Қоңырауды басқару

Қоңырауды жасаған адам автоматты түрде оны ұйымдастырушыға айналады және қатысушылардың микрофондарын, олардың видеосы мен экран көрсетілімін сөндіре алады, сондай-ақ жазба жүргізе алады, күту бөлмесіндегі қатысушыларды кіргізе алады немесе оларды қоңыраудан шығара алады.

Бірлескен ұйымдастырушы етіп тағайындау

Телекөпірде Яндекс ID арқылы кірген қоңырауға қатысушыны ғана бірлескен ұйымдастырушы етіп тағайындауға болады.

1. басыңыз.
2. Қажетті қатысушының оң жағындағы батырмасын басыңыз.
3. Бірлескен ұйымдастырушы ету тармағын таңдаңыз.

Бірлескен ұйымдастырушыларды алдын ала — Яндекс Күнтізбеде кездесуді жасау кезінде тағайындауға болады. Оны қалай жасау керек

Күту бөлмесі

Ұйымдастырушы мен бірлескен ұйымдастырушылар қоңырауға кіру рұқсаттарын қадағалап отыру үшін күту бөлмесін пайдалана алады — осылайша қоңырауға қосылуға рұқсат алғанға дейін кездейсоқ қатысушы қосыла алмайды.

Қоңырау кезінде күту бөлмесінің баптауларын өзгерту тек жаңа пайдаланушыларға қолданылады және қосылған қатысушыларға әсер етпейді. Егер күту бөлмесін сөндіріп тастасаңыз, ондағылардың бәрі автоматты түрде қосылады.

Баптауларды өзгерту үшін:

1. Қоңырау кезінде  → Күту бөлмесі батырмасын басыңыз.
2. Күту бөлмесі қалай істейтінін таңдаңыз:
   • Бәріне — әңгімелесушілер қоңырауға оларды кіргізген кезде қосыла алады.
   • Сыртқы пайдаланушылар үшін — қоңырауға тек ұйымның доменінде аккаунттары бар әңгімелесушілер бірден қосыла алады, ал қалғандары оларды кіргізген сәтке дейін күту керек. Осындай кіруге рұқсат типі барлық жаңа қоңыраулар үшін әдепкі түрде белгіленген.
   • Сөндірулі — әңгімелесушілер қоңырауға бірден қосыла алады.
3. Сақтау батырмасын басыңыз.

Күту бөлмесінің баптауларын алдын ала — Яндекс Күнтізбеде қоңырауды жоспарлау кезінде таңдауға болады. Оны қалай жасау керек

Күту бөлмесіндегі қатысушыларды кіргізу

1.  → Күтіп тұр батырмасын басыңыз.
2. Қажетті қатысушылардың жанындағы Кіргізу немесе Бәрін кіргізу батырмасын басыңыз.

Камера, микрофонды сөндіру немесе қолды түсіру

Осыдан кейін қатысушылар кез келген сәтте дыбыс пен видеоны қайта қоса алады немесе қолдарын көтере алады.

Экран көрсетілімін тоқтату

1. басыңыз.
2. Экранын көрсетіп жатқан қатысушының оң жағындағы  → Экран көрсетілімін тоқтату батырмасын басыңыз.

Содан кейін ол кез келген сәтте экранын әдеттегідей қайтадан көрсете алады.

Қатысушыларға қоңырау жазбасын жүргізуге тыйым салу

Әдепкі түрде Телекөпірде кез келген қатысушы қоңырауды жазып ала алады. Ұйымдастырушы мен бірлескен ұйымдастырушылар бұл мүмкіндікті сөндіре алады:

1. Қоңырау кезінде  → Қатысушылардың құқығы батырмасын басыңыз.
2. Қоңырауды жазу опциясын сөндіріңіз.

Осыдан кейін бүкіл қатысушыларда Жазба бастау мәзір тармағы жоғалып кетеді. Ал оны қосып үлгергендерде жазба үзіліп, сақталмай қалады. Бұл ретте ұйымдастырушы мен бірлескен ұйымдастырушыларда қоңыраудың жазбасын жүргізу мүмкіндігі қалады.

Қоңыраудан шығару

Әңгімелесушіні қоңыраудан ұйымдастырушы мен бірлескен ұйымдастырушылар шығара алады.

1. басыңыз.
2. Қажетті қатысушының оң жағындағы  → Қоңыраудан шығару батырмасын басыңыз.
3. Егер қажет болса, 24 сағатқа кіруге рұқсатты жабу опциясын қосыңыз және Иә батырмасын басыңыз. Егер опция сөндірулі тұрса, қатысушы қоңырауға бір минуттан кейін қайтадан қосыла алады.

Қоңырауды бүкіл қатысушылар үшін аяқтау

 → Қоңырауды бүкілі үшін аяқтау батырмасын басыңыз.