Пікірлерді басқару

Кез келген авторизацияланған пайдаланушы компания туралы пікір қалдыра алады. Пікірлер басқа пайдаланушыларға өз таңдауын жасауға көмектеседі.

Жеке кабинетке компанияңыз туралы Яндекс Карты қолданбасынан және Яндекстің іздеу нәтижелері бетінен алынған пікірлер қосылады. Оларды Құралдар → Пікірлер бөлімінен табасыз.

Пікірлер құрылымы қандай?

Пікір құрамы:

• 1–5 баға;
• комментарий.

Пайдаланушы баға қойып, комментарий жаза алады, бірақ бағасыз пікір қалдыру мүмкін емес. Сондықтан компания профилінде бағалар саны пікірлерден көп болуы мүмкін. Комментарийсіз бағаларды Карты сервисінен көруге болады.

Пікірлер мен бағаларға қарай компания рейтингісі есептеледі. Ол неғұрлым жоғары болса, пайдаланушылар компанияға соғұрлым көп сенеді.

Сыртқы көрінісі

Компания иесінің не өкілінің мүмкіндіктері:

• пікірге компания атынан жауап беру;
• өз жауабын өзгерту не жою;
• орынсыз пікірге шағымдану.

Пайдаланушының мүмкіндіктері:

• өзі әрекеттескен кез келген компания жайлы пікір жазу;
• өз пікірін өзгерту не жою;
• «ұнайды» және «ұнамайды» белгілерімен басқа пайдаланушылардың пікірлерін бағалау;
• ережелерді бұзатын пікірге шағымдану.

Пікір бөлісу

Сайтта, әлеуметтік желіде не мессенджерде пікірді бөлісе аласыз:

1. Компанияны Карты қолданбасынан табыңыз.
2. Қажетті пікірді таңдаңыз.
3. Пікірдегі батырмасын басыңыз.
4. Пікір сілтемесін көшіріп алыңыз немесе әлеуметтік желіні таңдаңыз.

Пікір мазмұнына қойылатын талаптар

Компанияңыз туралы пікір пікірлерді жариялау ережелерін бұзбауы керек. Мыналарға жол берілмейді:

Қолдан көбейту

Автор компаниямен әрекеттестік жасамаған жағдайда пікірді қолдан жазылған деп санаймыз. Сондықтан ақшаға пікір жазғызбаңыз және компанияңызда болып көрмеген достарыңыздан немесе таныстарыңыздан комментарий қалдыруды сұрамаңыз.

Мазмұнға ықпал ету әрекеті

Пайдаланушыларға сізге қандай баға беру керек екенін айтпаңыз. Жаңа дәмді десерт не жылдам әрі ыңғайлы жеткізу қызметі жайлы жазуды сұрауға болмайды.

Мазмұнға емес, пікірге бағыт беріңіз. Мысалы, пайдаланушыға мәзірді бағалауды сұрап, оған ерекше ұнаған тағамдарды бөліп көрсетуді сұрауға болады.

Пайдаланушыларды агрессивті уәждеу

Пайдаланушылардан сізге пікірін көрсетуін сұрамаңыз және жағымды пікір үшін жеңілдіктер ұсынбаңыз.

Біз әділ емес жолмен алынған пікірлерді жарияламаймыз.

Пікірге жауап беру

Клиенттердің пікірлеріне Жеке кабинеттен жауап беруге болады. Жауап жарияланым ережелеріне сәйкес келуі керек, әйтпесе модерациядан өтпейді.

Автор парақшасын жойса, оның комментарийі аноним болып өзгереді. Мұндай пікірге жауап беру немесе оны оқылған деп белгілеу мүмкін емес.

Жауап беру жолы:

1. Ұйымдарым бөлімін ашып, компанияны таңдаңыз.
2. Құралдар бөлімінде Пікірлер батырмасын басыңыз.
3. Жауап бергіңіз келетін пікірді таңдап, хабарға жауап беріңіз.
4. Жіберу батырмасын басыңыз.

Әрбір жаңа және түзетілген жауап модерациядан өтеді, бұған орта есеппен үш күн кетеді. Модерациядан сәтті өткеннен кейін жауап компания профилінде пайда болады. Егер бұл орын алмаса, оның себебін Жеке кабинеттен көріп, қатені түзетіп көріңіз. Себебін тек компания иесі көре алады.

4 және 5 ұпаймен бағалаған пікірлерге дайын алғыс жауаптарды пайдалана аласыз. Дегенмен әр пайдаланушыға жеке жауап жазған дұрыс.

Өз жауабыңызға қатысты мыналарды орындауға болады:

Өңдеу

1. Қажетті пікір мен жауапты табыңыз.
2. Пікірдің жоғарғы оң жақ бұрышынан → Өңдеу батырмасын басыңыз.
3. Өзгерістер енгізіп, «Сақтау» батырмасын басыңыз.

Өзгертулер модерациядан кейін жарияланады.

Жою

Пікірге берілген жауапты тек оны жазған адам жоя алады.

1. Қажетті пікір мен жауапты табыңыз.
2. Пікірдің жоғарғы оң жақ бұрышынан → Өңдеу батырмасын басыңыз.
3. Жауапты жою батырмасын таңдаңыз.

Пікірге шағымдану

Егер пікір пікірлерді жариялау ережелерін бұзса, оған шағымдана аласыз:

1. Ұйымдарым бөлімін ашып, компанияны таңдаңыз.
2. Құралдар бөлімінде Пікірлер батырмасын басыңыз.
3. Пікірдің жоғарғы оң жақ бұрышынан → Шағымдану батырмасын басыңыз.
4. Пікір ережелерді нақты қалай бұзатынын көрсетіңіз.
5. Жіберу батырмасын басыңыз.

Шағымды 5 күн ішінде қараймыз. Егер шағым әділ болса, пікірді жарияланымнан алып тастаймыз.

Біз әділ болуға тырысамыз, сондықтан жарияланым ережелеріне қайшы келмейтін теріс пікірлерді жоймаймыз. Не үшін көңілі толмағанын біліп, жағдайды анықтау үшін пікірге жауап беруге болады.

Пікірлерді оқылған деп белгілеу

Пікірлер туралы хабарландыру жоғалып кетуі үшін, пікірлерді оқылған деп белгілеңіз:

1. Ұйымдарым бөлімін ашып, компанияны таңдаңыз.
2. Құралдар бөлімінде Пікірлер батырмасын басыңыз.
3. Оқылмаған батырмасын басыңыз.
4. Әр пікірдің жоғарғы оң жақ бұрышынан батырмасын басып, оларды көрілген деп белгілеңіз.

Пікірлер неге жоғалып кетті?

Пікірлер бірнеше себеппен компания профилінен жоғалып кетуі мүмкін:

• Пайдаланушы пікірді өзі жойды.
• Пікір ережелерді бұзуы себепті жарияланымнан алынып тасталды.