Күнтізбені жіберу

Күнтізбеге бірлескен қолжетімділік

Сіз мекенжай кітапшасындағы контактілер үшін күнтізбеге қолжетімділік аша аласыз. Рұқсат алғаннан кейін олар сіздің күнтізбеңізді өз Яндекс Күнтізбесінен қарай алады.

Сіз осы күнтізбеде жасаған өзгерістер (мысалы, оқиға жасасаңыз немесе өзгертсеңіз) бүкіл қатысушыларға көрінеді.

Күнтізбеге толық қолжетімділік қатысушыларға сіздің оқиғаларыңызды өзгертуге немесе жаңаларын жасауға мүмкіндік береді. Осылайша сіз бір күнтізбені бірге пайдалана аласыз.

Бірлескен қолжетімділікті баптау

1. Сол жақ панельдегі күнтізбенің атауына меңзерді бағыттап, белгішесін басыңыз.

2. Рұқсат қойындысында Рұқсат құқықтары беру өрісінде шақыратын адамның атын немесе мекенжайын енгізе бастаңыз — Күнтізбе сай келетін контактілерді ұсынады.

3. Рұқсат құқықтарын таңдаңыз:

   • Ашық оқиғаларды қарау — тек Қатысушылар көрінімділік опциясы қосылған ашық оқиғаларды қарауға рұқсат.
   • Бүкіл оқиғаларды қарау — бүкіл оқиғаларды қарауға рұқсат (ашық та, жабық та).
   • Бүкіл оқиғаларды қарау және жаңа оқиғалар жасау — бүкіл оқиғаларды (ашық та, жабық та) қарауға және жаңаларын жасауға рұқсат.
   • Күнтізбенің мазмұнын түзету — бүкіл оқиғаларды қарауға, жасауға және түзетуге рұқсат.

   Ескерту

   Шақырылған қатысушыларға сіз жіберген күнтізбенің хабарлама баптаулары жіберілмейді.

4. Баптауларды сақтап қойыңыз.

   

Бірлескен қолжетімділік алу

Сіз күнтізбеге рұқсат берген пайдаланушы оның хабарлама баптауларында көрсетілген поштасына шақыру бар хат алады. Қолжетімділік алу үшін ол сол хаттағы Қабылдау сілтемесі арқылы өту керек.

Күнтізбенің мекенжайы

Күнтізбені біреуге жіберу үшін:

1. Сол жақ панельдегі күнтізбенің атауына меңзерді бағыттап, белгішесін басыңыз.
2. Рұқсат қойындысына өтіңіз.
3. Жария мекенжай өрісіндегі деректерді көшіріп алыңыз.

Егер сіздің күнтізбеңіздегі кейбір оқиғалар үшін Қатысушылар көрінімділік опциясы қосылған болса, мұндай оқиғаларды тек оған қатысушылар көре алады. Егер бүкіл оқиғаларды жібергіңіз келсе, Құпия мекенжай өрісіндегі деректерді көшіріп алыңыз.

Күнтізбе жабық болған кезде күнтізбе иесі онда жасаған оқиғаларды басқа пайдаланушылар көрмейді. Егер күнтізбенің иесі оқиғаны жасамаған, бірақ оған шақырылған болса, басқа пайдаланушылар күнтізбе жабық болса да, оқиға туралы толық ақпаратты көреді.

Оқиғаларды басқа күнтізбеге экспорттау

Сіз Яндекс Күнтізбедегі оқиғаларды басқа сайттағы күнтізбеге көшіре аласыз немесе өз күнтізбеңіздегі оқиғаларды басқаларға файл немесе сілтеме арқылы жібере аласыз.

Экспорттау үшін iCal, HTML форматтары мен CalDAV протоколы қолданылады. iCal және HTML форматындағы сілтемелер экспорттау үшін тек күнтізбенің иесіне ғана қолжетімді, ал қалған пайдаланушылар үшін тек CalDAV сілтеме қолжетімді болады.

1. Сол жақ панельдегі күнтізбенің атауына меңзерді бағыттап, белгішесін басыңыз.

2. Экспорттау қойындысына өтіңіз.

3. Қажетті экспорттау форматын таңдаңыз.

4. Тиісті өрістегі сілтемені көшіріп алып, басқа күнтізбеге импорттаңыз.

Ескерту

Егер сіз iCal форматын таңдаған болсаңыз, онда сілтемені жаңа қойындыда ашып, күнтізбені *.ics форматындағы файл түрінде сақтай аласыз.