Оферта на оказание платных образовательных услуг на сервисе Яндекс.Практикум

Яндекс.Практикум сервисінде ақылы білім беру қызметтерін көрсетуге оферта

 

Осы құжат «Яндекс.Казахстан» жауапкершілігі шектеулі серіктестігінің офертасы болып табылады.

Осы Шарт Қазақстан Республикасы Азаматтық кодексінің (бұдан әрі – "ҚР АК") 395-бабының 5-тармағына сәйкес «Яндекс.Казахстан» ЖШС жеке тұлғасына жолданған ресми ұсыныс болып табылады және білім беру қызметтерін көрсету бойынша барлық маңызды талаптарды қамтиды.

Оферта жарияланған сәттен бастап https://yandex.kz/legal/practicumkz_offer мекенжайына жіберілді деп есептеледі және осы Офертаны көрсетілген мекенжай бойынша орналастырудың бүкіл кезеңі ішінде қолданылады.

 

1. ТЕРМИНДЕР

Осы Офертада қолданылатын ұғымдар мыналарды білдіреді:

Авторландырылған мекенжайлар — әр Тараптың электрондық пошта мекенжайлары. Орындаушының Авторландырылған мекенжайы Офертаның 11-бөлімінде көрсетілген электрондық пошта мекенжайы болып табылады. Тыңдаушының Авторландырылған мекенжайы Тыңдаушының жеке кабинетте көрсеткен электрондық пошта мекенжайы болып табылады.

Кіріспе курс— Тыңдаушы таңдаған Курс шеңберінде Сервисте ұсынылған жекелеген Оқу бағдарламаларында көзделген, өздігінен оқудың белгілі бір сағаттар санына есептелген, Сервисте өтеусіз негізде тіркелген кезде Тыңдаушыға бір рет ұсынылатын бастапқы оқу курсы. Кіріспе курс шеңберінде оқу процесінде Тыңдаушыға Сервис жұмысымен танысуға және Тыңдаушының таңдаған курсы бойынша Толық курс шеңберінде оқуды жалғастыру мүмкіндігін айқындауға мүмкіндік беріледі. Кіріспе курс шеңберіндегі оқу сағаттарының дәл саны Тыңдаушы таңдаған Курсқа байланысты және Сервисте орналастырылған Оқу бағдарламасында анықталады. Кіріспе курсты игерудің ең ұзақ мерзімі оқу басталған күннен бастап 1 жылды құрайды.

Білім беру туралы шарт — ҚР АК 396-бабына сәйкес Орындаушы мен Тыңдаушы арасында осы Офертаның 4-бөлімінде көзделген тәртіппен Тыңдаушының Офертаны акцептеуі арқылы жазбаша нысанда жасалған ақылы білім беру қызметтерін көрсету туралы шарт.

Курс — Сервисте ұсынылған Бағдарламалар бойынша оқыту бағыты, олар туралы ақпарат Сервисте орналастырылған модульдердің белгілі бір жинағымен.

Модуль — Бағдарламалар шеңберінде белгілі бір тақырыппен біріктірілген оқу мәтіндерінің, аудиовизуалды материалдардың және практикалық тапсырмалардың жинағы.

Жеке кабинет/Тыңдаушының Жеке кабинеті — тіркелген және авторландырылған Тыңдаушыға Сервисте өзінің Дербес ақпаратына, сондай-ақ барлық әдістемелік материалдарды, Бағдарламалар шеңберінде ұсынылған аудиовизуалды контентті қоса алғанда, Тыңдаушы алған және сатып алған Бағдарламаларға қол жеткізуге мүмкіндік беретін Сервистің арнайы бөлімі.

Толық курс — оқудың белгілі бір сағаттарына (өздігінен оқу және оқытушыларды тарта отырып оқу) есептелген, өзіне өздігінен оқуға арналған теориялық, практикалық, аудиовизуалды материалдардың кеңейтілген жинағын, сондай-ақ егер бұл оқу бағдарламасында қарастырылған болса, Сервистің тәжірибедегі маманымен (тәлімгермен, тьютормен, жаттықтырушымен) Тыңдаушы таңдаған Курс шеңберінде Тыңдаушыны дербес сүйемелдеу мүмкіндігін қамтитын Тыңдаушы таңдаған Курс шеңберінде Сервисте ұсынылған Бағдарламалар бойынша оқытудың кеңейтілген ақылы курсы. Толық курс шеңберіндегі оқу сағаттарының дәл саны Тыңдаушы таңдаған Курсқа байланысты және Сервисте орналастырылған Оқу бағдарламасында анықталады. Толық курсты өткеннен кейін Тыңдаушыға Кіріспе курс және Толық курс шеңберінде оқуды растайтын құжат беріледі. Толық курс бағдарламасы бойынша оқу тиісті Курста қарастырылған жағдайда Когорталарда болуы мүмкін. Оқытудың басталу күні бүкіл Когорта үшін белгіленеді. Толық курсты игерудің максималды мерзімі Сервисте көрсетілген.

Пайдаланушы келісімі/Сервис шарттары — Интернет желісінде https://yandex.kz/legal/practicumkz_termsofuse мекенжайы бойынша орналасқан Сервисті пайдалану шарттары

Когорта — Толық курс шеңберінде осындай Тыңдаушылар таңдаған Оқу бағдарламасына қабылданатын Тыңдаушылар тобы. Когортаның оқудың басталу күні Тыңдаушы Толық курсты төлеген кезде төлем бетінде, ал төлегеннен кейін Тыңдаушының Жеке кабинетінде көрсетіледі.

Байластырылған банк картасы — деректері Пайдаланушы келісіміне сәйкес және Офертаға сәйкес Сервисте көрсетілген және қолжетімді, сондай-ақ деректері Интернет желісінде https://yandex.kz/legal/rules/?lang=kk мекенжайы бойынша орналастырылған Яндекс сервистерінің пайдаланушы келісіміне сәйкес https://passport.yandex.kz мекенжайы бойынша қолжетімді «Яндекс ID» сервисіндегі Тыңдаушының есептік жазбасында қолжетімді Тыңдаушының бір немесе бірнеше банк картасы.

Бағдарлама/Білім беру бағдарламасы — Сервисте орналастырылған белгілі бір Курс бойынша қашықтықтан оқу нысанындағы қосымша білім беру бағдарламасы (оның ішінде, егер бұл тиісті Курста көзделсе, жеке оқу нысанында). Оқу бағдарламасы Кіріспе және Толық курстардан тұруы мүмкін. Бағдарламаны игеру мерзімі Сервисте орналастырылған.

Сервис — Тыңдаушы үшін https://practicum.yandex.kz мекенжайы бойынша қолжетімді Яндекс.Практикум сервисі, оның көмегімен Орындаушы Тыңдаушыларға Қызметтер көрсетеді.

Оқу құны — Сервисте көрсетілген оқудың Толық курсының құны.

Тараптар — Орындаушы мен Тыңдаушының бірлесіп айтылуы.

Тыңдаушы/Пайдаланушы — осы Офертаның шарттарымен танысқан және Сервисте «Оқуды бастау» немесе «Пайдаланушы келісімінің шарттарын қабылдаймын» және «Оферта» тармағында батырманы басу/құсбелгіні қою жолымен осы офертаны акцепттеген, Сервистің Шарттарына сай тіркелген және авторландырылған пайдаланушы болып табылатын кез келген кәмелетке толған жеке тұлға.

Қызмет — Орындаушы Тыңдаушыға Тыңдаушы Сервисте таңдаған Курсқа сәйкес Сервисте қашықтағы (онлайн) оқу нысанында көрсететін Бағдарламалар бойынша білім беру қызметі.

Дербес ақпарат — Тыңдаушы осы Офертаны акцепттеу кезінде Сервисте көрсеткен, сондай-ақ Сервисті пайдалану барысында алынған Тыңдаушы туралы ақпарат, оның ішінде дербес деректер.

Осы бөлімде айқындалмаған терминдердің Қазақстан Республикасы Азаматтық кодексінің және ҚР өзге де нормативтік-құқықтық актілерінің қолданыстағы редакциясында берген мағыналары болады.

 

2. МӘНІ

2.1. Осы Офертаның мәні Орындаушының Тыңдаушыға осы Офертада көзделген тәртіппен және шарттармен Қызметтер көрсетуі болып табылады.

2.2. Сервис шеңберіндегі Бағдарламаның сипаттамасы, сондай-ақ Қызметтердің толық құны, оларды төлеу тәртібі мен тәсілдері Сервис бетінде көрсетілген.

2.3. Осы Офертаны Тыңдаушы акцептеген және Тыңдаушы Бағдарламаны таңдаған жағдайда, Орындаушы Тыңдаушыға, егер ол Бағдарламада көзделген болса, қосымша ақы алынбай, Кіріспе оқу курсы шеңберінде Қызметтер көрсетеді. Кіріспе курс шеңберінде Орындаушы ұсынатын барлық оқу материалдары Тыңдаушының Жеке кабинетінде өз бетінше оқу үшін Тыңдаушыға қолжетімді болады.

2.4. Сервис шеңберінде Орындаушы Тыңдаушыға Оқу бағдарламасында көзделген тәртіппен Оқу бағдарламасына сәйкес біртіндеп әртүрлі Модульдерге қол жеткізуді ұсынады.

Тыңдаушы Кіріспе оқу курсынан өткеннен кейін, егер ол Бағдарламада көзделсе, Тыңдаушы Толық оқу курсынан өтуге өтінімді Тыңдаушының Жеке кабинетінде қалдыра алады. Орындаушы Тыңдаушының өтінімін қарайды, содан кейін Тыңдаушыға Бағдарлама бойынша Толық оқу курсынан өту мүмкіндігі беріледі, оның толық сипаттамасы және құны Сервис бетінде орналастырылады. Оқу ақысы Офертаның 5.3-тармағына сәйкес жүзеге асырылады.

2.5. Егер Тыңдаушыны осындай Тыңдаушы үшін Оқу ақысын төлеуді жүзеге асыратын ұйым (заңды тұлға немесе дара кәсіпкер) мен Орындаушы арасында жасалған шартқа сәйкес Оқуға осындай ұйым жіберген жағдайда, Тыңдаушы осындай шарттың талаптарымен танысқанын және келісетінін растайды.

2.6. Егер бұл тиісті Бағдарламада қарастырылған болса, оны сәтті аяқтағаннан кейін Тыңдаушыға онлайн емтихан тапсыруға мүмкіндік беріледі. Емтиханды өткізу нысанын Орындаушы айқындайды.

Тыңдаушы осы емтиханнан сәтті өткен жағдайда Тыңдаушыға Тыңдаушы таңдаған Курс шеңберінде тыңдалған сағаттар саны көрсетілген келесі құжат беріледі:

• Орындаушы белгілеген үлгідегі курстан өткені туралы сертификат

Емтиханнан сәтті өтуге қойылатын талаптарды Орындаушы әрбір Бағдарлама үшін айқындайды және емтихан тапсырар алдында Сервисте белгіленеді.

2.7. Тыңдаушы оқу Бағдарламасынан өткеннен кейін емтихан тапсырғысы келмеген жағдайда немесе емтихан сәтсіз аяқталған жағдайда Тыңдаушыға оқу Бағдарламасының атауы және көрсетілген Бағдарлама бойынша Тыңдаушы өткен оқу сағаттарының саны туралы белгі қойылған анықтама беріледі. Тыңдаушы оқу Бағдарламасы бойынша оқуға қайта қабылданған жағдайда Орындаушы анықтамада көрсетілген сағат санын Тыңдаушыға есепке алуға құқылы.

 

3. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ

3.1. Тыңдаушының құқықтары:

3.1.1. Орындаушының Қызметтер көрсету шарттары туралы ақпаратты және Қызметтерге қатысты өзге де ақпаратты Сервисте көрсетілген тәсілдермен алуға құқылы. Сұрақтар туындаған жағдайда Авторландырылған мекенжай бойынша Орындаушының қолдау қызметіне хабарласыңыз.

3.1.2. Кіріспе курс шеңберінде оқудан өткеннен кейін Тыңдаушы Толық оқу курсынан өтуге өтінімді Тыңдаушының Жеке кабинеті арқылы берген сәтте Сервисте көрсетілген құны үшін Толық оқу курсын сатып алу.

3.1.3. Тыңдаушы сатып алған оқу Бағдарламасынан бас тарту және Офертаның 7-бөліміне сәйкес Білім беру туралы шартты бұзу. Мұндай бас тарту осы Офертада көзделген Орындаушының Тыңдаушы алдындағы барлық міндеттерін тоқтатуға әкеп соғады. Білім беру туралы Шарт бұзылған жағдайда Тыңдаушыға Кіріспе курсты қоса алғанда, Тыңдаушы таңдаған Курс бойынша өткен оқу сағаттарының саны көрсетілген анықтама беріледі.

3.1.4. Тыңдаушы таңдаған Курсқа және осы Курс ішіндегі материалдарға сәйкес Қызмет алу.

3.1.5. Егер бұл тиісті Курста көзделсе, Орындаушымен келісім бойынша Бағдарлама бойынша оқу барысында (ұзақтығы бір айдан аз Курстарды қоспағанда) Когортаны мынадай қағидаларға сәйкес ауыстыру:

3.1.5.1. Орындаушымен тиісті келісімнен кейін Тыңдаушы бастапқыда қабылданған Когортадан сол Тыңдаушының Когортасынан кейін оқу басталған күннен кейінгі Когорттардың біріне ауысады.

3.1.5.2. Өз Когортасын ауыстыру үшін Тыңдаушы өтінімді "Интернет" желісінде орналастырылған нысан арқылы қалдырады: https://yandex.kz/support/practicum/transfer.html.

3.1.6. ҚР қолданыстағы заңнамасына сәйкес білім алушыға берілетін Тыңдаушының өзге де құқықтарын іске асыру.

3.2. Тынаушының міндеттері:

3.2.1. Осы Офертаның барлық шарттарымен, сондай-ақ Сервистің Шарттарымен егжей-тегжейлі танысып, оларды осы Офертаны акцептеу кезінде толық көлемде қабылдау.

3.2.2. Оқу материалдарын тек осы Офертада және Сервис Шарттарында айқындалған шарттарға сәйкес өздігінен оқу мақсатында пайдалану, оқу материалдарын көшірмеу, оларды үшінші тұлғаларға бермеу.

3.2.3. Осы Офертаны акцептеу кезінде Орындаушыға төмендегілерді қамтитын қажетті дербес ақпаратты ұсыну:

• Тыңдаушының ТАӘ,
• Тыңдаушының телефон нөмірі,
• Тыңдаушының тұрғылықты мекенжайы,
• сондай-ақ, тізбесі Тыңдаушыға Қызметтерді ресімдеу кезінде және оқу процесінде толтыру үшін ұсынылатын сауалнамаларда айқындалған өзге де ақпарат.

Егер Тыңдаушының өзі Қызметтерді сатып алу кезінде олардың дұрыстығына көз жеткізбесе, Тыңдаушы дұрыс ұсынбаған деректер үшін Орындаушыға ешқандай наразылықтары жоқ екенін Тыңдаушы мойындайды.

3.2.4. Тыңдаушы таңдаған Курс шеңберінде практикалық тапсырмаларды тиісті Бағдарламада көзделген мерзімдерде және тәртіппен өз бетінше орындау.

3.2.5. Тыңдаушы таңдаған Курс шеңберінде практикалық тапсырмаларды орындау кезінде орындалған практикалық тапсырмаларды және/немесе басқа Тыңдаушылардың орындалған практикалық тапсырмаларының бөліктерін пайдаланбау.

3.2.6. Оқу кезінде кез келген тұлғаларға қатысты өнегелік және әдептік мінез-құлықты сақтау, оның ішінде, бірақ олармен шектелмей: былапыт сөздерді пайдаланбау, балағаттамау, кез келген негіздер бойынша кемсітуші сөздер айтпау, кез келген тұлғаларға қатысты өзге құқыққа қарсы және әдепсіз әрекеттер жүзеге асырмау.

3.2.7. Осы Офертаның 5.3-тармағында көзделген тәртіппен Сервисте көрсетілген оқу Құнын уақытылы төлеу.

3.3. Орындаушының құқықтары:

3.3.1. Тыңдаушыдан Орындаушыға Қызметтерді ресімдеу кезінде толтыру үшін Тыңдаушыға ұсынылатын сауалнамада тізбесі айқындалған Қызметтерді көрсету үшін қажетті Дербес ақпаратты, сондай-ақ осы Офертада баяндалған тәртіппен және шарттармен оқу Құнын төлеуді талап ету.

3.3.2. Сервисте тиісті ақпаратты орналастырып, Оқу құнын біржақты тәртіппен және кез келген уақытта белгілеу және/немесе өзгерту.

3.3.3. Тыңдаушыға осы Офертаның кез келген ережелерін және Сервис Шарттарын сақтамаған жағдайда Тыңдаушыға Қызметтер көрсетуден бас тарту.

3.3.4. Білім беру туралы шартты бұзған кезде Тыңдаушының Курстың оқу материалдарын пайдалану мүмкіндігін шектеу.

3.4. Орындаушы міндетті:

3.4.1. Тыңдаушыға осы Офертаның шарттарына сәйкес Тыңдаушы таңдаған Курсқа сәйкес Бағдарлама бойынша Қызмет көрсету.

3.4.2. Толық курсты төлеу кезінде Тыңдаушыға Толық курс Тыңдаушылары үшін Сервисте көзделген Сервистің кеңейтілген функциялық мүмкіндіктерін ұсыну;

3.4.3. Тыңдаушыға оның сұрауы бойынша Орындаушының Қызметтер көрсету шарттары туралы ақпарат беру, сондай-ақ Тыңдаушыға таңдаған Курсына байланысты Сервисте оқу, ақпараттық және анықтамалық материалдар ұсыну.

3.4.4. Тыңдаушы таңдаған Курстың бекітілген оқу жоспарына сәйкес оқытуды жүргізу.

3.4.5. Оферта шарттарын орындауға жатпайтын мақсаттар үшін Оферта акцепті шеңберінде Орындаушыға берілген Тыңдаушының Дербес ақпаратын пайдаланбау.

3.4.6. Заңнаманың талаптарына, Сервис Шарттарына және https://yandex.kz/legal/confidential/?lang=kk мекенжайы бойынша жарияланған Құпиялылық саясатына сәйкес Тыңдаушының Дербес ақпаратын өңдеуді жүзеге асыру:

3.5. Қызметті осы Офертаның шарттарымен сатып ала отырып, Тыңдаушы Сервисте ұсынылған Тыңдаушы таңдаған Курс бойынша оқу Бағдарламасымен танысқанын растайды. Орындаушы оқу Бағдарламасына өзгерістер енгізу құқығын өзіне қалдырады. Мұндай өзгерістер енгізілген жағдайда Орындаушы бұл туралы Тыңдаушыны қандай да бір түрде хабардар етуге міндетті емес. Тыңдаушы Сервистегі оқу Бағдарламасындағы осындай өзгерістерді өз бетінше қадағалайтынымен келіседі.

3.6. "Дербес деректер және оларды қорғау туралы" Қазақстан Республикасының 2013 жылғы 21 мамырдағы № 94-V Заңының талаптарына сәйкес осы Офертаны акцептеген Тыңдаушы Орындаушының Офертаның шарттарына сәйкес қызмет көрсету мақсатында Тыңдаушының Дербес ақпаратын пайдалануына, оның ішінде деректерді https://yandex.kz/legal/confidential/?lang=kk көрсетілген тұлғаларға және Қызметтер көрсетуге тартылатын тұлғаларға (Сервистегі дербес сүйемелдейтін мамандарға), сондай-ақ Тыңдаушыға қатысты қызметтерге Тапсырыс беруші болып табылатын тұлғаларға беруге келісім береді.

Тыңдаушы Тыңдаушының Жеке кабинетінде көрсетілген Дербес деректердің Тыңдаушының сенімді дербес деректері болып табылатындығына Орындаушыға кепілдік береді және жауапты болады.

 

4. ОФЕРТАНЫ АКЦЕПТТЕУ ТӘРТІБІ

4.1. Тыңдаушыға Қызметтер көрсету тек қана осы Оферта шарттарында және Тыңдаушы осы Оферта (Оферта акцепті) шарттарын толық және сөзсіз қабылдаған жағдайда ғана жүргізіледі. Ішінара акцептке не өзге шарттардағы акцептке жол берілмейді. Егер Тыңдаушы осы Офертаның шарттарын толық көлемде қабылдамаса, Орындаушы оған Қызметтер көрсетуді жүзеге асырмайды.

4.2. Оферта Акцепті Тыңдаушының келесі әрекеттерді дәйекті жүзеге асыруы болып саналады:

4.2.1. Тыңдаушының Сервисте оқу Бағдарламасын таңдауы және "Оқуды бастау" батырмасын басу;

4.2.2. Офертамен және Сервис Шарттарымен танысу;

4.2.3. "Пайдаланушы келісімі" және "Оферта" шарттарын қабылдаймын" мәтіні бар өріске құсбелгі қою

4.3. 4.2.1 - 4.2.3-тармақтарда көрсетілген іс-қимылдар жиынтығы жасалған сәттен бастап Оферта Тыңдаушымен акцептелген болып есептеледі, бұл Білім беру туралы шарт жасасудың растауы болып табылады. Кіріспе курс аяқталғаннан кейін (мұндай бар болса) Тыңдаушыға осы Оферта талаптарына сәйкес оқуды жалғастыруға өтінім беру немесе Кіріспе курс шеңберінде Тыңдаушы оқуды аяқтаған және Тыңдаушының Жеке кабинеті арқылы оқудың Толық курсына өтінім бермеген кезде Білім беру туралы шартты бұзу мүмкіндігі беріледі.

4.4. Офертаны акцептеу үшін жеке тұлға https://passport.yandex.kz мекенжай бойынша қолжетімді "Яндекс ID" сервисінің көмегімен авторландырылуы тиіс.

 

5. ОҚУ БАҒДАРЛАМАСЫН ТАҢДАУ ЖӘНЕ ТӨЛЕМДЕР ЖАСАУ ТӘРТІБІ

5.1. Оқытуды ресімдеу үшін Тыңдаушы:

• Яндекс ID арқылы авторизациялау арқылы Сервисте Жеке кабинет жасайды,
• ұсынылған Бағдарламалар шеңберінде оқығысы келетін Курсты таңдайды, Офертаны акцепттейді, және
• Білім беру туралы шарт жасасады.

Сервисте Жеке кабинет құру кезінде Тыңдаушы өзі туралы барлық қажетті Дербес ақпаратты енгізеді, оның тізбесі осы Офертаның 3.2.3-тармағында айқындалған.

5.2. Курс шеңберіндегі оқу құны Сервисте көрсетіледі.

5.3. Тыңдаушы оқу ақысын Курс шеңберінде Сервисте мынадай тәсілдердің бірін таңдау арқылы қолма қол ақшасыз тәртіппен төлейді:

5.3.1. Оқу басталғанға дейін бүкіл Курс үшін толық оқу құнын төлеу.

5.3.2. Оқу құнын ай сайынғы тең төлемдермен төлеу. Төлемдер саны Толық курс бойынша оқу мерзімінің айларының санын құрайды. Ай сайынғы төлем мөлшері Сервисте төлем тәсілін таңдау кезінде Тыңдаушының Жеке кабинетінде көрсетіледі.

5.3.3. Тыңдаушыға оқу басталғанға дейінгі бүкіл Толық курс үшін оқудың Толық құнын үшінші тұлғаның төлеуі.

5.3.4. Тыңдаушының Байланыстырылған банк картасынан тең ай сайынғы төлемдерді автоматты түрде есептен шығару арқылы оқу құнын төлеу. Ай сайынғы төлем мөлшері Сервисте төлем тәсілін таңдау кезінде Тыңдаушының Жеке кабинетінде көрсетіледі.

5.4. Осы Офертаның 5.3.4-тармағына сәйкес төлем Тыңдаушының Байланыстырылған банк картасынан ақша қаражатын есептен шығару арқылы жүзеге асырылады.

Бұл ретте Курсқа қол жеткізу бірінші ай сайынғы төлем жасалғаннан кейін ғана беріледі. Екінші ай сайынғы төлем Толық курс басталған күннен бастап 27 (жиырма жеті) күнтізбелік күннен кейін есептен шығарылады. Кейінгі ай сайынғы төлемдер алдыңғы төлем жасалған күннен бастап әр 30 (отыз) күнтізбелік күн сайын есептен шығарылады.

Офертаның осы тармағына сәйкес ақша қаражатын есептен шығару мынадай талаптар сақталған кезде автоматты негізде жүргізіле бастайды:

• Тыңдаушының Тіркелген картаның барлық қажетті деректемелерін енгізуі;
• Тіркелген картадан автоматты негізде ақша қаражатын есептен шығару бойынша сервисті келесі тәсілмен белсендіру: бірінші төлем жасалған кезде автоматты түрде;
• осы Офертаның акцепті.

5.5. Орындаушы осы Офертаның 5.3.4-тармағында көзделген кезекті төлемдерді Тыңдаушы бірінші төлем жасаған кезде көрсеткен Байланыстырылған банк картасынан есептен шығаруды жүргізеді.

5.6. Тыңдаушының Байланыстырылған банк картасында ақша қаражатының жеткілікті саны болмаған немесе Орындаушының өзге себептер бойынша Тыңдаушының Байланыстырылған банк картасынан ақша қаражатын есептен шығаруы мүмкін болмаған жағдайда, Тыңдаушы Орындаушының кезекті төлемді қайта есептен шығаруы үшін Байланыстырылған банк картасын толықтыруға міндеттенеді.

5.7. Оқудың толық құнын төлегеннен немесе осы Офертаның 5.3.4-тармағында көзделген кезекті төлемді төлегеннен кейін Тыңдаушының Жеке кабинетінде Сервисте төлемнің растамасы пайда болады.

5.8. Оқу құны Орындаушының есеп шотына аудару үшін осы Офертаның 5.3.4-тармағында көзделген оқудың Толық құнын немесе бірінші және барлық кезекті төлемдерді есептен шығарған сәттен бастап Тыңдаушы төлеген болып есептеледі.

5.9. Тыңдаушының аударған Оқу құны тыңдаушының Жеке кабинетінде көрсетілген Когортаның оқу басталған күннен бастап, оның ішінде осы Офертаның 3.1.5-тармағының ережелеріне сәйкес Тыңдаушының бастамасы бойынша Когортаны ауыстыру кезеңі ішінде Курсты игерудің бүкіл мерзімі ішінде күн сайын тең бөліктермен есептен шығарыла бастайды.

5.10. Орындаушы осы Офертаны кері қайтарып алуға, Тыңдаушымен Білім беру туралы шартты бұзуға және осы Офертаның 5.3-тармағына сәйкес таңдалған төлем тәсілімен көзделген кезекті төлемді Тыңдаушы төлемеген жағдайда, Тыңдаушыны Жеке кабинетте немесе Сервисте көзделген өзге де тәсілмен хабардар ете отырып, кез келген уақытта Оу бағдарламасы бойынша оқыту үшін қажетті барлық материалдарға қолжетімділікті жабуға құқылы.

5.11. Орындаушы кез келген уақытта өз қалауы бойынша осы Офертаның 5.3-тармағында көрсетілген төлем әдістерінің кез келгенін пайдалану мүмкіндігін шектеуге құқылы.

 

6. ТӨЛЕМ ДЕРЕКТЕРІ

6.1. Тыңдаушыға осы Офертаның 5.3.3-тармағына сәйкес Оқу құнын одан әрі төлеу мүмкіндігін беру мақсатында Тыңдаушы өзінің банктік картасын Жеке кабинеттегі Сервиске байланыстырады.

6.2. Байланыстырылған банк картасын Сервисте тіркелу кезінде Тыңдаушы көрсетеді, бұл ретте Тыңдаушы мынадай деректерді енгізеді:

• Банк картасының нөмірі;
• Жарамдылық мерзімі;
• Қорғаныс коды.

Егер банк картасының деректері дұрыс, жарамды болса және Сервис шеңберінде осы картаны пайдалану техникалық тұрғыдан мүмкін болса, көрсетілген банк картасы Байланыстырылған мәртебеге ие болады және Оқу құнын төлеу үшін пайдаланылуы мүмкін.

6.3. Осы Офертаның 6.2-тармағына сәйкес өз деректерін көрсеткен және байланыстырылған картаны одан әрі пайдаланған кезде Тыңдаушы олардың атына берілген жарамды банк картасы туралы дұрыс және толық ақпаратты көрсетуін; оның халықаралық төлем жүйелерінің ережелерін және байланыстырылған картаны шығарған эмитент банктің талаптарын, оның ішінде қолма-қол ақшасыз есеп айырысуларды жүргізу тәртібіне қатысты сақтауын растайды және кепілдік береді.

6.4. Орындаушы кез келген сәтте Тыңдаушыдан Сервис шеңберінде көрсетілген деректерді, оның ішінде Байланыстырылған карта деректерін растауды талап етуге және осыған байланысты Сервис кеңсесінде жеке өзі болу жолымен Пайдаланушының жеке басын растауды, сондай-ақ растайтын құжаттарды (атап айтқанда, жеке басын куәландыратын құжаттарды) ұсынуды сұрау құқығын өзіне қалдырады.

 

7. ОҚУДАН БАС ТАРТУ ЖӘНЕ АҚШАЛАЙ ҚАРАЖАТТЫ ҚАЙТАРУ ТӘРТІБІ

7.1. Тыңдаушы сатып алған Толық Курс үшін ақшалай қаражатты қайтару осы Оферта белгілеген тәртіппен және шарттарда ғана мүмкін болады.

7.2. Тыңдаушы Кіріспе курстан (егер ол көзделген болса) толығымен бас тартуға және оқу басталған күннен бастап кез келген күні Білім беру туралы шартты біржақты соттан тыс тәртіппен бұзуға (шарттан бас тартуға) құқылы.

7.3. Тыңдаушының Интернет желісінде орналасқан https://yandex.kz/support/practicum/paid-continuing-education.html#refund мекенжайы бойынша өтінім беру арқылы Толық курсты төлеу күнінен бастап 1 (бір) жыл ішінде сатып алынған Толық курстан толықтай бас тартуға және Білім беру туралы шартты біржақты соттан тыс тәртіппен бұзуға (шарттан бас тартуға) құқығы бар.

Орындаушы Тыңдаушыға Орындаушы нақты көрсеткен Қызметтердің құнын шегергендегі бағдарлама үшін Тыңдаушы төлеген ақшалай қаражатты оқу ақысын төлеу жүзеге асырылған банк картасына Тыңдаушыға қайтаруға міндеттенеді.

7.3.1. Қайтару сомасы келесі тәртіппен анықталады:

7.3.1.1. Оқу бағдарламасы бойынша бір күндік оқу құнын есептеу формуласы:

Y = X / N1, мұнда

Y — Толық курстың бір күні/ сабақтар Пакетінен бір сабақ үшін оқу құны

X — Толық курстың/Сабақтар пакетінің оқу құны,

N1 — Оқу бағдарламасы бойынша Толық курс күндерінің саны / Сабақтар пакетіндегі сабақтар саны.

7.3.1.2. Оқу бағдарламасы бойынша Толық курсты / Сабақтар пакетін қайтару сомасы мына формула бойынша есептеледі:

Z = P — Y * N2, мұнда

Z — Оқу бағдарламасы шеңберінде Толық курс/Сабақтар пакеті бойынша қайтару сомасы,

Y — Толық курстың бір күніндегі оқу құны/Оқу бағдарламасы бойынша Сабақтар пакетіндегі бір сабақтың құны,

P — Тыңдаушы төлеген Оқу бағдарламасы бойынша оқу құны,

N2 — Когортаның оқу басталған күнінен бастап Тыңдаушының Толық оқу курсынан/Сабақтар пакетінен бас тартқан күннен кейінгі бірінші жұмыс күніне дейінгі оқу күндерінің саны (Когортаны ауыстыру кезеңдерін қоса алғанда).

7.4. Орындаушы Оқу бағдарламасы бойынша Қайтару сомасынан Білім беру туралы шартты орындау үшін қажетті Орындаушының нақты шеккен шығыстарын ұстап қалуға құқылы.

7.5. Орындаушының ақшалай қаражатты қайтару мерзімі Тыңдаушы Оферта 7.3-тармағында көзделген тәртіппен жіберілген Тыңдаушының Толық курстан бас тартуы туралы хабарламаны жіберген сәттен бастап күнтізбелік 14 (он төрт) күнді құрайды, егер Тыңдаушы қайтару үшін қажетті құжаттарды (оның ішінде Офертаның 6.4-тармағында көзделген тәртіппен Орындаушы сұратқан құжаттарды) уақытылы және толық ұсынған жағдайда.

7.6. Тиісті Кезең ішінде көрсетілген қызметтер, егер Қызметтер көрсету кезеңі аяқталғаннан кейін үш күнтізбелік күн ішінде Орындаушы Тыңдаушыдан дәлелді жазбаша қарсылықтар алмаса, Орындаушы тиісінше көрсеткен және Тыңдаушы толық көлемде қабылдаған болып есептеледі. Қызмет тер көрсету кезеңі күнтізбелік ай болып табылады. Тараптар Қызметтер көрсетудің бірінші кезеңін оқу басталған күннен бастап оқу басталған айдың соңғы күніне дейінгі кезең деп таниды, Қызметтер көрсетудің соңғы кезеңі оферта бұзылған/оқу аяқталған күнге дейінгі кезең болып табылады. Жоғарыда көрсетілген мерзім өткен соң, Қызметтердің кемшіліктеріне, оның ішінде саны (көлемі), құны және сапасы бойынша Пайдаланушының шағымдары қабылданбайды. Көрсетілген қызметтер туралы актіні Орындаушы қызмет көрсетудің әрбір кезеңі аяқталғаннан кейін электрондық түрде қалыптастырады, Тыңдаушыға Орындаушының Авторландырылған мекенжайына жіберілген Тыңдаушының сұрау салуы бойынша ғана Авторландырылған мекенжай бойынша электрондық түрде жіберіледі.

 

8. ОФЕРТАНЫҢ ҚОЛДАНЫЛУ МЕРЗІМІ ЖӘНЕ ОФЕРТАНЫ ӨЗГЕРТУ, БҰЗУ ТӘРТІБІ

8.1. Осы Оферта https://yandex.kz/legal/practicumkz_offer мекенжайы бойынша жарияланған күнінен бастап күшіне енеді және Орындаушы осы Офертаны қайтарып алған сәтке дейін әрекет етеді. Орындаушы Офертаны кері қайтарып алғаннан кейін Офертаны акцептеуге жол берілмейді.

8.2. Орындаушының осы Офертаның мәтініне өзгерістер енгізуге құқығы бар. Мұндай өзгерістер уақытылы жарияланады және https://yandex.kz/legal/practicumkz_offer мекенжайы бойынша ортақ қол жетімділікте болады, егер Офертада өзгеше көзделмесе, олар жарияланған сәттен бастап күшіне енеді. Осы Офертаның мәтініне өзгерістер енгізілген жағдайда Орындаушы бұл туралы Тыңдаушыға қосымша хабарлауға міндетті емес.

8.3. Орындаушы сондай-ақ Сервисте жарияланатын Оқу бағдарламаларына өзгерістер енгізуге, сондай-ақ ұсынылған Оқу бағдарламалары шеңберінде ұсынылатын Курстардың тізбесін өзгертуге құқылы.

8.4. Орындаушы ұсынған және Сервисте жарияланған Оқу бағдарламалары шеңберінде Орындаушының Оферта мәтініне және/немесе Оқу бағдарламасына өзгерістер енгізгеннен кейін оқуды жалғастыруы оған енгізілген өзгерістерді ескере отырып, Тыңдаушының Оферта акцептін және Тыңдаушының Оқу және/немесе Курс бағдарламасын өзгертуге келісуін білдіреді.

8.5. Тыңдаушы Офертаның шарттарын бұзған және Офертаның 3.2-тармағында көзделген өз міндеттерін орындамаған және/немесе бұзған жағдайда, Орындаушы бұл туралы Тыңдаушыны Жеке кабинетте хабардар ете отырып, осы Офертаны біржақты соттан тыс тәртіппен кері қайтарып алуға және Тыңдаушымен Білім беру туралы шартты, сондай-ақ біржақты соттан тыс тәртіппен бұзуға құқылы.

8.6. 8.5-тармақта көрсетілген жағдайларда Орындаушы Орындаушының Білім беру туралы шартты бұзу туралы хабарламаны қоса алғанда, Тыңдаушыға жіберген күні бойынша Толық курс шеңберінде Когортаның оқу басталған күнінен бастап өткен күндер санының құнын шегергендегі оқу құнын төлеу жүзеге асырылған банк картасына қайтару сомасын Тыңдаушыға қайтаруға міндеттенеді. Когортаның оқудың басталу күні Тыңдаушының Жеке кабинетінде көрсетіледі. Қайтару сомасын Орындаушы Білім беру туралы шартты бұзу туралы хабарлама жіберген күннен кейінгі бірінші жұмыс күнінен бастап Орындаушы есептейді. Қайтару сомасы Офертаның 7.3.1-тармағында белгіленген тәртіппен айқындалады.

 

9. ТАРАПТАРДЫҢ ЖАУАПКЕРШІЛІГІ. ДАУЛАРДЫ ШЕШУ

9.1. Егер Оферта шарттарының орындалмауы немесе тиісінше орындалмауы Тараптардың еркі мен тілегіне қарсы туындаған еңсерілмейтін күш мән-жайларынан туындаса және олар алдын ала, болдырмауға немесе болжай алмаса (форс-мажорлық мән-жайлар) Тараптар жауапты болмайды.

9.2. Тыңдаушы ҚР қолданыстағы заңнамасына сәйкес оларға дұрыс емес немесе көрінеу жалған дербес ақпарат беру нәтижесінде туындаған салдарлар үшін бүкіл жауаптылықта болады және осындай әрекеттер нәтижесінде басқа тұлғалардың құқықтары мен мүдделерін бұзғаны үшін жауап береді. Тыңдаушы Орындаушыға дұрыс емес немесе көрінеу жалған дербес ақпарат берген жағдайда, Орындаушы Тыңдаушының оқу құнын төлеген жағдайда да Қызметтер көрсетуден бас тарту құқығын өзіне қалдырады деп келіседі.

9.3. Орындаушы оқудың Тыңдаушының күткеніне және/немесе оның субъективті бағасына сәйкес келмегені үшін жауап бермейді.

9.4. Тараптар арасында туындайтын барлық даулар мен келіспеушіліктер наразылық тәртібімен шешілетін болады. Наразылық қойылған талаптарды негіздейтін құжаттарды қоса бере отырып, осы Офертада көрсетілген Орындаушының мекенжайы бойынша жазбаша түрде Орындаушыға берілуге тиіс. Келіп түскен кінәрат-талапты Орындаушы ол түскен сәттен бастап 30 (отыз) күн ішінде қарайды.

9.5. Даулы мәселелер наразылық тәртібімен реттелмеген жағдайда, Білім беру туралы шарт бойынша немесе оған байланысты барлық даулар Қазақстан Республикасының қолданыстағы заңнамасына сәйкес қаралуға жатады.

9.6. Кез келген жағдайда Білім беру туралы шартты орындамауға/тиісінше орындамауға байланысты шығындарды өтеу кезінде Орындаушының жауапкершілік мөлшері оқу құнынан аспауға тиіс.

 

10. ӨЗГЕ ЕРЕЖЕЛЕР

10.1. Егер Офертаның қандай да бір ережесі қайшылыққа немесе Қазақстан Республикасының қолданыстағы заңнамасына өзгерістер енгізуге байланысты болып табылса немесе жарамсыз болып қалса, онда бұл Офертаның қалған ережелерінің қолданылуын тоқтата тұруға негіз болып табылмайды.

10.2. Офертаның мәтінінде көзделмеген барлық өзге жағдайларда Тараптар Қазақстан Республикасының қолданыстағы заңнамасын басшылыққа алады.

 

11. ОРЫНДАУШЫНЫҢ ДЕРЕКТЕМЕЛЕРІ

Атауы: «Яндекс.Қазақстан» ЖШС

Орналасқан жері: 050000, Қазақстан, Алматы қ., Достық даңғылы, 43 үй

БСН: 170240015454

тел.: (495) 739-70-00

факс: (495) 739-70-70

Авторландырылған мекенжайы: practicum@support.yandex.kz