Яндекс Go электросамокатын жалға алу шарттары

Бұл өз әрекетін 07.09.2023 ж. тоқтатқан құжаттың ескі нұсқасы. Қолданыстағы нұсқасы келесі мекенжай бойынша орналастырылған: https://yandex.kz/legal/samokaty.

Ознакомиться с Условиями аренды электросамоката Яндекс Go на русском языке можно здесь.

Осы шарттарға сәйкес, «Микромобильділік» ЖШС (әрі қарай — «Яндекс») әрекет қабілеттілігі бар кез келген 18 жасқа толған жеке тұлғаға (әрі қарай — «Пайдаланушы») Электросамокатты жалға алу сервисін (әрі қарай — «Сервис») пайдалануды, сондай-ақ, төменде көрсетілген шарттар бойынша осы офертаны қабылдауды және осылайша Яндекспен Электросамокатты қысқа мерзімге жалға алумен байланысты құқықтық қатынастарды баяндайтын шартты (әрі қарай мәтін ішінде — «Шарт» немесе «Шарттар») жасауды ұсынады:

ЭЛЕКТРОСАМОКАТТЫ ЖАЛҒА АЛУ МҮМКІНДІГІН АЛҒАНҒА ДЕЙІН ОСЫ ШАРТТАРДЫ МҰҚИЯТ ОҚЫП ШЫҒУДЫ ӨТІНЕМІЗ.

ПАЙДАЛАНУШЫ (АТАП АЙТҚАНДА, СІЗ) ЭЛЕКТРОСАМОКАТТЫ ПАЙДАЛАНУ ПАЙДАЛАНУШЫДАН (АТАП АЙТҚАНДА, СІЗДЕН) ЭЛЕКТРОСАМОКАТТЫ ПАЙДАЛАНУШЫ (АТАП АЙТҚАНДА, СІЗ) ЖӘНЕ АЙНАЛАДАҒЫ АДАМДАР ҮШІН ҚАУІПСІЗ ТҮРДЕ БАСҚАРУҒА СЕПТІГІН ТИГІЗЕТІН БЕЛГІЛІ БІР ДАҒДЫЛАРДЫҢ БОЛУЫН ЖӘНЕ ШАРТТАРДЫ САҚТАУДЫ ТАЛАП ЕТЕТІНДІГІН МОЙЫНДАЙСЫЗ ЖӘНЕ ТҮСІНЕСІЗ.

ЯНДЕКС ПАЙДАЛАНУШЫДАН (АТАП АЙТҚАНДА, СІЗДЕН) ПАЙДАЛАНУШЫ (АТАП АЙТҚАНДА, СІЗ) ЭЛЕКТРОСАМОКАТТЫ ҚАУІПСІЗ БАСҚАРУДЫ ҚАМТАМАСЫЗ ЕТЕТІН ЭЛЕКТРОСАМОКАТТЫ ПАЙДАЛАНУ ШАРТТАРЫН ҰСТАНБАУ САЛДАРЫНАН ӨЗІҢІЗ НЕМЕСЕ АЙНАЛАДАҒЫ АДАМДАР ҮШІН ЖАҒЫМСЫЗ САЛДАРДЫҢ ТУЫНДАУ ҚАУПІ БАР ЕКЕНІН ТҮСІНЕТІНДІГІН КҮТЕДІ.

Электросамокатты қысқа мерзімге жалға алу және Электросамокатты қысқа мерзімге жалға алу аясында ұсынылатын қосымша қызметтерді қолдану мүмкіндігін алу (әрі қарай — «Жалға алу») Пайдаланушының (атап айтқанда, сіздің) Яндекс пен Пайдаланушының арасында келісімшарттық қатынастарды белгілейтін осы Шарттармен, сондай-ақ, реттеуші құжаттардың шарттарымен толық көлемде, қандай да бір түсініспеушіліктер мен ерекшеліктерсіз келісетіндігіңізді білдіреді. Егер Пайдаланушы (атап айтқанда, сіз) осы Шарттармен толықтай немесе оның қандай да бір бөлігімен келіспейтін болса, онда Пайдаланушы (атап айтқанда, сіз) Жалға алуды қолдана алмайды және Электросамокатты қандай да бір жолмен пайдалана алмайды.

Жалға алу мүмкіндігін беру осы Шартпен, сондай-ақ, «ЯНДЕКС» ЖШҚ (НМТН: 1027700229193) құжаттарымен реттеледі:

Яндекс сервистерін пайдаланушының келісімі (https://yandex.kz/legal/rules),
«Яндекс.Плюс Кэшбэк» бейілділік бағдарламасының ережелері (https://yandex.ru/legal/plus_loyalty),
Яндекс.Плюс жазылымының шарттары (https://yandex.ru/legal/yandex_plus_conditions),
Құпиялылық саясаты (https://yandex.kz/legal/confidential) (әрі қарай бәрі бірге — «Реттеуші құжаттар» деп аталады).

Шарт Қазақстан Республикасының Азаматтық кодексінің 389 бабына сәйкес, осы Шарттарға қосылу шарттарымен жасалады. Шарт Қазақстан Республикасының Азаматтық кодексінің 387 бабындағы мағынасы бойынша жария шарт болып табылмайды.

Жалға алу мүмкіндігін ала отырып, Пайдаланушы жарнамалық сипаттағы хабарламалар алуға өз келісімін береді. Пайдаланушыда Сервистің тиісті функционалын пайдалану арқылы немесе жарнамалық сипаттағы алынған хабарламада көрсетілген нұсқаулықтар бойынша жарнамалық сипаттағы хабарламаларды алудан бас тарту құқығы бар.

Яндексте және/немесе тартылған үшінші тұлғаларда статистикалық мақсатта, Жалға алу сапасын бақылау үшін Пайдаланушылардың көзқарасы мен пікірлерін жинауды жүргізу, сондай-ақ, алынған деректерді иесіздендірілген күйде Сервис жұмысы үшін пайдалану құқығы бар. Пайдаланушылар арасында сауалнама ақпараттық хабарлама жіберу арқылы немесе Пайдаланушы өзінің есептік жазбасында көрсеткен байланыс ақпараты бойынша хабарласу жолымен (телефон арқылы қоңырау шалу немесе хабарлама жіберу арқылы) жүргізілуі мүмкін.

Пайдаланушы осы Шарттарды бұзған жағдайда, өкілетті орган өкім шығарған жағдайда, Яндекске немесе үшінші тұлғаларға залал келтірілген жағдайда (сәйкесінше, осындай әрекеттердің алдын алу үшін), айналадағы адамдар үшін қауіп туындатқан жағдайда, Яндекс пен үшінші тұлғалардың құқықтары мен заңды мүдделерін қорғау үшін, Пайдаланушының әрекеттеріне қатысты бірнеше шағым алған жағдайда, оның ішінде, Электросамокатты қауіпсіз пайдалануды қамтамасыз ететін ережелер мен шарттарды бұзған жағдайда, Яндекс Пайдаланушының Жалға алу мүмкіндігін уақытша немесе тұрақты түрде себептерін түсіндірместен шектей алады.

Осы Шарттың кейбір шарттары Электросамокаттарды Жалға алу қолжетімді тек кейбір қалаға немесе орынға ғана қатысты қолданылуы мүмкін. Мұндай жағдайда, Шарттың мәтінінде Шарттың шарттары тек нақты бір қалаға немесе орынға ғана қатысты екендігі туралы ақпарат тікелей жазылып тұрады. Осы арқылы, Яндекс Шарттың шарттары бойынша Электросамокаттарды Жалға алу қолжетімді нақты бір қалаға немесе орынға таралмайтын кез келген сипаттағы кепілдіктерден тікелей бас тартады.

1. Терминдер

Шартты орындау және оның мәнін дұрыс түсіндіру мақсатында Шартта терминдер мен анықтамалар белгіленген. Егер Шартта анықтамасы берілмеген терминдер мен анықтамалар Шартта қолданылатын болса, олар тиісті саладағы тәжірибелік іскери айналымда оларға берілетін әдеттегі мәнге ие болады.

Қабылдау — 18 жасқа толған әрекетке қабілетті жеке тұлғаның осы Шартта қарастырылған тәртіппен осы Офертаның шарттарына жасалатын (берілетін) келісімі.

Шегерім — осы Шарттың шарттарын орындау үшін Пайдаланушы көрсеткен Тіркелген картадан ақшалай қаражатты шегеру.

Мобильді қолданба — Яндекс Интернет желісінде келесі мекенжай бойынша орналасқан шарттармен ұсынатын «Яндекс GO» бағдарламасы: https://yandex.com/legal/yandexgo_mobile_agreement/#kazakhstan_ru немесе Яндекс Интернет желісінде келесі мекенжай бойынша орналасқан шарттармен ұсынатын «Яндекс.Карталар» бағдарламасы: https://yandex.ru/legal/maps_mobile_agreement

ЖЖЕ — Қазақстан Республикасы Үкіметінің 2014 жылғы 13 қарашадағы № 1196 «Жол жүрісі қағидаларын, Көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы» қаулысы.

Тіркелген банк картасы (карта) — Интернет желісінде келесі мекенжай бойынша орналасқан Яндекс сервистерін пайдаланушының келісіміне сәйкес, деректері Мобильді қолданбада, сондай-ақ, Пайдаланушының есептік жазбасында орналасқан Пайдаланушының бір немесе бірнеше банк картасы: https://yandex.kz/legal/rules.

Тіркелген банк картасын Пайдаланушы Сервис интерфейсінде көрсете алады, бұл ретте Пайдаланушы келесі деректерді көрсетеді:

Банк картасының нөмірі

Жарамдылық мерзімі

Қорғаныс коды

Егер банк картасының деректері дұрыс, жарамды және осы картаны Сервис аясында пайдалану техникалық тұрғыдан мүмкін болса, көрсетілген банк картасы Тіркелген болып саналады және оны Электросамокаттарды Жалға алу құнын төлеу үшін пайдалануға болады.

Жалға алу — осы Шартта белгіленген ережелер бойынша Электросамокатты оның қолданылу мақсатына сәйкес түрде пайдалану және оған иелік ету құқықтарын Жалға алу басталған сәттен ол аяқталған сәтке дейін уақытша және қысқа мерзімге беру.

Электросамокат — Шарт бойынша Яндекс Пайдаланушыға уақытша пайдалану және иелік ету үшін беретін қозғалыс жасауға арналған құрал.

Жалға алуды бастау және аяқтау аймағы — қаланың Мобильді қолданбада жалға алуды бастау және аяқтау аймағы ретінде белгіленген аумағы.

Тұрақ — Яндекстің Мобильді қолданбасындағы картада белгіленген Пайдаланушы Жалға алуды аяқтай алатын орын.

Брондау — Пайдаланушы таңдаған Электросамокатты нақты Пайдаланушыға Брондау кезеңіне бекіту.

Кеңейтілген сақтандыру бағдарламасы — Пайдаланушының сақтандыру өтемақысын төлейтін жағдайлар ауқымы арттырылған және бағдарламаға қосылған кезде қолжетімді болатын өзге де қосымша шарттары бар Пайдаланушыны сақтандыру бағдарламасы.

Маусым — Сервис Пайдаланушылар үшін қолжетімді болатын уақыт кезеңі. Маусымның басталғаны немесе аяқталғаны туралы Яндекс Пайдаланушыларға Маусымның басталғаны немесе аяқталғаны туралы тиісті түрде хабарлауды қамтамасыз ететін тәсілмен хабарлайды.

2. Шарттың мәні

2.1 Осы Шартқа сәйкес, Яндекс Пайдаланушыға Электросамокатты Жалға алу мүмкіндігін, оның ішінде, Электросамокатты Жалға алу аясында Электросамокатты Брондау мүмкіндігін, сондай-ақ, Кеңейтілген сақтандыру бағдарламасына қосылу мүмкіндігін береді, ал Пайдаланушы, өз кезегінде, осы Шартта көрсетілген шарттар мен міндеттерін ұстануға міндеттеледі.

2.2 Электросамокат Пайдаланушыға тек жеке қажеттіліктері үшін ғана беріледі.

2.3 Жалға алу үшін қолжетімді Электросамокаттар Мобильді қолданбада көрсетіледі және оларды Пайдаланушы белгілейді. Пайдаланушы Электросамокатты осы Шарт аясында Яндекс Жалға алу үшін ұсынған тізімнен Мобильді қолданбада қарастырылған тәртіп бойынша өзі таңдайды. Пайдаланушы Пайдаланушының және Пайдаланушыға Жалға берілетін Электросамокаттың сәйкестендіру деректерін Яндекстің жүйелері Мобильді қолданба арқылы тіркеп отыратындығына келісім береді.

2.4 Шартты жасау және Жалға алу мүмкіндігін алу үшін Пайдаланушы осы Офертаны Шартта белгіленген тәртіппен қабылдауы керек.

2.5 Пайдаланушы келесі әрекеттер жиынтығын орындаған жағдайда Қабылдау жасалды деп есептеледі:

2.5.1 Пайдаланушының Мобильді қолданба арқылы Сервис ұсынған көлемде және тәсілмен шынайы деректерін беруі. Аталған деректерді Жалға алу мүмкіндігін беру алдында Яндекс сұрайды және Пайдаланушы береді. Егер Пайдаланушыда Мобильді қолданба және/немесе Мобильді қолданбада белсенді есептік жазба болмаса, ондай Пайдаланушы Мобильді қолданбаны орнатуды және/немесе есептік жазбаны тіркеуді іске асыруы керек.

2.5.2 Пайдаланушының Сервисті ұсыну (Жалға алу мүмкіндігін беру шарттары) және осы Шарттың ережелерімен және шарттарымен «Мен Жалға алу шарттарымен келісемін» батырмасына басу арқылы (ауыстырғышты оң жаққа көшіру) немесе Сервис Пайдаланушыға Мобильді қолданбада «БРОНДАУ» батырмасын алғаш рет басқан кезде Сервисті ұсыну ережелерімен және Мобильді қолданбадағы осы Шартпен келісетіндігін растау ретінде жасау үшін ұсынатын өзге әрекет арқылы танысуы.

2.5.3 Пайдаланушының Мобильді қолданбаға Тіркелген картаны қосуы (егер Тіркелген карта осыған дейін қосылмаған болса) және Тіркелген карта деректерінің дәлдігі мен жарамдылығын растау үшін қажетті 50 (елу) теңге көлеміндегі соманың шегерілуі; транзакция сәтті өткен жағдайда аталған сома Пайдаланушыға қайтарылады. Аталған соманы шегеру әрекетінің сәтсіздігі Тіркелген картаның деректерін қосудың мүмкін еместігін және Жалға алу мүмкіндігін алудың мүмкін еместігін білдіреді.

2.6 Пайдаланушы Яндекстің осы Шарттың 2.5 тармағына сәйкес берілген деректерді кез келген заңды тәсілмен тексеруге, оның ішінде, Пайдаланушыға растау ақпаратын беру туралы сұраныс жіберуге құқығы барымен келіседі. Осы арқылы Пайдаланушы Пайдаланушыны қосымша тексеруді жүзеге асыру мақсатында қажетті сұратылған растау ақпаратын Пайдаланушы бермеген жағдайда, Пайдаланушы үшін Сервис шектелуі мүмкін екендігін біледі және осымен келіседі.

2.7 Яндексте Офертаны қабылдау Яндекс ЖАУАПТЫ ЕМЕС себептер бойынша мүмкін болмаған жағдайда қандай да бір жауапкершілік немесе қандай да бір міндеттеме болмайды.

2.8 Осы Офертаны қабылдау арқылы Пайдаланушы Мобильді қолданбада оның есептік жазбасының көмегімен жасалған кез келген әрекетті Пайдаланушының өзі жасағанын растайды. Пайдаланушының құрылғысын немесе есептік жазбасын рұқсатсыз пайдаланумен байланысты барлық тәуекелдер үшін Пайдаланушы өзі жауап береді.

2.9 Осы Офертаны қабылдау арқылы Пайдаланушы өзінің жеке деректерін Жалға алу мүмкіндігін беру және Шартты орындау мақсатында Яндекс өңдейтіндігімен келісетіндігін растайды.

2.10 Осы Шартты жасау арқылы Пайдаланушы мыналарды растайды:

2.10.1 Қазақ және/немесе орыс тілдерін Шарттың мәні мен мағынасын оқу және түсіну үшін жеткілікті деңгейде меңгергенін растайды.

2.10.2 Шарттың шарттарын оқығанын, онда көрсетілген құжаттардың мәні мен мағынасын ұққандығын, олардың мазмұнымен келісетіндігін және олар белгілеген талаптарды орындауға міндеттелетіндігін, сондай-ақ, Шартты жасау және Сервис пен Мобильді қолданбаны әрі қарай пайдаланудың барлық салдарын түсінетіндігін растайды.

2.10.3 Электросамокатқа Электросамокаттың нақты координаталарын бақылап отыруға және тіркеуге, Электросамокаттың қозғалыс барысын, Электросамокаттың жай-күйін бақылап отыруға мүмкіндік беретін кез келген жабдықты және кез келген технологияларды орнатуға келісетіндігін растайды.

2.10.4 Пайдаланушы әкімшілік құқықбұзушылықтар туралы істер бойынша әкімшілік өндіріс жүргізетін органдардың Пайдаланушыға кез келген қолжетімді байланыс құралдарын (телефонограмма, телеграмма, электрондық пошта, смс-хабарлама) пайдалану арқылы әкімшілік құқықбұзушылық туралы хаттаманың толтырылған күні, уақыты мен орны туралы және істі мәні бойынша қарастыру туралы хабарлама жібере алатындығымен келісетіндігін растайды.

2.10.5 Пайдаланушыға негізгі сақтандыру қолжетімді. Негізгі сақтандыру оқыс оқиға нәтижесінде 4 000 000 (төрт миллион) теңгеге дейін өмірді сақтандыруды және мүгедектің туындауынан сақтандыруды, 600 000 (алты жүз мың) теңгеге дейін зақым алудан сақтандыруды, сондай-ақ, оқыс оқиға нәтижесінде 4 000 000 (төрт миллион) теңгеге дейін айналадағы адамдардың өміріне нұқсан келтіруден және мүгедек қылудан, сондай-ақ, 600 000 (алты жүз мың) теңгеге дейін айналадағы адамдарға зақым келтіруден Пайдаланушының азаматтық жауапкершілігін сақтандыруды қамтиды.

Негізгі сақтандыру Бірлескен сапар аясында Электросамокатты пайдаланатын барлық үшінші тұлғаларға да қолданылады.

Негізгі сақтандыру қосымша төлемсіз қолжетімді және қолданылады.

Негізгі сақтандыру курьерлік жеткізілімдерді жүзеге асыратын Пайдаланушылардың арнайы санаты үшін арнайы «Курьер» тарифіне (немесе Мобильді қосымша интерфейсінде Яндекс анықтайтын басқа атаулы тарифіне) қолданылмайды.

2.10.6 Пайдаланушыға Кеңейтілген сақтандыру бағдарламасына қосылу қызметі қолжетімді. Кеңейтілген сақтандыру бағдарламасы оқыс оқиға нәтижесінде 4 000 000 (төрт миллион) теңгеге дейін өмірді сақтандыруды және мүгедектің туындауынан сақтандыруды, 2 000 000 (екі миллион) теңгеге дейін зақым алудан сақтандыруды, 600 000 (алты жүз мың) теңгеге дейін жеке мүлікті (телефон, ноутбук, және сақтандыру шарты бойынша ерекшеліктерден басқа гаджеттер) сақтандыруды, сондай-ақ, оқыс оқиға нәтижесінде 4 000 000 (төрт миллион) теңгеге дейін айналадағы адамдардың өміріне нұқсан келтіруден және мүгедек қылудан, сондай-ақ, 2 000 000 (екі миллион) теңгеге дейін айналадағы адамдарға зақым келтіруден және 1 200 000 (бір миллион екі жүз мың) теңгеге дейін жануарлардан басқа айналадағы адамдардың мүлкіне зиян келтіруден Пайдаланушының азаматтық жауапкершілігін сақтандыруды қамтиды.

Пайдаланушы Кеңейтілген сақтандыру бағдарламасын қосқан жағдайда, Яндекс Пайдаланушының ақпараттық көмекшісі ретіндегі функциясын қамтамасыз етеді, атап айтқанда, Яндекс Пайдаланушының орын алған сақтандыру жағдайының аясында сақтандыру компаниясының Пайдаланушының алдындағы міндеттемелерін орындауына бақылау жүргізеді, Пайдаланушының орын алған сақтандыру жағдайының аясында сақтандыру компаниясымен хат-хабар алысуды жүзеге асырады, Пайдаланушының орын алған сақтандыру жағдайының аясында сақтандыру компаниясының Пайдаланушының алдындағы міндеттемелерін орындағаны жайлы Пайдаланушыға хабарлайды, Пайдаланушының ақпараттық көмекшісі ретінде өзге әрекеттерді жүзеге асырады.

Пайдаланушы Кеңейтілген сақтандыру бағдарламасын Бірлескен сапар аясында Электросамокатты пайдаланатын барлық үшінші тұлғалар үшін қоса алады.

Кеңейтілген сақтандыру бағдарламасы курьерлік жеткізілімдерді жүзеге асыратын Пайдаланушылардың арнайы үшін арнайы «Курьер» тарифінде (немесе Мобильді қосымша интерфейсінде Яндекс анықтайтын басқа атаулы тарифінде) қолжетімді емес және іске қосылмайды.

2.10.7 Бір Пайдаланушы бірнеше Электросамокатты Жалға ала алады (әрі қарай – «Тағы бір самокат опциясы»).

Бір Пайдаланушы ең көбі үш Электросамокатты Жалға ала алады.

Пайдаланушыда жалға алған Электросамокаттарды 18 жасқа толған әрекетке қабілетті және осы Шарттардың талаптарына сай келетін үшінші тұлғаларға беру құқығы бар.

Үшінші тұлғалар Электросамокаттарды пайдалануды бастар алдында Пайдаланушы Электросамокатты беруді жоспарлап отырған барлық үшінші тұлғаларға осы Шарттарды таныстыруға міндеттеледі.

Сапарды бірлесіп жасаған жағдайда (Тағы бір самокат опциясын пайдаланған кезде) Электросамокаттың саулығы, сондай-ақ, осы Шарттардың сақталуы үшін жауапкершілік Электросамокат берілген үшінші тұлғаға емес, Пайдаланушының өзіне жүктеледі.

Бірнеше Электросамокатты жалға алумен байланысты туындаған ақшалай міндеттемелер тікелей Пайдаланушыға жүктеледі және оларды Пайдаланушы орындайды, оларды үшінші тұлғаларға тапсыруға болмайды.

3. Тараптардың құқықтары мен міндеттері

3.1 Яндекстің міндеттері:

3.1.1 Пайдаланушыға Электросамокатты қысқа мерзімге Жалға беру;

3.1.2 Пайдаланушыға Мобильді қолданба арқылы немесе Интернет желісіне орналастыру арқылы Электросамокат туралы толық ақпаратты беру.

3.1.3 Электросамокаттың қалыпты жұмыс істеуін қамтамасыз ету және осымен байланысты шығындарды көтеру.

3.1.4 Пайдаланушының жеке деректерін алу және өңдеу кезінде ҚР заңнамасы талаптарының орындалуын қамтамасыз ету;

3.1.5 Шарттан шығатын міндеттемелерді орындау.

3.1.6 Сервисті «as is» форматында пайдалану мүмкіндігін беру, Сервистің жұмысы кезінде туындаған қателердің түзетілуін қамтамасыз ету (мүмкіндік бар болса).

3.2 Яндекстің құқықтары:

3.2.1 Электросамокаттың саулығын қамтамасыз етуге, сондай-ақ оның техникалық жағдайына бақылау жүргізу, Электросамокатты пайдаланудың осы Шартта белгіленген мақсаттарға сай екендігін бақылау;

3.2.2 Пайдаланушы Мобильді қолданба арқылы тіркелген кезде жалған немесе толық емес деректерді берген жағдайда Шартты жасаудан бас тарту.

3.2.3 Пайдаланушыда осы Шартқа байланысты қарыз болған жағдайда Шартты жасаудан бас тарту, оның әрекетін уақытша немесе мүлде тоқтату.

3.2.4 Пайдаланушыға алдын ала ескертпестен Шартқа өзгертулер енгізу.

3.2.5 Яндекстің ойынша, Сервиске қатысты қасақана әрекеттер жасап жатқан Пайдаланушыларға Жалға алу мүмкіндігін беруден бас тарту.

3.2.6 Осы Шарттың шарттарын бұзған Пайдаланушыға айыппұлдар салу. Яндекс Пайдаланушыға салынған айыппұлды төлеу үшін шот жіберуге құқылы.

3.3 Пайдаланушының құқықтары:

Пайдаланушыда осы Шартта қарастырылған тәртіппен және шарттармен Электросамокатқа иелік ету және оны пайдалану құқығы бар.

3.4 Пайдаланушының міндеттері:

3.4.1 Электросамокатпен жүре бастаудың алдында онда механикалық бүліністердің жоқ екендігін тексеріп алуы керек.

Электросамокатпен жүре бастаудың алдында Пайдаланушы Электрсамокаттың бүлінген жерлерінің жоқ екендігін тексеру үшін Электросамокатты қарап шығуы керек. Егер тексеру кезінде Пайдаланушы Электросамокаттың бүлінген жерлерін анықтайтын болса, онда Пайдаланушы Электросамокаттың бүлінген жерлерінің фотосуретін Мобильді қолданба арқылы Яндекске жіберуі керек. Бұл ретте, егер алдағы уақытта басқа Пайдаланушы немесе Яндекс бүліністерді анықтаған жағдайда, Пайдаланушы Жалға алу кезінде бүлдірген нәрселер үшін өзін кінәлі және жауапты ретінде мойындайды.

Электросамокатты басқару қауіпсіздігіне (электроникадағы ақаулар, тежеу жүйесінің ақаулары, рөл жүйесінің ақаулары, басқа ақаулар) әсер етуі мүмкін Электросамокаттың бүлінген жерлерін анықтаған жағдайда Пайдаланушы Электросамокатпен жүрмеуі керек.

3.4.2 Электросамокаттың бүлінген жерлері табылмаса, осы Шарттың 7 бөлімінде қарастырылған тәртіппен Электросамокатты Жалға алуға қабылдау;

3.4.3 Жалға алу кезінде пайда болған Электросамокаттың кез келген бүліністері, Электросамокаттың қатысуымен орын алған жол-көлік оқиғалары туралы Мобильді қолданбаның көмегімен Яндекске дереу хабарлау.

Бұл ретте, Пайдаланушы Электросамокатты пайдалануды тоқтатуы керек: егер Пайдаланушының кінәсіне тәуелсіз түрде үшінші тұлғалардың қатысуымен жол-көлік оқиғасы орын алса; егер Пайдаланушының кінәсіне тәуелсіз түрде туындаған жол-көлік апатының кесірінен үшінші тұлғалардың мүлкі бүлінсе; егер Электросамокаттың бүлінгені соншалық, оны әрі қарай пайдалану қауіпті немесе мүмкін болмаса, бұл туралы Мобильді қолданба арқылы Яндекске хабарлау керек.

Өзге жағдайларда, Пайдаланушы Электросамокатты әрі қарай пайдалана алады.

3.4.4 Пайдаланушыға Электросамокатпен метроға түсуге (егер ол Электросамокаттарды Жалға алу қолжетімді қалада немесе орында бар болса), ғимараттардың, кіру мүмкіндігі шектеулі аумақтардың ішіне кіруге және т.б. тыйым салынады.

3.4.5 Үшінші тұлғалардың, оның ішінде жол қозғалысының басқа қатысушыларының өміріне, денсаулығы мен мүлкіне нұқсан келтірмеу. Электросамокатты пайдалану арқылы нұқсан келтірген жағдайда, Пайдаланушы ҚР қолданыстағы заңнамасында қарастырылған тәртіппен жауапқа тартылады.

3.4.6 Пайдаланушы Электросамокатты оның тікелей мақсатына қатаң түрдегі сәйкестікпен пайдалануға міндеттеледі.

3.4.7 Электросамокатты тек өзі басқаруы керек. Пайдаланушыда Электросамокатты үшінші тұлғаларға пайдалану үшін қосалқы түрде жалға беру құқығы жоқ.

3.4.8 Жалға алу басталған сәттен бастап Жалға алу аяқталған сәтке дейін Электросамокаттың саулығын қамтамасыз ету және Сервистің басқа барлық Шарттарын сақтау;

3.4.9 Өзінің Мобильді қолданбадағы есептік жазбасын, оның ішінде аты мен құпиясөзін, басқа тұлғалардың рұқсатсыз пайдалануынан қорғау үшін тиісті іс-шаралар қолдану және осындай пайдалану дәйегі анықталған жағдайда Яндекске тиісті ақпаратты дереу хабарлау;

3.4.10 Пайдаланушыда өзінің есептік жазбасының деректерін үшінші тұлғаларға беру құқығы жоқ;

3.4.11 Мобильді қолданбадағы ақпараттың және осы Шарттардың жаңартуларын бақылап отыру;

3.4.12 Жалға алу төлемін уақытылы жасап отыру және Тіркелген банк картасында Жалға алу құнын төлеу мақсатында ақшалай қаражаттың жеткілікті мөлшерін қамтамасыз ету;

3.4.13 Шарттың шарттарына сәйкес, Электросамокатты Жалға алу құнын төлеу, сондай-ақ, Яндекс салған (қарастырған) айыппұлдарды төлеу.

3.4.14 Пайдаланушының шотынан Шарттың шарттарына сай келмейтін мөлшерде ақшалай қаражат шегерілген жағдайда, бұл туралы Яндекске Мобильді қолданба арқылы немесе support.taxi@go.yandex.com поштасы арқылы дереу хабарлау керек.

3.4.15 Жалға алу аяқталған кезде Пайдаланушы Электросамокатты Сервистің Жұмыс аймағындағы велотұраққа немесе Мобильді қолданбада Электросамокатты тұраққа қоюға болатын аймақ ретінде белгіленген өзге тұраққа қоюға міндетті.

3.4.16 Электросамокат Яндекске Шартта қарастырылған тәртіппен ақаусыз күйде және бүліністерсіз қайтарылуы керек.

3.4.17 Яндекске материалдық шығын келтіруді болдырмау мақсатында, сондай-ақ, сапар қауіпсіздігін қамтамасыз ету мақсатында, Пайдаланушыға тыйым салынады:

3.4.17.1 сапар кезінде Электросамокаттың бүліну себебі болуы мүмкін кедір-бұдыр жерлерде, жабыны нашар жерлерде Электросамокатты пайдалану.

3.4.17.2 Электросамокатты жол жоқ жерлерде, қиылысқан аймақтарда жүру үшін пайдалану;

3.4.17.3 Өндіруші белгілеген шектеулерге байланысты, жиын салмағы 100 кг асқан кезде Электросамокатпен жүруге тыйым салынады;

3.4.18 Электросамокатты пайдалану кезінде Пайдаланушы жолда жүру ережелерін сақтауға және оларды бұзғаны үшін жауап беруге міндетті. Осылайша, Пайдаланушы:

велосипед, веложаяу жолдары немесе велосипедпен жүруге арналған жолдар, велоаймақтар бойынша жүруге міндеттеледі;

велосипед, веложаяу жолдары немесе велосипедпен жүруге арналған жолдар, велоаймақтар болмаған жағдайда немесе олар бойынша жүру мүмкіндігі болмаса, тротуар немесе жаяу жүргіншілер жолы арқылы жүруге болады;

САПАР ҚАУІПСІЗДІГІН ҚАМТАМАСЫЗ ЕТУ МАҚСАТЫНДА ПАЙДАЛАНУШЫ ЭЛЕКТРОСАМОКАТПЕН ЖҮРГЕН КЕЗДЕ ҚАУІПСІЗДІККЕ ТІКЕЛЕЙ ӘСЕР ЕТЕТІН КЕЛЕСІ ЕРЕЖЕЛЕР МЕН ҰСЫНЫМДАРДЫ САҚТАУҒА МІНДЕТТЕЛЕДІ:

3.4.19 Қауіпсіз сапар шарттарын қамтамасыз ету мақсатында Пайдаланушы қорғаныс шлемін және құлаған немесе соғылған кезде зақым алудан қорғауды қамтамасыз ететін өзге қорғаныс құралдарын пайдалана алады.

3.4.20 Қауіпсіз сапар шарттарын қамтамасыз ету мақсатында Пайдаланушы Электросамокатпен оның әрекеттері жол қозғалысының басқа қатысушылары, оның ішінде, жаяу жүргіншілер үшін түсінікті болатындай етіп жүруі керек. Пайдаланушы Электросамокатты қауіпсіз түрде басқаруға әсер етуі мүмкін жол жағдайын және басқа барлық жағдайларды ескеруі керек.

3.4.21 Қауіпсіз сапар шарттарын қамтамасыз ету мақсатында Пайдаланушы сапар басталған кезде және сапар кезінде рөлді екі қолмен ұстап, Электросамокатты бір қолмен басқаруға жол бермеуі керек.

3.4.22 Қауіпсіз сапар шарттарын қамтамасыз ету мақсатында Пайдаланушы Электросамокатты қауіпсіз басқаруға кедергі келтіруі мүмкін кез келген нысандармен соғылудан немесе жанасудан сақтауы керек.

3.4.23 Қауіпсіз сапар шарттарын қамтамасыз ету мақсатында Пайдаланушы рөлге Электросамокатты қауіпсіз басқаруға кедергі келтіруі мүмкін кез келген ауыр сөмкелерді, рюкзактарды ілмеуі керек.

3.4.24 Қауіпсіз сапар шарттарын қамтамасыз ету мақсатында Пайдаланушы Электросамокатта екі аяғымен тұруы керек.

3.4.25 Қауіпсіз сапар шарттарын қамтамасыз ету мақсатында Пайдаланушы Электросамокатты алкогольдік, есірткілік, улы заттармен немесе өзгеше мастанған жағдайда жүргізбеуі керек, сәйкесінше, өкілетті лауазымдық тұлғаның талабы бойынша медициналық куәландыру процедурасынан өтуден бас тартпауы керек;

3.4.26 Қауіпсіз сапар шарттарын қамтамасыз ету мақсатында Пайдаланушы жүргін жолды Электросамокаттан түспестен жерүсті, жербеті, жерасты және өзге өтпе жолдар арқылы қиып өтпеуі керек;

3.4.27 Қауіпсіз сапар шарттарын қамтамасыз ету мақсатында Пайдаланушы бір Электросамокатқа тағы біреумен бірге мініп жүрмеуі керек (мысалы, екі адам мініп жүру);

3.4.28 Қауіпсіз сапар шарттарын қамтамасыз ету мақсатында Пайдаланушы Электросамокатқа байланған үй жануарымен бірге Электросамокатпен жүрмеуі керек немесе, егер бұл сапар қауіпсіздігіне нұқсан келтіруі мүмкін болса, үй жануарын басқаша түрде серуендетуге болмайды (мысалы, Электросамокатпен жүрген кезде үй жануарының жібін ұстап жүру).

4. Жалға алу құны және төлемі

4.1 Жалға алу төлемдерін (Жалға алу төлемі), сондай-ақ, қарыздарды, айыппұлдарды және осы Шартпен қарастырылған өзге төлемдерді төлеу осы Шарттың шарттарына сәйкес Пайдаланушының Тіркелген картасынан Ақшалай қаражатты шегеру жолымен жүргізіледі.

Яндексте Пайдаланушылардың жекелеген санаттарына Жалға алу құнына қатысты ерекше шарттар ұсыну құқығы бар.

4.2 Егер Мобильді қолданбада қолжетімді болса, Пайдаланушы жалға алу төлемдерін жүргізудің келесі тәсілдерінің бірін таңдай алады (Жалға алу төлемі):

4.2.1 Жалға алу төлемінің тарифін минут үшін төлеу («С» мәні) – «Минут үшін» тарифі.

Жалға алу төлемі (Жалға алу құны) келесі формула бойынша есептеледі:

D + (A + C) * S = Е, мұндағы:

«A» — «*КҮТУ РЕЖИМІ*» батырмасын басқаннан кейін «*САПАРДЫ ЖАЛҒАСТЫРУ*» батырмасын басқан сәтке дейін күтудің 1 минуты үшін жалға алу төлемі мөлшерлемесі құнының жартысына (С-дан 1/2) тең мөлшерде есептелетін ақылы күту құны.

Ақылы күту құнына ҚҚС қосылған:

«С» — жалға алу төлемінің тарифі, ол мынаны құрайды:

- Алматы қаласы (ҚР) үшін: Электросамокатты Жалға алудың 1 минуты үшін 49 (қырық тоғыз) теңге;

- Алматы қаласы (ҚР) үшін курьерлік жеткізуді жүзеге асыратын Пайдаланушылардың арнайы санаты үшін «Курьер» (немесе Мобильді қосымша интерфейсінде Яндекс анықтайтын басқа атаулы) арнайы тарифі үшін: құны Мобильді қосымшада көрсетілген.

Жалға алу төлемінің тарифі «*САПАРДЫ БАСТАУ*» батырмасын басқаннан кейін есептеле бастайды. Жалға алу төлемінің мөлшерлемесіне ҚҚС қосылған.

«D» — Электросамокатты Жалға алудың 1 минуты үшін 6 (алты) теңгені құрайтын және «*САПАРДЫ БАСТАУ*» батырмасын басқаннан кейін Жалға алу мерзімі аяқталған сәтке дейін есептелетін Кеңейтілген сақтандыру бағдарламасына қосылу құны. Кеңейтілген сақтандыру бағдарламасына қосылу құнына ҚҚС қосылған.

«S» — жалға алу төлемінің тарифін өзгертетін коэффициент (Электросамокатты Жалға алуға сұраныс артқан немесе жеткіліксіз болған кездерде жалға алу төлемінің тарифі «С» мөлшеріне ұлғайтылуы немесе азайтылуы мүмкін. Яндекс жалға алу төлемі тарифінің өзгергені туралы Яндекс таңдаған тәсілмен, оның ішінде Пайдаланушыға пуш-хабарлама арқылы ақпараттық хабарлама жіберу жолымен хабарлауға құқылы).

«Е» — жалға алу төлемінің (Жалға алудың) жалпы құны.

4.2.2. Жалға алу төлемі тарифінің бекітілген төлемімен («С» мәні) – «Фикс» тарифі.

Жалға алу төлемі (Жалға алу құны) келесі формула бойынша есептеледі:

D + (A + C) * S = Е, мұндағы:

Ақылы күту құнына ҚҚС қосылған:

«С» — жалға алу төлемінің бекітілген тарифі, ол мыналарға байланысты анықталады:

«Фикс» тарифі бойынша Электросамокатпен жүру құнын Яндекс «Минут үшін» тарифі бойынша Мобильді қолданбада қолжетімді және Пайдаланушы көрсеткен Тұраққа дейінгі есептік уақыт және (немесе) сапар километрлерінің санын ескере отырып есептеледі.

«Фикс» тарифі Жалға алу төлемінің құнын есептеуге келесі шарттар сақталған кезде қолданылуы мүмкін:

І) Пайдаланушы сапар аяқталатын нүктені – Мобильді қолданбада қолжетімді Тұрақты Электросамокатты брондағанға дейін көрсетті;

ІІ) Пайдаланушы Электросамокатты қайтаруды Мобильді қолданбада қолжетімді таңдалған Тұрақ аясында жүзеге асырды;

ІІІ) Пайдаланушы Электросамокатты қайтаруды сапардың есептік уақытынан аспайтын мерзімде орындады;

Бұл ретте, сапардың есептік уақыты ретінде Мобильді қолданба сапар бағдары мен жолдағы жағдайды ескере отырып, автоматты түрде есептеген уақыт саналады. Сапардың есептік уақыты жоғарыда аталған параметрлер өзгерген жағдайда немесе Пайдаланушы жолда «Күту» режимімен аялдамалар жасаған кезде өзгеруі мүмкін.

Егер Пайдаланушы жоғарыда келтірілген «II» тармақшаның шарттарын сақтамайтын болса, «Минут үшін» Тарифі бойынша Жалға алу төлемінің құны сапардың нақты уақытына байланысты «Минут үшін» тарифі бойынша Жалға алу төлемінің қорытынды құнын анықтайтын формуланың өзге мәндерін ескере отырып есептеледі.

Егер Пайдаланушы жоғарыда келтірілген «III» тармақшаның шарттарын сақтамайтын болса, онда Жалға алу төлемі құнын төлеу шарттары сақталады, бірақ «Минут үшін» Тарифі бойынша есептік уақыттан асатын уақыт үшін қосымша төлем алынуы мүмкін.

Пайдаланушы келісімінің шарттарын қабылдаған кезде (Мобильді қолданбадан «Фикс» тарифін таңдаған кезде) Пайдаланушы Жалға алушы осы Шарттарда қарастырылған талаптарды және/немесе Көлік құралын жалға алу шартының шарттарын ұстанбаған кезде Жалға алу төлемінің қорытынды құнын «Минут үшін» тарифі бойынша есептеуге келісім береді.

Жалға алу төлемінің тарифі «*САПАРДЫ БАСТАУ*» батырмасын басқаннан кейін есептеледі. Жалға алу төлемінің мөлшерлемесіне ҚҚС қосылған.

«Е» — жалға алу төлемінің (Жалға алудың) жалпы құны.

4.2.3. Жалдау тарифінің бекітілген төлемімен – «Минуттар пакеті» тарифі. Мобильді қосымшада анықталған және көрсетілген Жалға алу төлемі (жалға алу құны) Пайдаланушыға күту қызметін қоса алғанда, белгілі бір минутқа жалға алу үшін Электросамокаттарды, сондай-ақ осы Офертаның шарттарына сәйкес Яндекс ұсынатын қосымша қызметтердің құнын ұсыну үшін есептеледі. «Минуттар пакеті» тарифі Алматы қаласының (ҚР) аумағында Мобильдік қосымшада көрсетілген мерзімде әрекет етеді.

Бірлескен сапар жағдайында (Тағы бір самокат опциясын пайдалану жағдайында) Минуттар пакеті тарифі Пайдаланушы қосымша жалға алған электрсамокаттарына қолданылмайды.

4.3 Осы Офертаны қабылдаған кезде Пайдаланушы Яндекстің Пайдаланушының банкіне тапсырмалар, сұраныстар, талаптар жіберуіне, сондай-ақ, жалға алу төлемдерін құрайтын ақшалай қаражатты, айыппұлдарды және осы Шартта қарастырылған өзге төлемдерді шегеруге сөзсіз келісімін білдіреді.

4.4 Жалға алудың толық емес соңғы минутының тиындар түріндегі құны ескерілген Жалға алудың қорытынды құны келесі түрде есептеледі:

Жалға алу құны тиын мәні 50-ден (осы мәнді қоса алғанда) басталған кезде бүтін теңгеге дейін жоғары қарай дөңгелектенеді;

Жалға алу құны тиын мәні 49-ға (осы мәнді қоса алғанда) дейін болған кезде бүтін теңгеге дейін төмен қарай дөңгелектенеді.

4.5 Яндексте Пайдаланушыға Кеңейтілген сақтандыру бағдарламасына Пайдаланушыны қосумен байланысты қосымша қызметтерді қамтитын Жалға алу шарттарын ұсыну құқығы бар.

4.6 Жалға алу төлеміне кепілдік алу мақсатында Яндексте Жалға алу басталған сәтте Пайдаланушының Тіркелген картасында 6 000 (алты мың) теңгеге дейін мөлшердегі соманы бұғаттау құқығы бар. Жалға алу құны нақты түрде қайтарылатын депозит сомасынан асқан жағдайда, Яндексте көрсетілген лимиттен асқан әрбір кезде (оның ішінде, Жалға алу кезінде) Пайдаланушының Тіркелген картасында 6 000 (алты мың) теңгеге дейін мөлшерінде ақшалай қаражатты бұғаттау құқығы бар. Жалға алу төлемі толық жасалған жағдайда бұғат алынады және ақшалай қаражат Пайдаланушының Тіркелген картасында қалады.

4.7 Пайдаланушы қолма-қол ақшасыз төлем сомасымен және/немесе дәйегімен келіспеген жағдайда және Сервис аясында Тіркелген картаны пайдалануға қатысты сұрақтар бойынша Пайдаланушыда Мобильді қолданбадағы қолдау қызметінің интерфейсі (кері байланыс) арқылы қолма-қол ақшасыз төлем жүргізілген немесе осындай хабарламаға себеп болған өзге әрекеттер немесе оқиғалар орын алған күннен бастап 14 күн ішінде Яндекске хабарласу құқығы бар.

4.8 Осындай хабарлама бойынша жүргізілген тексеріс нәтижелері бойынша Яндекс қолма-қол ақшасыз төлем сомасын толық немесе ішінара қайтару туралы шешім қабылдаған жағдайда, аталған қайтарым Тіркелген картаның банктік шотына жүргізіледі. Ақшалай қаражатты қайтару тәртібі төлемдерді қабылдау бойынша өкілетті оператордың немесе электрондық ақшалай қаражат операторының, немесе есеп айырысудың, ақпараттық-технологиялық өзара әрекеттесудің өзге қатысушыларының қатысуымен жүзеге асырылады және халықаралық төлем жүйелерінің, банктердің (оның ішінде Тіркелген картаны шығарған банктің) және есеп айырысуға басқа қатысушылардың ережелері бойынша реттеледі.

4.9 Жалға алу үшін ақшалай қаражатты шегеру Жалға алу аяқталғаннан кейін жүргізіледі.

4.10 Ақшалай қаражат жеткіліксіз болса, оларды Пайдаланушының шотынан шегеру мүмкін болмаса, сондай-ақ, қарыз мөлшері 3 000 (үш мың) теңгеге жеткен жағдайда және/немесе Пайдаланушының Тіркелген картасында ақшалай қаражатты бұғаттау мүмкін болмаған жағдайда, Яндексте Электросамокаттың тарту күшін ажырату құқығы бар және осыған байланысты Пайдаланушыға Жалға алуды аяқтау немесе Пайдаланушының Тіркелген картасының лимитін толтыру қажет болады.

4.11 Яндекстің осы Шарттың шарттары бойынша Пайдаланушыға Электросамокатты Жалға алуға беру бойынша міндеттемесі Пайдаланушының осы Шарттың шарттары бойынша жалға алу төлемдерін уақытылы жүргізу бойынша міндеттемесіне жауап болып табылады.

5. Электросамокатты Жалға алу мерзімі

5.1 Электросамокатты Жалға алу мерзімі Мобильді қолданбада «*САПАРДЫ БАСТАУ*» немесе «*БРОНДАУ*» батырмасын басқан сәттен бастап Пайдаланушы Мобильді қолданбадағы «*САПАРДЫ АЯҚТАУ*» батырмасын басу арқылы Электросамокатты Жалға алуды нақты тоқтатқанға және тұраққа қойылған Электросамокаттың фотосуретін Мобильді қолданба арқылы жіберу жолымен растағанға дейін есептеледі.

5.2 Пайдаланушы нақты Электросамокатты Жалға алу мерзімін өзі белгілейді, бұл ретте нақты Электросамокатты Жалға алу мерзімі қатарынан 24 (жиырма төрт) сағаттан аспауы керек. Электросамокатты Жалға алу мерзімі секундтар түрінде есептеледі.

6. Электросамокатты қабылдау және тапсыру шарттары мен тәртібі

6.1 Электросамокатты Яндекстен Пайдаланушыға қабылдау және тапсыру келесі түрде жүргізіледі:

6.1.1 Пайдаланушы Мобильді қолданбаның ішіндегі картадан Электросамокатты таңдайды. Пайдаланушы телефондағы (құрылғыдағы) камераның көмегімен Электросамокатта орналасқан QR-кодты сканерлейді. Бұл ретте, Мобильді қолданбада таңдалған Электросамокат туралы келесі мәліметтер көрсетіледі: Электросамокаттың тұрған жері, жалға алу төлемінің құны туралы шарттар, қуат деңгейі. Электросамокатты таңдау кезінде Пайдаланушы Тіркелген картада ақшалай қаражаттың жеткілікті екенін тексеріп алуы тиіс.

6.1.1.1 Пайдаланушыға Электросамокатты Мобильді қолданбада белгіленген мерзімге және шарттармен Брондау қолжетімді. Брондау кезеңі «*БРОНДАУ*» батырмасын басқаннан кейін «*САПАРДЫ БАСТАУ*» батырмасын басқан сәтке дейін 10 минутты құрайды. Егер көрсетілген кезең ішінде Пайдаланушы «*САПАРДЫ БАСТАУ*» батырмасын баспайтын болса, Брондау автоматты түрде алынып тасталады.

6.1.2 Мобильді қолданбадағы «*САПАРДЫ БАСТАУ*» батырмасын басқан сәтте Пайдаланушы таңдалған Электросамокатты нақты қабылдағанын растайды.

6.2 Электросамокатты Пайдаланушыдан Яндекске қабылдау және тапсыру келесі түрде жүргізіледі:

6.2.1 Пайдаланушы Электросамокатты Жалға алуды бастау/аяқтау Аймағында рұқсат етілген орынға тұраққа қояды, Мобильді қолданбадағы *САПАРДЫ АЯҚТАУ* батырмасын басады және Мобильді қолданба арқылы тұраққа қойылған Электросамокаттың жалпы көрінісін фотосуретке түсіріп, жібереді.

6.2.2 Яндекс тұраққа қойылған Электросамокаттың жалпы көрінісінің фотосуретін алғаннан кейін Жалға алу мерзімі аяқталады. Пайдаланушы Электросамокатты қабылдау және тапсырудың Шартта қарастырылған тәртібін ұстанған жағдайда, Пайдаланушыға Мобильді қолданба арқылы жалға алу сессиясының жалпы құны бар ақпарат көрсетілетін болады.

7. Жауапкершілік

7.1 Осы Шарт бойынша міндеттемелерді орындамағаны немесе тиіссіз түрде орындағаны үшін Тараптар осы Шартта және ҚР заңнамасында қарастырылған жауапкершілікке тартылады.

7.2 Пайдаланушы осы Шарттың 3.4.17 (3.4.17.1, 3.4.17.2, 3.4.17.3), 3.4.18, 3.4.27 тармақшаларында қарастырылған ережелерді бұзған жағдайда, Пайдаланушы 30 000 (отыз мың) теңге мөлшерінде айыппұл төлейді.

7.3 Пайдаланушы осы Шарттың 3.4.3, 3.4.26, 3.4.9, 3.4.10 тармақшаларында қарастырылған ережелерді бұзған жағдайда, Пайдаланушы 42 000 (қырық екі мың) теңге мөлшерінде айыппұл төлейді.

7.4 Пайдаланушы осы Шарттың 3.4.6, 3.4.7 тармақшаларында қарастырылған ережелерді бұзған жағдайда, Пайдаланушы 60 000 (алпыс мың) теңге мөлшерінде айыппұл төлейді.

7.5 Пайдаланушы осы Шарттың 3.4.16 тармақшаларында қарастырылған ережелерді бұзған жағдайда, Пайдаланушы 210 000 (екі жүз он мың) теңге мөлшерінде айыппұл төлейді.

7.6 Өсімпұл және(немесе) айыппұлды төлеу Пайдаланушыны Яндекстің мүлкіне келтірілген залалды өтеуден босатпайды.

7.7 Мобильді қолданбадағы «Сапарды бастау» батырмасын басқан сәттен бастап жалға алу аяқталған сәтке дейін Электросамокаттың абайсызда сынып қалу немесе байқамастан бүлініп қалу тәуекелін Пайдаланушы көтереді.

7.8 Жолда жүру ережелерін бұзған үшін Пайдаланушыға ҚР Әкімшілік құқықбұзушылықтар туралы Кодексінде қарастырылған жауапкершілік жүктеледі. Егер айыппұл төлемін Пайдаланушы үшін Яндекс жүргізсе, Пайдаланушы осыған байланысты туындаған шығындарды Яндекске өтеуге міндеттеледі.

7.9 Электросамокатты пайдалану кезінде Пайдаланушы үшінші тұлғалардың, соның ішінде жол қозғалысының басқа қатысушыларының өмірі, денсаулығы немесе мүлкіне нұқсан келтірген жағдайда, Пайдаланушы өз әрекеттері арқылы үшінші тұлғаларға да, Яндекске де келтірілген залалды толық көлемде өтеуге міндеттеледі.

7.10 Пайдаланушы осы Шарттың 3.4.4, 3.4.15. тармақшаларында қарастырылған ережелерді бұзған жағдайда, Пайдаланушы 6 000 (алты мың) теңге мөлшерінде айыппұл төлейді.

8. Жеке деректерді өңдеу

8.1 Осы Шарттың аясында Пайдаланушы Яндекске өзінің жеке деректерін береді. Яндексте Пайдаланушы ұсынған мәліметтерді тексеру құқығы бар.

8.2 Осы Шартты қабылдаған жағдайда Пайдаланушы өзінің жеке деректерін өңдеуге өз келісімін береді. Осы келісім жеке деректермен байланысты келесі әрекеттерге қатысты болады: жинау; жазу; жүйелендіру; жинақтау; сақтау; нақтылау (жаңарту, өзгерту); пайдалану; беру; иесіздендіру; бұғаттау; өшіру; жою; сондай-ақ, Яндекстің оған берілген жеке деректерді басқаша түрде пайдалануы.

Пайдаланушының жеке деректері пайдаланушыға Сервис ұсыну, Шартты орындау, клиенттік және техникалық қолдау көрсету, ал белгілі бір жағдайларда, Яндекстің және үшінші тұлғалардың құқықтары мен мүдделерін қорғау және жүзеге асыру, сондай-ақ, заң бойынша Яндекстің міндеттерін жүзеге асыру мақсатында өңделетін болады.

Көрсетілген мақсаттарға сәйкес, Пайдаланушының Жеке деректері «НСК» АҚ Сақтандыру компаниясына жіберіледі, мекенжайы: Қазақстан Республикасы, 050060, Алматы қаласы, Алмагүл шағын ауданы, 15А.

Көрсетілген мақсаттарға қол жеткізу үшін қажетті жеке деректерді Яндекс үшінші тұлғалардан да ала алады.

Жеке деректерді өңдеу көрсетілген мақсаттарға қол жеткізу үшін қажетті мерзім ішінде, қол жеткізгеннен кейін – заңнамада қарастырылған мерзім ішінде жүргізіледі.

8.3 Пайдаланушы Яндекс, ол көрсететін қызметтер мен өткізетін науқандар туралы жарнама мен жарнамалық сипаттағы ақпаратты жіберуге өз келісімін береді.

8.4 Пайдаланушы ол берген барлық жеке деректер жарамды екендігіне кепілдік береді.

8.5 Пайдаланушыда аккаунтты жою арқылы өзінің жеке деректерін өшіруге сұраныс жолдау құқығы бар.

8.6 Пайдаланушы Яндекс осы Шарттың шарттарының орындалуына бақылау жүргізуге байланысты алуы мүмкін өз бейнесін пайдалануға келісім береді. Яндекс Пайдаланушының бейнесін Шарттың осы тармағында көрсетілген мақсатта ғана пайдалана алады.

9. Шартты бұзу

9.1 Осы Шарт Тараптардың кез келгенінің бастамасы бойынша бұзылуы мүмкін.

9.2 Яндексте ҚР АК 545 бабының негізінде, оның ішінде, Пайдаланушы осы Шарттың шарттарын бірнеше рет (екі реттен көп) бұзған жағдайда Пайдаланушыға тиісті хабарлама жіберу арқылы Шарттан бас тарту құқығы бар.

9.3 Яндекс Шарттан бас тартқан жағдайда Пайдаланушы Мобильді қолданба арқылы хабарлама алған сәттен бастап Шарт бұзылған болып есептеледі.

9.4 Осы Шарт Пайдаланушының бастамасы бойынша біртараптық соттан тыс тәртіппен мерзімінен бұрын бұзылуы мүмкін. Пайдаланушының бастамасы бойынша Шарт біртараптық тәртіппен бұзылған жағдайда, Пайдаланушы Яндекске тиісті хабарлама жібереді.

9.5 Пайдаланушыда өзінің жеке деректерін өшіру және есептік жазбасын өшіру талабымен Яндекске хабарласу құқығы бар.

9.6 Осы Шарттың 9.2 және 9.4 тармақтарында аталмаған барлық басқа негіздер бойынша, Тараптардың келісімі болмаған жағдайда, Шарт сот тәртібімен бұзылады.

9.7 Шарттың әрекет ету мерзімінің аяқталуы Пайдаланушыны осы Шартпен байланысты туындаған міндеттемелерін орындаудан босатпайды.

10. Шарттың әрекет ету мерзімі

10.1 Шарт осы Шартта қарастырылған тәртіппен Офертаны қабылдаған сәттен бастап күшіне енеді.

10.2 Шарт мерзімсіз болып табылады.

11. Өзге шарттар

11.1 Осы Шартпен реттелмеген мәселелер Қазақстан Республикасының қолданыстағы заңнамасы бойынша реттеледі.

11.2 Шарттың орыс тіліндегі және қазақ тіліндегі нұсқаларының арасында қарама-қайшылықтар және/немесе айырмашылықтар болған жағдайда, Шарттың орыс тіліндегі нұсқасы басым және заңды күшке ие болады.

11.3 Тараптар дауларды сотқа дейінгі міндетті реттеу туралы келісті. Осылайша, тиісті Тарап Сотқа жүгінерден 15 (он бес) күннен кешіктірмей Мобильді қолданбаны пайдалану арқылы немесе Тараптың тиісті шағымды алуын қамтамасыз ететін өзге тәсілмен тиісті шағымды жіберуге міндеттеледі.

11.4 Даулы мәселелерді реттеу мүмкін болмаған жағдайда, Шарт бойынша немесе соған байланысты барлық даулар Қазақстан Республикасының қолданыстағы заңнамасына сәйкес, Яндекс орналасқан жердегі сотта қарастырылуы тиіс.

12. Яндекстің мекенжайы және өзге деректемелері:

«Микромобильділік» ЖШС

БСН 221140044598

Мекенжайы: 050040, Қазақстан Республикасы, Алматы қаласы, Бостандық ауданы, Тимирязев көшесі, 28в үй, 1 қабат.

Есеп айырысу шоты KZ55601A861011620771 «Қазақстан Халық Банкі» АҚ

БСК: HSBKKZKX

Директоры: Артем Михайлович Молчанов

Жарияланған күні: 13.07.2023

Құжаттың алдыңғы нұсқасы: https://yandex.kz/legal/samokaty/20032023