Microsoft Outlook бағдарламасына арналған Яндекс Коннектор кеңейтімі
Назар аударыңыз
Егер сіз бизнеске арналған Яндекс 360 ұйымындағы қызметкер болмасаңыз, бұл мақаланың басқа нұсқасын қараңыз.
Яндекс Коннектор — бұл Microsoft Outlook бағдарламасындағы күнтізбе, тапсырмалар мен контактілерді Яндекс 360 сервистерімен синхрондайтын кеңейтім.
Кеңейтім CalDAV және CardDAV протоколдары бойынша істейді, Windows 10 және Windows 11 ОЖ арналған 2016 және одан кейінгі нұсқасы бар Microsoft Outlook пошта бағдарламасында қолжетімді.
Кеңейтімді орнату
- Орнату файлын жүктеп алыңыз. Ол 32-биттік және 64-биттік ОЖ үшін жарайды.
- Жүктелген файлды іске қосып, экрандағы нұсқаулықтарды орындаңыз.
Кіру және пайдалана бастау
-
Microsoft Outlook бағдарламасын ашыңыз.
-
Жоғарыда тұрған құралдар панелінен Яндекс Коннекторға басыңыз.
-
Аккаунтқа кіру батырмасын басыңыз.
-
Яндекстегі логин мен құпиясөзді енгізіп, Кіру батырмасын басыңыз.
-
Яндекстегі аккаунтпен кіруді растап, өз деректеріңізді қолдануға рұқсат беріңіз.
Аккаунтқа кірген кезде бүкіл күнтізбелер, тапсырмалар мен контактілер автоматты түрде синхрондала бастайды.
Синхрондауды сөндіру
- Егер әлі кірмеген болсаңыз, аккаунтқа кіріңіз.
- Сол жақ жоғарғы бұрыштағы Күнтізбелер, тапсырмалар мен контактілер батырмасын басыңыз.
- Сол жақтағы синхрондауды қажет етпейтін күнтізбелер, тапсырмалар тізімі немесе контактілерден құсбелгілерді алып тастаңыз.
- Өзгерістерді сақтау батырмасын басыңыз.
Мәселелерді шешу
Авторизациядан өте алмай жатырмын
Егер аккаунтқа кіруге қатысты мәселе Microsoft Outlook бағдарламасына іштей орнатылған браузерді пайдаланған кезде туындаса, онда сыртқы браузердің көмегімен авторизациядан өтіп көріңіз, ол үшін:
- Microsoft Outlook бағдарламасын ашыңыз.
- Жоғарыда тұрған құралдар панелінен Яндекс Коннектор → Настройки батырмасын басыңыз.
- Кіру үшін сыртқы браузерді пайдалану опциясын қосып, аккаунтқа қайтадан кіріп көріңіз.
Егер мәселе шешілмесе, қолдау қызметіне жазыңыз.
Басқа мәселе, мысалы — синхрондау істемей тұр
Қолдау қызметіне жазып, мәселе туралы айтып беріңіз: ол туындаған кез, қандай әрекеттерді және қандай тәртіппен жасадыңыз. Хабарламаңызға лог-файлды тіркеп жіберіңіз — сонда тезірек көмектесе аламыз.
Бағдарламада лог жазбаларын жинап алу үшін:
- Microsoft Outlook бағдарламасын ашыңыз.
- Жоғарыда тұрған құралдар панелінен Яндекс Коннектор → Настройки батырмасын басыңыз.
- Баптау ақпаратын қосу белгісін қойыңыз.
- Мәселенің туындауына соқтырып тұрған әрекетті қайталаңыз.
- Баптауларға оралып, Баптау ақпаратын қосу белгісін алып тастап, Көрсету батырмасын басыңыз — лог-файлдар жазылған қалта ашылады.
Соңғы 10 күнде жазылған лог-файлдарды C:\Users\username\AppData\Local\Yandex\Y360.OutlookConnector\data қалтасынан таба аласыз.
Қызметкерлер өз экрандарында кеңейтімді орнату үрдісін көрмейді.