Кіру және шығу

Кіру

Яндекс Диск мобильді қосымшасын қолдану үшін оған кіріңіз:

1. Яндекстегі логин мен құпиясөзіңізді енгізіңіз.
2. Кіру таңбасына басыңыз.

Яндекс Диск Яндексте аккаунты бар пайдаланушылар үшін ғана қолжетімді. Яндекс Дискіге әлеуметтік желі арқылы 01.12.2023 бастап кіруге болмайды. Толық ақпаратты Яндекс ID анықтамасынан қараңыз.

Егер қосымшаға кіре алмай жатсаңыз, Яндекс Төлқұжат кеңестерін қолданыңыз.

Аккаунт қосу

Сіз бір мезетте бірнеше аккаунтты қолдана аласыз және олардың арасында тез ауысып отыра аласыз. Қосымшаға бірнеше аккаунт қосу үшін:

1. Аккаунт мәзірін ашыңыз. Ол үшін экранның сол жақ жоғарғы бұрышындағы портретке басыңыз.
2. Портреттердің оң жағындағы батырмасын басыңыз. Егер бірнеше аккаунт қосылған, ал таңба көрінбей тұрса, портреттерді оңға айналдырыңыз.
3. Басқа аккаунттың логині мен құпиясөзін енгізіп, Кіру батырмасын басыңыз.

Фото мен видеоны автоматты жүктеуге арналған аккаунтты бөлек таңдай аласыз. Қосымшадағы ағымдағы аккаунт басқа болса да, сіздің телефоныңыздағы бүкіл фотосуреттер соған автоматты түрде жүктеліп отырады. Автожүктеуге арналған аккаунтты қалай таңдау керектігі туралы Автожүктеуді қосу және баптау бөлімінен қараңыз.

Басқа аккаунтқа ауысу

Қосымшаға қосқан аккаунттардың арасында ауысып отыру үшін логин мен құпиясөзді енгізу керек емес. Ауысу үшін:

1. Аккаунт мәзірін ашыңыз. Ол үшін экранның сол жақ жоғарғы бұрышындағы портретке басыңыз.

2. Қажет аккаунттың портретін таңдаңыз. Егер бірнеше портрет болса және керек портрет көрінбей тұрса, оларды оңға немесе солға айналдырыңыз.

3. Панельді төмен сырғытып, аккаунт мәзірін жабыңыз.

Аккаунттар арасында ауысқан кезде фото мен видеоны автожүктеуге арналған аккаунт өзгермейді. Автожүктеуге арналған аккаунт деген не екені туралы Автожүктеуді қосу және баптау бөлімінен қараңыз.

Шығу

Қосымшадағы аккаунтты өшіру үшін:

1. Баптаулар → Шығу батырмасын басыңыз.
2. Қажет аккаунт тұрған тармаққа басып, ұстап тұрыңыз.
3. Жоюды растаңыз.

Егер Дискіні ұзақ қолданбасаңыз не болады?

Егер Дискіге екі жылдан астам уақыт кірмесеңіз және қолданбасаңыз, ол бұғатталуы, ал деректер өшірілуі мүмкін.

Бұғаттау туралы ескерту бар хат

Біз алдағы бұғаттау туралы алдын ала ескертеміз. Хатты алған сәттен бастап 7 күн ішінде сіз бұғаттаудан өзіңіз бас тарта аласыз. Ол үшін сізге жай ғана Дискіге кіру жеткілікті.

Дискіні бұғаттау

Егер ескертуді алған сәттен 7 күн ішінде бұғаттаудан бас тартпасаңыз, Диск бұғатталады. Содан кейін сізде шектеуді алып тастау үшін 3 ай болады. Сіз Дискіні бұғаттан шығарып үлгеру үшін біз алдағы деректерді өшіру туралы үнемі ескертіп отырамыз.

Шектеуді алып тастап, Дискіге толық қолжетімділікті қайтару үшін:

1. Кері байланыс формасы арқылы қолдау қызметіне жазыңыз. Хатта бұғатталған аккаунттың логинін көрсетіңіз.
2. Жауап хатты күтіңіз — біз Дискіні бұғаттан шығарамыз