Кіру, шығу және аккаунтпен жасалатын әрекеттер

Дискіге кіру

Сіз интернетке қосылған кез келген құрылғыдан өз Дискіңізге кіре аласыз. Бұл үшін браузердің мекенжай жолына disk.yandex.kz теріп, әкімші берген логин мен құпиясөзді енгізіңіз, Кіру батырмасын басыңыз. Егер сіз кіру үшін тұрақты және бір реттік құпиясөз комбинациясын пайдаланып жүрсеңіз немесе бұрын пайдаланған болсаңыз, авторизациядан өту үшін Яндекс Кілт қолданбасы өндірген бір реттік құпиясөз керек.

Яндекс Диск Яндекс ID бар пайдаланушылар үшін ғана қолжетімді. Яндекс Дискіге әлеуметтік желі арқылы 01.12.2023 бастап кіруге болмайды. Толық ақпаратты Яндекс ID анықтамасынан қараңыз.

Яндекс Дискіге жылдам қол жеткізу үшін Диск бетін бетбелгілерге қосыңыз немесе оны браузеріңізде бастапқы бет етіңіз.

Егер сіз интернетке бөтен құрылғыдан кірсеңіз және браузердің сіздің логиніңіз бен құпиясөзіңізді жадына сақтауын қаламасаңыз, жеке режимді қосыңыз.

Компьютердегі Яндекс Диск бағдарламасы арқылы бұлт қоймасына қалай кіру керектігін Windows, macOS және Linux жүйелерінің Анықтама бөлімдерінен қараңыз. Мобильді қолданбада қалай авторизациядан өту керектігін Android және iOS нұсқауларынан оқыңыз. Басқа, ресми емес бағдарламаларда Дискіге қол жеткізу үшін қолданбалар құпиясөздерін пайдаланыңыз.

Дискіге кіре алмай жатырмын

Қандай мәселе туындағанын таңдаңыз:

Құпиясөз есімде жоқ

Логин немесе электрондық мекенжай есімде жоқ

Бақылау сұрағына жауап есімде жоқ

Логинім мен құпиясөзім есімде, бірақ Дискіге кіре алмаймын

Диск бетін жүктеу және көрсету қателері

Диск бұғатталған

Яндекске кіруге байланысты басқа мәселелер

Басқа аккаунтқа ауысу

Егер сіз Яндексте бірнеше аккаунтты пайдалансаңыз, логин мен құпиясөзді енгізбей-ақ олардың арасында ауыса аласыз:

Сіз Дискіде, Поштада және бұл мүмкіндікті қолдайтын басқа Яндекс сервистерінде аккаунтты таңдай аласыз. Таңдалған аккаунт негізгі болып саналады: сіз әзірше ауысуды қолдамайтын сервистерде авторизация өтетін боласыз.

Тізімге 15-тен артық Яндекс ID қосуға болмайды. Тізімнен қандай да бір аккаунтты алып тастау үшін, оған ауысып, Шығу сілтемесіне өтіңіз. Ағымдағы аккаунт тізімнен жоғалады және сіз автоматты түрде келесіге ауысасыз.

Дискіден шығу

Экранның жоғары оң жақ бұрышындағы аккаунт мәзірін ашыңыз және Шығу батырмасын басыңыз.

Егер сіз бөтен құрылғыда Дискіден шығуды ұмытсаңыз, Яндекс ID ашып, Қауіпсіздік бөлімінде Құрылғылар блогын тауып, Барлық құрылғылардан шығу батырмасын басыңыз.

Құпиясөзді немесе бақылау сұрағының жауабын қалай ауыстыруға болады?

Қауіпсіздік мақсатында құпиясөзді әр 6 ай сайын ауыстыру ұсынылады.

Яндекстің барлық сервистерінде авторизациядан өту үшін Яндекс ID бірыңғай аккаунты пайдаланылады.

Әдеттегі құпиясөзді Қауіпсіздік бетінде ауыстыра аласыз — Кіру тәсілі бөлімінде Құпиясөзді жаңарту батырмасын басыңыз. Кірудің басқа тәсілдері туралы Яндекс ID анықтамасының Яндекске кіру бөлімінен қараңыз.

Бақылау сұрағын немесе оған жауапты өзгерту үшін Қауіпсіздік бетінде Қалпына келтіру тәсілдері бөліміне өтіп, Бақылау сұрағы батырмасын басыңыз.

Басқа бұлтты сақтау орнынан деректерді көшіру

Яндекс Дискке басқа бұлтты сақтау орнынан деректерді көшіру үшін оларды компьютерге жүктеп алып, содан кейін өз Дискіңізге жүктеңіз.

Мұны Яндекс Диск бағдарламасы арқылы жасау бәрінен оңай — ол үлкен көлемдегі деректермен жұмыс істеуді қолдайды, қосылу мәселелері кезінде жүктеуді тоқтатып, жалғастырады, сондай-ақ компьютердегі арнайы қалта арқылы файлдарды жүктеуге мүмкіндік береді.

Компьютерге арналған Диск бағдарламасы арқылы деректерді қалай көшіруге болады:

1. Файлдарды бұлттан компьютеріңізге жүктеп алыңыз.
2. Яндекс Диск бағдарламасын орнатыңыз және оны ашыңыз.
3. Файлдарды көшіру үшін Яндекс аккаунтында авторизациядан өтіңіз.
4. Файлдарды бағдарлама терезесіне немесе компьютердегі «Яндекс Диск» қалтасына көшіріңіз.
5. Деректерді жүктеу аяқталғанша күтіңіз.

Компьютерге арналған Диск бағдарламасымен жұмыс істеу туралы толық ақпаратты компьютердегі Яндекс Диск бөлімінен қараңыз.

Егер Дискіні ұзақ қолданбасаңыз не болады?

Егер Дискіге екі жылдан астам уақыт кірмесеңіз және қолданбасаңыз, ол бұғатталуы, ал деректер өшірілуі мүмкін.

Бұғаттау туралы ескерту бар хат

Біз алдағы бұғаттау туралы алдын ала ескертеміз. Хатты алған сәттен бастап 7 күн ішінде сіз бұғаттаудан өзіңіз бас тарта аласыз. Ол үшін сізге жай ғана Дискіге кіру жеткілікті.

Дискіні бұғаттау

Егер ескертуді алған сәттен 7 күн ішінде бұғаттаудан бас тартпасаңыз, Диск бұғатталады. Содан кейін сізде шектеуді алып тастау үшін 3 ай болады. Сіз Дискіні бұғаттан шығарып үлгеру үшін біз алдағы деректерді өшіру туралы үнемі ескертіп отырамыз.

Шектеуді алып тастап, Дискіге толық қолжетімділікті қайтару үшін:

1. Қолдау қызметіне жазыңыз. Хатта бұғатталған аккаунттың логинін көрсетіңіз.
2. Жауап хатты күтіңіз — біз Дискіні бұғаттан шығарамыз

Дискідегі аккаунтты жою

Яндекс Диск барлық Яндекс пайдаланушылары үшін әдепкі бойынша қосылған, оны өшіруге болмайды. Сондықтан Диск аккаунтын жою мүмкін емес. Бірақ сіз Дискідегі барлық файлдарды жоя аласыз және оны пайдалануды тоқтата аласыз. Бұл жағдайда сізге Яндекстің басқа сервистері (мысалы, Пошта) бұрынғыдай қолжетімді болады.

Егер сіз Яндекстегі аккаунтты толығымен жойғыңыз келсе, Аккаунтты жою бабымен танысыңыз. Бұл жағдайда Яндекстің барлық сервистеріндегі барлық деректеріңіз жойылады, осы сервистерге кіру мүмкіндігі болмайды.