автоматты түрде талдауға құқылы.

2.10. Электрондық пошта жәшігінің мазмұнын қарау, өзгерту, жою, басқаруға қатысты барлық әрекеттерді тек Пайдаланушы/Корпоративтік клиенттің қызметкері немесе Корпоративтік клиенттің өзі және оның қалауы бойынша жүзеге асырады. Электрондық пошта жәшігінің мазмұнын жою әрекеттері ақпаратты қалпына келтіру мүмкіндігінсіз толық жоғалтуға әкелуі мүмкін.

Жарияланған күні: 15.06.2026

Құжаттың алдыңғы нұсқасы: https://yandex.kz/legal/mail_termsofuse/09062025

Құжаттың алдыңғы нұсқасы: https://yandex.kz/legal/mail_termsofuse/15052025

Құжаттың алдыңғы нұсқасы: https://yandex.kz/legal/mail_termsofuse/26122024

Құжаттың алдыңғы нұсқасы: https://yandex.kz/legal/mail_termsofuse/24122024

Құжаттың алдыңғы нұсқасы: https://yandex.kz/legal/mail_termsofuse/07062024