Құпиясөз + бір реттік құпиясөздер арқылы кіру

Кез келген сервиске немесе Яндекс қосымшасына сурет арқылы, QR-код көмегімен не Яндекс Кілт қосымшасындағы немесе TOTP RFC алгоритмі негізіндегі басқа қосымшадағы құпиясөз + бір реттік құпиясөз арқылы кіруге болады. Тұрақты және бір реттік құпиясөз тіркесімі арқылы кіру — бұл аккаунтқа кіру әдістерінің ең сенімдісі.

Құпиясөз + бір реттік құпиясөз арқылы кіру үшін алдымен Яндекс Кілт қосымшасында аккаунт қосыңыз. Егер бірнеше аккаунт қоссаңыз, керектісіне ауысуды ұмытпаңыз.

Құпиясөз + бір реттік құпиясөздер арқылы кіру

1. Яндекс ID-ді тіркеген кездегі логиніңізді енгізіңіз және Кіру батырмасын басыңыз.

2. Ашылған терезеде аккаунт құпиясөзін көрсетіп, Жалғастыру батырмасын басыңыз.

3. Яндекс Кілт қосымшасындағы немесе TOTP RFC алгоритмі негізінде жасалған қосымшадағы бір реттік құпиясөзді енгізіңіз.

• Бір реттік құпиясөздер арқылы кіру мүмкін емес

Яндекс Кілт қосымшасында бір реттік құпиясөзді алу жолы

1. Яндекс Кілт қосымшасын ашыңыз.

2. Қажетті аккаунтқа ауысыңыз.

3. Қосымшадағы бір реттік құпиясөзді көшіріп алыңыз. Яндекс Кілт бір реттік құпиясөздерді әр 30 секунд сайын жасайды.

Есіңізде болсын:

• Яндекс Кілттегі ағымдағы құпиясөзді көшіріп алу үшін құпиясөз жанындағы белгішені  басуға болады.
• Бір реттік құпиясөзді бір жерде сақтаудың мәні жоқ. Сіз онымен Яндекске кіре салысымен және 30 секунд өткеннен кейін ол бірден өзектілігін жоғалтады.

QR-код бойынша кіру

Жай ғана камераны QR-кодқа бағыттау арқылы Яндекс сервистеріне кіре аласыз. Бұл ретте Яндекс Кілт қосымшасы авторизация серверімен байланысу үшін мобильді құрылғыңыз интернетке қосылуы қажет.

Егер сервис немесе қосымша кірудің мұндай әдісін қолдамаса, аккаунтқа бір реттік құпиясөз арқылы кіруге болады.

QR-код арқылы кіру үшін:

1. Яндекс ID-ді тіркеген кездегі логиніңізді енгізіңіз және Кіру батырмасын басыңыз.

   Ашылған терезеде QR-код көрсетіледі.

   

2. Мобильді құрылғы арқылы Яндекс Кілт қосымшасын ашыңыз.

3. Қажетті аккаунтқа ауысыңыз. Егер қосымшада QR-код арқылы кіру сөндірілген болса, аккаунт экранында QR-код арқылы кіруді қосу батырмасын басыңыз, кейін логин мен құпиясөзді енгізіңіз.

4. QR арқылы кіру батырмасын басып, ашылған камераны QR-кодқа бағыттаңыз.

Егер Яндекс Кілт қосымшасы QR-кодты таныса, онда ол Яндекске логиніңіз бен бір реттік құпиясөзді жібереді және сіз браузерде автоматты түрде кіресіз. QR-код дұрыс оқылмаса, қате туралы хабарламаны көресіз.

Бір реттік құпиясөз немесе QR-код арқылы кіру мүмкін емес

• Жеке кабинетте Яндекс Кілт көмегімен кіру функциясының қосылғанын, яғни кіру әдісі ретінде «Бір реттік құпиясөз» немесе «Құпиясөз + бір реттік құпиясөз» көрсетілгенін тексеріңіз.
• Яндекс Кілт қосымшасындағы ағымдағы бір реттік құпиясөзді енгізгеніне көз жеткізіңіз. Ол қосымшада әр 30 секунд сайын жаңартылады.
• Бір реттік құпиясөздерді жасау кезінде Яндекс Кілт қосымшасы құрылғыда орнатылған ағымдағы уақыт пен сағаттық белдеуді ескереді. Егер сіз құпиясөзді дұрыс енгізгеніңізге сенімді болсаңыз, бірақ кіру мүмкін болмаса:

1. Құрылғыңызда уақыт пен сағат белдеуі дұрыс орнатылғанына көз жеткізіңіз. Осыдан кейін жаңа бір реттік құпиясөзбен кіріп көріңіз.

2. Серверлік жылжыту баптауларының көмегімен уақытты синхрондап көріңіз:

   1. Қосымшаның сол жақ жоғарғы бұрышындағы басып, Уақытты жылжытуды қолдану опциясын сөндіріп тастаңыз. Осыдан кейін жаңа бір реттік құпиясөзбен кіріп көріңіз.

   2. Егер бәрібір кіре алмасаңыз, қосымша баптауларында Уақытты жылжытуды жаңарту тармағына басып, Уақытты жылжытуды қолдану опциясын қайтадан қосыңыз. Содан кейін қосымшаны қайта іске қосып, жаңа бір реттік құпиясөзді енгізіп көріңіз.

   Егер қиындық шешілмесе, төмендегі форма арқылы қолдау қызметіне хабарласыңыз.

Сурет арқылы кіру

Сіз Яндекстің сервистеріне немесе қосымшаларына суреттер арқылы кіре аласыз. Қауіпсіздік бөлімінде сурет арқылы кіру мүмкіндігі қосылып тұрғанын тексеріп алыңыз.

Бұл кіру тәсілін пайдалану үшін:

1. Яндекс ID-ді тіркеген кездегі логиніңізді енгізіңіз және Кіру батырмасын басыңыз.

2. Сурет тиісті қойындыда көрсетіледі. Яндекс Кілт қосымшасынан дәл сондай суретті таңдау керек.

3. Мобильді құрылғы арқылы Яндекс Кілт қосымшасын ашыңыз.

4. Қажетті аккаунтқа ауысыңыз. Ашылған экранда сіз авторизация үрдісін бастаған құрылғы мен төрт сурет көресіз.

   Назар аударыңыз

   Суретті таңдар алдында бұл сіздің құрылғыңыз екенін тексеріп алыңыз. Егер аккаунтқа кіруге әрекет жасамаған болсаңыз, суретті таңдамаңыз.

   Яндекс Кілт қосымшасында суреттерді көрмей тұрмын

   • Логинді енгізгеннен кейін сізде Яндекс Кілт қосымшасынан суретті таңдауға бес минут болады. Егер уақыт таусылса, басқа құрылғыда Суретті жаңарту батырмасын басыңыз.
   • Сурет арқылы кіру үшін тек 5 әрекет беріледі. Егер барлық әрекеттер таусылса, сіз бір реттік құпиясөз немесе QR-код арқылы кіре аласыз.
   • Егер Яндекс Кілт қосымшасында суреттер арқылы кіру сөндірулі тұрса, аккаунт экранында Суреттер арқылы кіруді қосу батырмасын басып, кейін логин мен құпиясөзді енгізіңіз.

5. Суреттердің арасынан басқа құрылғыда 2 қадамда көрсетілген суретті таңдаңыз.

6. Сурет дұрыс таңдалды

   Сіз сервиске кіресіз.

   Сурет қате таңдалды немесе уақыт таусылды

   Басқа құрылғыда Суретті жаңарту батырмасын басыңыз және қайтадан көріңіз.

   Сурет арқылы кіру үшін тек 5 әрекет беріледі. Егер барлық әрекеттер таусылса, сіз бір реттік құпиясөз немесе QR-код арқылы кіре аласыз.

Сурет арқылы кіру мүмкіндігін жеке кабинеттің Қауіпсіздік бөлімі арқылы ажыратып тастауға болады.