Кіру, шығу және аккаунтпен жасалатын әрекеттер
Дискіге кіру
Орнатқаннан кейін Яндекс Диск бағдарламасы сізге өзіңіздің Яндекстегі аккаунтыңыздың логині мен құпиясөзін енгізуді ұсынады. Егер сіз Яндексте әлі тіркелмеген болсаңыз, Тіркелу сілтемесі арқылы өтіңіз. Егер сіз кіру үшін тұрақты және бір реттік құпиясөз комбинациясын қолданып жүрсеңіз немесе бұрын қолданған болсаңыз, Яндекс Диск бағдарламасында авторизациядан өту үшін «Яндекс Кілт» мобильді қосымшасы құрастыратын бір реттік құпиясөз керек.
Сіз авторизациядан өтпей тұрған кезде мәзір тармағында 
таңбасы көрсетіліп тұрады.
Дискіге кіру үшін мәзір тармағындағы қосымша таңбасына екі рет басыңыз. Егер орнатқаннан кейін бірден авторизациядан өтпесеңіз, бағдарлама алғаш кірген кезде сізге логин мен құпиясөзді енгізуді ұсынады.
Дискіге кіре алмай жатырмын
Қандай мәселе туындағанын таңдаңыз:
Логин, электрондық мекенжай, құпиясөз немесе бақылау сұрағына жауап есімде жоқ
Логин мен құпиясөз есімде, бірақ, кіре алмай жатырмын
Бағдарламаның соңғы нұсқасын орнатыңыз. Өзіңіздің Яндекстегі аккаунтыңыздың құпиясөзін дұрыс енгізгеніңізге көз жеткізіп алыңыз. Егер сіз кіру үшін тұрақты және бір реттік құпиясөз комбинациясын қолданып жүрсеңіз немесе бұрын қолданған болсаңыз, Яндекс Диск бағдарламасында авторизациядан өту үшін «Яндекс Кілт» мобильді қосымшасы құрастыратын бір реттік құпиясөз керек.
Егер қате туралы хабарлама туындаса:
Қате кетті. Интернет байланысын тексеріңіз.
- Бағдарлама сервермен хабарласа алмады. Интернет-байланысын тексеріңіз, антивирустар мен фаерволдарды өшіріп көріңіз. Егер прокси-сервер қолдансаңыз, оны сөндіріп көріңіз.
Қосылым қатесі. Антивирус және басқа БЖ баптауларын тексеріңіз.
-
-
Интернет байланысын тексеріңіз.
-
Компьютердегі күн мен уақыт нақты мәндермен сай келуі керек.
-
Бағдарлама қолданатын порттар ашық болу керек. Провайдер, антивирус немесе фаервол мына порттарды бұғаттап тастамағанын тексеріп алыңыз:
443, 5222. -
Антивирус баптауларынан сертификат тексерісін сөндіріп көріңіз.
«Касперский Лабораториясының» өнімдері үшін қорғалған қосылым тексерісін сөндіріңіз: Баптаулар → Қосымша → Желі. Қорғалған қосылымдарды әрдайым тексеру опциясын сөндіріп тастаңыз.
ESET өнімдері үшін HTTPS протоколын тексеруді сөндіріңіз: ДК сканерлеу қойындысында баптауларды ашыңыз. Сканерлеуді баптау → Интернет және электрондық пошта → Интернетке кіруді қорғау және фишингтен қорғау → Сканерлеу модулін баптау → HTTP, HTTPS. HTTPS протоколын тексермеу опциясын қосыңыз.
-
Аккаунттарды басқару
Диск бағдарламасында сіз екі аккаунтпен бір мезетте жұмыс істей аласыз. Файлдарды синхрондау мен автосақтау екі аккаунт үшін қатар орындалады.
Аккаунт қосу
-
Оң жақ жоғарғы бұрышта өз портретіңізге басыңыз.
-
Аккаунт қосу батырмасын басыңыз.
-
Логин мен құпиясөзді енгізіңіз. Егер сіз кіру үшін тұрақты және бір реттік құпиясөз комбинациясын қолданып жүрсеңіз немесе бұрын қолданған болсаңыз, Яндекс Диск бағдарламасында авторизациядан өту үшін «Яндекс Кілт» мобильді қосымшасы құрастыратын бір реттік құпиясөз керек.
-
Кіру батырмасын басыңыз.
Ескерту
Бағдарламаға ең көбі екі аккаунт қана қоса аласыз. Бірақ, сіз бір қосылған аккаунттан шығып, жаңасын қоса аласыз.
Аккаунттар арасында ауысып отыру
-
Оң жақ жоғарғы бұрышта өз портретіңізге басыңыз.
-
Ауысқыңыз келетін аккаунтты таңдаңыз.
Аккаунттан шығу
-
Егер ол ағымдағы болса, шыққыңыз келетін аккаунттан ауысыңыз.
-
Оң жақ жоғарғы бұрышта өз портретіңізге басыңыз.
-
таңбасына басыңыз.
Егер Дискіні ұзақ қолданбасаңыз не болады?
Егер Дискіге екі жылдан астам уақыт кірмесеңіз және қолданбасаңыз, ол бұғатталуы, ал деректер өшірілуі мүмкін.
Бұғаттау туралы ескерту бар хат
Біз алдағы бұғаттау туралы алдын ала ескертеміз. Хатты алған сәттен бастап 7 күн ішінде сіз бұғаттаудан өзіңіз бас тарта аласыз. Ол үшін сізге жай ғана Дискіге кіру жеткілікті.
Дискіні бұғаттау
Егер ескертуді алған сәттен 7 күн ішінде бұғаттаудан бас тартпасаңыз, Диск бұғатталады. Содан кейін сізде шектеуді алып тастау үшін 3 ай болады. Сіз Дискіні бұғаттан шығарып үлгеру үшін біз алдағы деректерді өшіру туралы үнемі ескертіп отырамыз.
Шектеуді алып тастап, Дискіге толық қолжетімділікті қайтару үшін:
- Қолдау қызметіне жазыңыз. Хатта бұғатталған аккаунттың логинін көрсетіңіз.
- Жауап хатты күтіңіз — біз Дискіні бұғаттан шығарамыз
Назар аударыңыз
Егер Дискіні бұғаттан шығармасаңыз, 3 айдан кейін онда сақталып тұрған файлдар біржола жойылады.