Яндекс Мессенджер сервисін пайдалану шарттары

1. Жалпы ережелер

1.1. Осы құжат (бұдан әрі – «Шарттар») Яндекс Мессенджер (Мессенджер) сервисін пайдалану шарттарын белгілейді және https://yandex.ru/legal/360_termsofuse мекенжайы бойынша орналастырылған Яндекс 360 сервистерін пайдаланудың жалпы шарттарының (бұдан әрі – «Жалпы шарттар») ажырамас бөлігі болып табылады.

Яндекс Мессенджер сервисін/оның жекелеген функционалдық мүмкіндіктерін пайдалана бастағанда, Пайдаланушы/Корпоративтік клиент осы Шарттарды және Жалпы шарттарды толық көлемде, ешқандай ескертпелерсіз және ерекшеліктерсіз қабылдаған болып есептеледі.

Шарттардың қолданыстағы редакциясы әрқашан Интернет желісінде мына мекенжай бойынша бетте орналасқан: https://yandex.ru/legal/messenger_termsofuse/.

Пайдаланушы/Корпоративтік клиент көрсетілген құжаттардың қандай да бір ережесімен келіспеген жағдайда, Пайдаланушы Яндекс 360 сервистерін пайдалануға құқылы емес.

1.2. Яндекс 360 сервистерін пайдаланудың бірыңғай қағидалары мен қағидаттары, зияткерлік меншік, дербес деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Жалпы шарттармен реттеледі.

2. Яндекс Мессенджер сервисін пайдалану ерекшеліктері

2.1. Мессенджер Пайдаланушыға/Корпоративтік клиентке басқа Пайдаланушылармен жеке және топтық чаттарда ақпарат алмасу, хабарламаларды, сондай-ақ аудио-, бейнематериалдар мен кескіндерді (бұдан әрі — «Контент») жіберу және алу; Пайдаланушы-жазылушылардың қарауы үшін Контентті орналастыруға арналған беттерді (бұдан әрі – «Арна») жасау функционалдық мүмкіндігін ұсынады.

Сервистің толық функционалы Пайдаланушыға Яндекс сервистерінің жаңа Пайдаланушысын тіркеу рәсімінен өткен не бұрын тіркелген Яндекс ID есептік жазбасын пайдалана отырып Сервисте авторизациядан өткен кезде қолжетімді болады. Авторизация рәсімін аяқтау үшін Пайдаланушы өзінің қолданыстағы телефон нөмірін көрсетуге және көрсетілген нөмірге жіберілген растау кодын енгізуге тиіс. Телефон нөмірі өзгерген кезде Пайдаланушы бұл ақпаратты Сервистің интерфейсі арқылы уақтылы жаңартуға міндетті. Құқық иеленуші бұрын көрсетілген нөмірді пайдалануды растауды сұрайтын хабарлама жіберу арқылы көрсетілген телефон нөмірінің өзектілігін тексеруге құқылы.

Пайдаланушының туған күні туралы ақпараты, егер ол оның есептік жазбасында көрсетілген және жасырылмаған болса, байланыстары оның телефон кітабында көрсетілген өзге Пайдаланушыларға қолжетімді болады.

2.2. Мессенджерді Пайдаланушы Яндекс сервистерімен өзара әрекеттесу үшін, атап айтқанда, Яндекстің қолдау қызметтерімен байланыс мақсаттары үшін пайдалана алады.

2.3. Пайдаланушы Яндекс ID есептік жазбасын жойған кезде оның аты туралы деректер Мессенджерде Пайдаланушы хат алмасқан тұлғалар үшін, атап айтқанда, чаттарда немесе Арналарда көрсетілетін болады. Үшінші тұлғаларға сондай-ақ осындай Пайдаланушының есептік жазбасы жойылғаны туралы ақпарат көрсетілетін болады.

2.4. Авторизацияланған Пайдаланушылар осы Шарттардың талаптарын сақтаған жағдайда Әкімші бола отырып, Арналар құруға және оларда Контент жариялауға құқылы.

Арнаны құрушы басқа Пайдаланушыларды Арна Әкімшілері етіп тағайындай алады. Арна Әкімшілері Арнада Контент орналастыру кезінде осы Шарттардың талаптарын сақтауға міндетті. Арнаның мазмұны үшін Арна Әкімшілерінің әрқайсысы жауапты болады.

2.5. Пайдаланушылар Мессенджерге Контенттің құрамында пайдаланушымен қарым-қатынасты имитациялайтын және белгілі бір функционалды іске асыратын ЭЕМ-ге арналған бағдарламаларды (боттарды), жылдам жіберу опциясы бар бірыңғай тақырыптық белгі бойынша біріктірілген кескіндер жиынтықтарын (стикерпактарды), жекелеген стикерлерді, эмодзилерді, GIF-анимацияларды және өзге де Контентті Бағдарламаның техникалық мүмкіндіктері мүмкіндік беретін шектерде мынадай шартпен жүктеуге және пайдалануға құқылы:

• үшінші тұлғалардың құқықтары мен мүдделері, оның ішінде зияткерлік құқықтары бұзылмайды;

• Бағдарламаның және ақпараттың жұмысқа қабілеттілігі, қауіпсіздігі және ішкі қорғау құралдары бұзылмайды не оларға қатер төндірілмейді;

• Жалпы шарттарда белгіленген тыйымдар бұзылмайды.

Боттарды пайдалану https://yandex.ru/support/yandex-360/business/admin/ru/messenger/bot-platform сілтемесі бойынша қолжетімді анықтамамен реттеледі.

2.6. Яндекс ескертусіз және өз қалауы бойынша Арнаның Контентін немесе Арнаны толығымен жою, оның ішінде Контенттің мазмұны қолданылатын заңнамаға, осы Шарттардың, Жалпы шарттардың ережелеріне қайшы келген жағдайда, сондай-ақ Пайдаланушының осы Шарттардың талаптарына сәйкес еместігі анықталған және (немесе) ол осы Шарттарды және өзге де реттеуші құжаттарды бұзған кезде немесе Пайдаланушының құқыққа қайшы мінез-құлқына күдік болған кезде Арна Әкімшісінің Мессенджерге (немесе, егер бұл технологиялық тұрғыдан мүмкін болса, Мессенджердің белгілі бір функцияларына) қол жеткізуін шектеу немесе Пайдаланушының аккаунтын толығымен бұғаттау құқығын өзіне қалдырады. Яндекс сондай-ақ заңнама талаптарын немесе үшінші тұлғалардың құқықтары мен заңды мүдделерін сақтау мақсатында Пайдаланушыға өзге де шараларды қолдануға құқылы.

2.7. Қолданылатын заңнамада белгіленген белгілі бір жасқа толмаған тұлғалардың қарауына арналмаған Контентті орналастыру кезінде Арнаның иесі (әкімшісі) Арнада немесе Контенттің жанында Контентті/Арнаны қарауға жас шектеулерінің бар екені туралы белгі қоюға не Контентті/Арнаны қарауға қойылған осы шектеулерді өзге тәсілмен көрсетуге тиіс. Көрсетілген әрекеттер жасалмаған жағдайда Яндекс қажет болған кезде жас шектеулерінің бар екені туралы тиісті белгіні дербес орналастыруға құқылы (бірақ міндетті емес). Яндекс Пайдаланушы тарапынан Контентті қарауға жас шектеуін белгілеудің дұрыстығы үшін жауапты болмайды.

2.8. Пайдаланушылар Арнадағы интерфейстің арнайы құралын пайдалана отырып не https://yandex.ru/promo/messenger/feedback мекенжайы бойынша кері байланыс нысаны арқылы Арнаның мазмұнына және/немесе Арна Әкімшісінің әрекеттеріне шағым жібере алады.

2.9. Мессенджер құрылғының телефон кітабы мен қоңыраулар журналының деректеріне қол жеткізе алады, сондай-ақ Пайдаланушы құрылғысының мынадай деректерін жинайды және сақтайды: Пайдаланушы Мессенджерде сұратқан, құрылғыда сақталған үшінші тұлғалардың контактілері, Пайдаланушының кіріс және шығыс қоңыраулары туралы деректер, кіріс қоңырауға қатысты Пайдаланушы тарапынан оны қабылдау, қабылдамау, әрекеттердің болмау фактісі туралы деректер, қоңыраудың басталу және аяқталу фактісі туралы деректер.

2.10. Пайдаланушы Пайдаланушылардың үшінші тұлғалардың құқыққа қайшы әрекеттерінен қауіпсіздігін қамтамасыз ету мақсатында Мессенджер адамның қатысуынсыз автоматты режимде Арналар мен чаттардағы хабарламаларды талдай алатыны туралы осымен хабардар етілген және онымен келіседі.

2.11. Мессенджердің функционалдығын Яндекстің өзге сервистері мен өнімдері, сондай-ақ үшінші тұлғалардың сервистері мен өнімдері шеңберінде пайдаланған жағдайда Мессенджерде Пайдаланушылардың дербес ақпаратын пайдалану тәртібі өзгеше болуы мүмкін. Өзге сервистің немесе өнімнің құрамындағы Мессенджер функционалдығы шеңберінде дербес ақпаратты өңдеудің арнайы шарттары Пайдаланушының назарына тиісті сервисті немесе өнімді пайдалану шарттарында жеткізілуге тиіс.

2.12. Пайдаланушы Мессенджердегі чаттар Пайдаланушының Яндекс ID-дегі бір есептік жазбасы шеңберінде Яндекс Телемост мобильді қосымшасында автоматты режимде синхрондалып, көрсетілуі мүмкін екені, сол сияқты оның Яндекс Телемост мобильді қосымшасындағы чаттары Мессенджерде автоматты режимде синхрондалып, көрсетілуі мүмкін екені туралы осымен хабардар етілген және онымен келіседі.

Жарияланған күні: 02.10.2026