Тіркемелер

Хатқа файлдарды қосу

Файлдарды хатқа тіркеуге болады:

• компьютерден;
• Яндекс Дискіден;
• жөнелтілген немесе бұрын алынған пошта салымдарынан.
  

Компьютерден жүктеу

1. Хатты енгізу өрісі астында батырмасын басыңыз.
2. Компьютерде қажетті файлдарды таңдап, Ашу батырмасын басыңыз.

Егер сіз файлды қателесіп қосқан болсаңыз, оның шағын суретінің оң жақ жоғарғы бұрышындағы батырмасын басыңыз.

Көптеген пошта сервистері көлемі 10 МБ-тан артық тіркемелерді қабылдамайды. Егер мұндай тіркеменің қабылданатынына сенімді болмасаңыз, оны бөліп жіберіңіз (бірнеше хатпен) немесе хатқа қажетті файлдарды Яндекс Диск арқылы қосыңыз.

Егер тіркемелер өлшемі 25 МБ-тан асса, файлдар автоматты түрде Яндекс Дискіңізге Пошта тіркемелері қалтасына жүктеледі. Толығырақ Яндекс Диск Анықтамасынан қараңыз.

Яндекс Дискіден тіркеу

1. Хатты енгізу өрісі астында батырмасын басыңыз.
2. Қажетті файл немесе қалтаны таңдап, Тіркеу батырмасын басыңыз.

Адресат тіркемелерді жүктеуге болатын сілтемелерді хатпен бірге алады. Жүктелген файлдарға сілтеме тек хат алмасу қатысушыларына ғана қолжетімді болады.

Егер сіз файлды Дискіден жүктей алмасаңыз, Дискіңізде орын аяқталуы мүмкін деген сөз. Толығырақ Диск Анықтамасынан қараңыз.

Пошта тіркемелерінен қосу

Сіз осыған дейін жіберген немесе алған барлық файлдар тізіміндегі файлды тіркей аласыз.

1. Хатты енгізу өрісі астында батырмасын басыңыз.
2. Қажетті тіркемесі бар хат жатқан қалтаны таңдаңыз. Қалталар атауы ағылшын тілінде көрсетіледі.
3. Файлды таңдап, Тіркеу батырмасын басыңыз.

Тіркемені қарау

Кейбір қосымшаларды Пошта интерфейсінде қосымша бағдарламаларды орнатпай ашуға болады. Келесі файл пішімдерін қолданылады:

• құжаттар — DOC/ DOCX, XLS/ XLSX, PPT/ PPTX, ODT, ODS, ODP, CSV, RTF, TXT, PDF;
• сурет — JPG, PNG, GIF, BMP, TIFF, EPS, PSD, CDR, AI;
• мұрағат — ZIP, RAR, TAR.

Егер хатта тіркеме бар болса, онда хаттар тізімінде ол миниатюра немесе белгіше түрінде көрсетіледі .

Тіркеме миниатюрасын өшіру үшін:

1. Жоғарғы оң жақ бұрыштағы → Барлық баптаулар белгішесін басыңыз.
2. Интерфейсті таңдаңыз.
3. Тіркемені хаттар тізімінде көрсету опциясын таңдаңыз.

Сіз тіркемені қарап, оны Дискіге сақтай аласыз немесе хат парағындағы тіркемені жүктей аласыз.

Құжаттар мен мұрағаттарды қарау

Құжатты немесе мұрағатты көру үшін қажетті файлды таңдап, Көру батырмасын басыңыз. Файл жаңа терезеде ашылады.

Суреттерді көру

Тіркемедегі суреттер миниатюралар түрінде көрсетіледі. Суретті көру режимінде ашу үшін, миниатюраға тінтуірдің сол жақ батырмасын басыңыз.

Қаралым режимінен шығу үшін жоғарғы оң жақ бұрыштағы белгішесі немесе Esc пернесін басыңыз.

Тіркемені қоса алмаймын

Бұл келесі себептер бойынша орын алуы мүмкін:

Сіз көлемі 2 ГБ-тан асатын файл жүктеуге әрекет жасап жатырсыз

Өлшемі 25 МБ-тан асатын тіркемелер әдетте автоматты түрде Дискіге «Пошта тіркемелері» қалтасына жүктеледі, ал хатқа олардың сілтемелері қосылады. Алайда, өлшемі 2 ГБ-тан асатын файлдарды Дискіге браузер арқылы жүктеу мүмкін емес. Файлды компьютерге арналған Диск бағдарламасы көмегімен жүктеңіз, содан кейін файл сілтемесін көшіріп, оны хатпен бірге жіберіңіз.

Сіз қалтаны толықтай жүктеуге әрекет жасап жатырсыз

Қалтаны хат парақшасына сүйреп апармаңыз — қалтаны мұрағатқа салыңыз, кейін оны хатқа тіркеңіз. Сондай-ақ, қалтадағы файлдарды бір-бірден де жүктеуге болады.

Интернетке қатысты мәселелер

Егер «Файлды жүктеу мүмкін болмады» хабарламасын көрсеңіз, интернет байланысын тексеріңіз және жүктеуді қайталап көріңіз. Егер қате сақтала берсе, өз провайдеріңіздің қолдау қызметіне хабарласыңыз.

Браузер бетті қате көрсетеді

Ctrl+F5 пернелер тіркесімін басу арқылы бетті жаңартыңыз және тіркемені қайта қосып көріңіз. Мәселе шешілмесе, браузер кэшін тазалаңыз және барлық cookie файлдарын жойыңыз. Internet Explorer браузері үшін — прокси-серверді өшіріп көріңіз. Содан кейін қажетті әрекетті қайтадан қайталаңыз.

Кеңейтімдер Яндекс Поштаны бұғаттайды

Поштаның дұрыс жұмыс істеуіне кедергі келтірмейтінін тексеру үшін браузердегі қондырмалар мен кеңейтімдерді уақытша өшіріңіз. Егер Пошта жарнаманы бұғаттау немесе антивирус-кеңейтімі салдарынан дұрыс жұмыс істемесе, ерекшеліктеріне Пошта бетін қосыңыз.

Маған тіркемесіз хаттар келеді

Егер сізге тіркемесіз хаттар келсе, бірақ сіз жіберуші файлдарды тіркегеніне сенімді болсаңыз, онда ол Microsoft Outlook пошталық бағдарламасын пайдаланса керек. Осы бағдарламадан жіберілген кезде барлық файлдар стандартты емес қабықша — winmail.dat форматына орналасады. Осы пішімде жіберілген файлдарды Поштаның веб-интерфейсінде оқуға болмайды. Жіберушіден файлды веб-интерфейс арқылы тіркеуін немесе Яндекс Дискіге жүктеп, сілтемемен бөлісуін сұраңыз.