Яндекс 360 Премиумды ұзарту

  1. Тарифтің күйін білу
  2. Премиум аяқталған кезде не болады?
  3. Келесі кезең үшін төлем шегерілмеген болса не істеу керек?
  4. Картада шегерім сәтінде қаражат жеткіліксіз болса не болады?
  5. Төлем жасауға арналған картаны ауыстыру

Яндекс 360 Премиум автоматты түрде ұзартылады. Әр кезеңнің соңында сіздің картаңыздан келесі кезең үшін төлем шегеріледі. Қолданыстағы банк картасында қаражат жеткілікті болуы керек.

Тарифтің әрекеті аяқталған кезде Отбасылық Премиумды ұзартуды немесе шотта қаражат жеткіліксіз болса, оны төлеуді тек отбасылық аккаунттың әкімшісі ғана Яндекс ID арқылы жүргізе алады.

Тарифтің күйін білу

Премиум қай күнге дейін қолжетімді болатынын сіз Яндекс 360 тарифтері парақшасынан қарай аласыз.

Премиум аяқталған кезде не болады?

Премиум аяқталғаннан кейін қосымша мүмкіндіктер өшіріледі.

Төленген орын да сөндіріледі. Осы себептен Диск асыра толып қалған болуы мүмкін.

Келесі кезең үшін төлем шегерілмеген болса не істеу керек?

Картаңыз жарамды екендігін, онда ақша жеткілікті екендігін, ал банк автоматтандырылған төлемдерді бұғаттамайтындығын тексеріп алыңыз. Төлемнің өтпей қалуының басқа да себептері:

  • Картаның деректемелері қате енгізілген. Тағы бір рет төлеп көріңіз: атыңыз, тегіңіз, картаның әрекет ету мерзімі мен CVV/CVC коды дұрыс енгізілгенін тексеріп алыңыз.
  • Берілген төлем картасы жарамсыз немесе оның әрекет ету мерзімі аяқталған.
  • Төлем картасы бойынша жасалуы мүмкін төлемдер шегінен асып кетті.
  • Банк интернет арқылы төлем жүргізуге тыйым салады.
Ескертпе. Төлемнің неліктен өтпей жатқандығын білу үшін төлем жасау кезінде картасын қолданған банктің қолдау қызметіне хабарласыңыз. Қолдау көрсету қызметіне хабарласу тәсілдері әдетте банк картасының артқы жағында көрсетіледі.

Егер автоматтық төлем өтпей қалса, тарифті өзіңіз төлей аласыз:

  1. Яндекс 360 тарифтері парақшасына өтіңіз.
  2. Қазір төлеу батырмасын басыңыз.
  3. Тізімнен картаны таңдаңыз немесе жаңасын қосыңыз.
  4. Төлемді растаңыз.

Төлем шегерілген сәтте сіз Яндекс 360 сервистерін қайтадан шектеусіз пайдалана аласыз.

Картада шегерім сәтінде қаражат жеткіліксіз болса не болады?

Шегерім әрекеті сәтсіз болған жағдайда, Яндекс 360 Премиум тағы да 9 күн әрекет етеді. Шегерім әрекеттері әрбір 3 күн сайын жүретін болады. Картаны толтырып, келесі шегерім күнін күтіңіз.

Егер тоғыз күн ішінде төлем өтпейтін болса, Яндекс 360 Премиум тоқтатылады және оның мүмкіндіктері уақытша қолжетімсіз болады. Осы себептен Диск асыра толып қалған болуы мүмкін.

Сізде тарифті төлеп, Яндекс 360 Премиумды қайтадан қалпына келтіруге тағы 6 күн болады. Төлем автоматты түрде шегеріледі, кейін сіз Яндекс 360 сервистерін қайтадан шектеусіз пайдалана аласыз. Егер төлем 15 күн ішінде өтпесе, онда тариф мүлдем өшеді.

Төлем жасауға арналған картаны ауыстыру

Егер сіз осыған дейін Премиумды бір банк картасымен төлеп, енді қаражат басқасынан алынғанын қаласаңыз, ескі картаны алып тастаңыз және жаңасын Яндекстегі аккаунт баптауларында тіркеңіз.