Хат жазу

Жаңа хат жазу үшін экранның жоғарғы сол жақ бұрышында Жазу батырмасын басыңыз.

Алушыларды таңдау

Бір алушы

Кімге өрісінде алушының мекен-жайын енгізіңіз немесе контактіні мекен-жай кітабынан таңдаңыз. Аты, тегі немесе электрондық пошта мекен-жайларының бірінші әріптерін енгізуді бастағанда, тиісті контактілер тізімі шығады.

Аты мен тегі бойынша іздеу үшін латын әріптерінің орнына кириллица таңбаларын және керісінше пайдалануға болады. Мысалы "Чеширский Кот" котнтактісін іздеу үшін латын "k" әрпін де, кириллицамен "к" әрпін де енгізуге болады. Сыбырсөздер тізімінде сіз жақында сөйлескен адресаттар бірінші болып көрінеді.

Бірнеше алушы

Сіз бірден бірнеше адресатқа хат жібере аласыз. Бұл үшін Кімге өрісінде бірнеше мекенжайды үтір мен бос орын арқылы енгізіңіз, мысалы cheshire.katze@yandex.kz, just.mad.hatter@yandex.kz, just.white.rabbit@yandex.kz.

Ескертпе. Бір хатты Пошта веб-интерфейсінде 50-ден артық емес адресатқа және пошта бағдарламасында 35-тен артық емес адресатқа жіберуге болады. Толығырақ Көптеген хаттар жіберу мақаласында.

Егер сіздің хатыңызда бас алушы болса, ал қалғандарына хат танысу үшін жіберілсе, бас мекенжайды Кімге өрісіне, ал қалғандарын Көшірмесі өрісіне жазыңыз. Көшірме өрісін көру үшін жоғарғы оң жақ бұрыштағы Көшірмелер, Кімнен ˅ батырмасын басыңыз.

Кімге және Көшірме өрістерінде көрсетілген барлық мекен-жайлар хат алушыларға көрінеді. Егер сіз осы мекен-жайлардың біреуі басқаларға көрінбегенін қаласаңыз, оларды Жасырын көшірме өрісіне жылжытыңыз.

Назар аударыңыз. Жасырын көшірмеде көрсетілген адресат хатты алмауы мүмкін: кейбір спам-сүзгілер осындай тектес хаттарды жояды.

Кімге өрісіндегі мекенжайды басқа өріске ауыстыру үшін (мысалы, Көшірмесі өрісіне), тінтуірдің сол жақ батырмасын ұстап отырып оны жылжытыңыз.

Жіберушінің мекенжайын таңдаңыз

Жіберу үшін түрлі мекенжайларды қолдана отырып хат алмасуыңызға болады — Яндекстегі негізгі пошта мекенжайыңыз, пошта алиастардың бірі немесе басқа сервистегі мекенжайыңыз (мысалы, Gmail немесе Mail.Ru).

Хаттың қай мекенжайдан жіберілетінін таңдау

Барлық хаттар үшін

Хаттарды қай мекенжайлардан жіберетініңізді Жеке деректер баптаулары бөлімінен таңдай аласыз. Бұл мекенжай барлық хаттар үшін әдепкі түрде пайдаланылады. Сондай-ақ, ол пайдаланушының аты мен портретіне басқан кезде Яндекс Пошта парақшасының жоғарғы оң жақ бұрышында көрсетіледі.

Нақты хат үшін

Жіберу мекенжайын хатты жасау парақшасында таңдауға болады. Таңдалған мекенжай нақты осы хат үшін ғана пайдаланылатын болады.

Жоғарғы оң жақ бұрыштағы Көшірмелер, Кімнен ˅ батырмасын басыңыз.
Кімнен өрісіндегі атына басыңыз.

Мәтінді рәсімдеңіз

Безендіру панелі құралдарының көмегімен мәтіннің бөлігін жартылай қалың немесе курсивпен ерекшелеуге, қаріп түсі мен өлшемін өзгертуге, таңбаланған немесе нөмірленген тізімді орнатуға, суретті хатқа салуға, сілтеме қосуға болады және т. б.

Егер сіз безендіруді сөндіргіңіз келсе, мәтіннің бөлігін ерекшелеп, таңбасын басыңыз.

Файлды қосыңыз

Файлдарды хатқа тіркеуге болады:

Компьютерден жүктеу

Хатты енгізу өрісі астында батырмасын басыңыз.
Компьютерде қажетті файлдарды таңдап, Ашу батырмасын басыңыз.

Назар аударыңыз. Егер бір уақытта бірнеше файлды тіркеу мүмкін болмаса, Ctrl + F5 пернелер тіркесімін басу арқылы парақшаны жаңартыңыз және тіркемені қайтадан қосып көріңіз. Толығырақ Тіркемені қоса алмай жатырмын бөлімнен қараңыз.

Егер сіз файлды қателесіп қосқан болсаңыз, оның шағын суретінің оң жақ жоғарғы бұрышындағы батырмасын басыңыз.

Көптеген пошта сервистері көлемі 10 МБ-тан артық тіркемелерді қабылдамайды. Егер мұндай тіркеменің қабылданатынына сенімді болмасаңыз, оны бөліп жіберіңіз (бірнеше хатпен) немесе хатқа қажетті файлдарды Яндекс Диск арқылы қосыңыз.

Егер тіркемелер өлшемі 25 МБ-тан асса, файлдар автоматты түрде Яндекс Дискіңізге Пошта тіркемелері қалтасына жүктеледі. Толығырақ Яндекс Диск Анықтамасынан қараңыз.

Бір тіркеменің максималды көлемі — 1 ГБ. Үлкен өлшемді файлдарды хаттарға тек Яндекс 360 Премиум бар болған жағдайда қоса аласыз.

Яндекс Дискіден тіркеу

Хатты енгізу өрісі астында батырмасын басыңыз.
Қажетті файл немесе қалтаны таңдап, Тіркеу батырмасын басыңыз.

Адресат тіркемелерді жүктеуге болатын сілтемелерді хатпен бірге алады. Жүктелген файлдарға сілтеме тек хат алмасу қатысушыларына ғана қолжетімді болады.

Ескертпе. Дискіден жүктелетін файлдың максималды көлемі — 10 ГБ. Хатта мұндай тіркемелердің саны шектелмейді.

Егер сіз файлды Дискіден жүктей алмасаңыз, Дискіңізде орын аяқталуы мүмкін деген сөз. Толығырақ Диск Анықтамасынан қараңыз.

Пошта тіркемелерінен қосу

Сіз осыған дейін жіберген немесе алған барлық файлдар тізіміндегі файлды тіркей аласыз.

Хатты енгізу өрісі астында батырмасын басыңыз.
Қажетті тіркемесі бар хат жатқан қалтаны таңдаңыз. Қалталар атауы ағылшын тілінде көрсетіледі.
Файлды таңдап, Тіркеу батырмасын басыңыз.

Суретті хатқа салыңыз

Суретті хат денесіне тіркеме ретінде емес, бірнеше жолмен кірістіруге болады:

Алмасу аралығы арқылы

Суретті алмасу аралығына көшіріңіз. Мысалы, сізге басқа сайттағы сурет керек болса, оған тінтуірдің оң жақ батырмасын басып, Суретті көшіру (Google Chrome -да— Суретті көшіру) батырмасын таңдаңыз.
Хатты жасау бетін ашып, суретті енгізгіңіз келетін жерге тінтуірдің оң жағын басыңыз да, мәзірден Кірістіруді таңдаңыз.

Компьютерден алу

Суретті хатты жазу бетіне сүйреңіз.

Ескертпе. Мәтінді енгізу өрісіне сүйреп апарсаңыз, сурет хат денесіне қойылады. Егер өрістен төмен сүйреп апарсаңыз, сурет тіркеме ретінде бекітіледі.

Безендіру жиегі арқылы

Хат мәтінін енгізу өрісі үстіндегі безендіру тақтасында → Компьютерден батырмасын басыңыз.
Суретті таңдаңыз және Ашу батырмасын басыңыз.
Қажет болса, суреттің өлшемін өзгертіңіз. Ол үшін оны ерекшелеңіз және бұрыштарының бірінен тартыңыз.

Белгі қосыңыз

Егер өзіңіз үшін бір хатты маңызды етіп белгілегіңіз келсе немесе басқа белгіні қойғыңыз келсе, енгізу өрісі астындағы → Белгілерді қосу → Маңызды (немесе басқа белгі) батырмасын басыңыз.

Егер сіз өзіңіз үшін хатты маңызды деп белгілесеңіз, жіберілген хаттар тізімінде ол қызыл түспен ерекшеленіп тұрады немесе сіз қосқан белгісі болады. Алушы сіздің белгілеріңізді көрмейді.

Қолтаңбаны таңдаңыз

Егер бірнеше қолтаңбаңыз болса, хат жасаған кезде қажеттісін таңдаңыз немесе қолтаңбаның автоматты таңдауын реттеңіз.

Меңзерді ағымдағы қолтаңбаға апарыңыз.
Кейін батырмасын басыңыз, ол қолтаңба бөлімінің оң жақ жоғарғы бұрышында пайда болады.
Қолтаңбаны таңдаңыз.

Мекенжайға байланысты

Нақты бір Пошта алиасынан хаттарды жіберу кезінде қолтаңбаны қолдану үшін Жеке деректер парағындағы Қолтаңбаларыңыз бөліміндегі мекенжайға тіркеу опциясын қосыңыз және қажетті электронды мекенжайды таңдаңыз.

Хат тіліне байланысты

Жүйе қосылған қолтаңбалар тілін анықтайды: хатқа жауап берген кезде, мысалы, ағылшын тілінде, автоматты түрде осы тілде қол қойылады. Осы қолтаңбаны хат пен басқа тілде жауап ретінде қою үшін Қолтаңбаларыңыз бөлімінде оны қажетті тілге байланыстырыңыз:

Меңзерді қолтаңбаның оң жақ жоғарғы бұрышына апарыңыз.
Пайда болған белгішесін басыңыз.
Тізімнен қажетті тілді таңдаңыз:

.
Сақтау батырмасын басыңыз.

Өңдеуді тоқтата тұрыңыз

Хат жазғанда, барлық өзгерістер әр 10 секунд сайын автоматты түрде жаңартылады. Сіз кез келген сәтте хатты өңдеуді тоқтатып, оны өңдеуге кейінірек қайта орала аласыз. Түзету терезесін жасыру үшін терезенің оң жақ жоғарғы бұрышындағы таңбасын басыңыз. Қайтадан ашу үшін, Поштаның оң жақ төменгі бұрышындағы хаттың қойындысына басыңыз.

Хат үлгісін жасаңыз

Егер сіз жиі бірдей немесе ұқсас мазмұны бар хаттарды жіберсеңіз (мысалы, шақыру немесе түйіндеме), оларды үлгі түрінде сақтай аласыз. Олар хат жібергеннен кейін жоғалмайды. Серіктестерге, әріптестерге немесе достарға хат жасау арқылы бір үлгіні бірнеше рет пайдалана аласыз.

Үлгі жасау үшін:

Хатты жазып, тақырыбын көрсетіңіз. Қажет болса, тіркеме қосыңыз.
Бәрі дайын болған кезде → Жоба ретінде сақтау: батырмасын басыңыз.

Сіз жасаған үлгілер Жобалар → Үлгілер атты жеке қалтада сақталады және хаттың тақырыбын, ілестірмелері мен мәтінін ғана қамтиды (онда хатты алушылар көрсетілмейді).

Хатты жіберіңіз

Жіберу алдында сіз қосымша опцияларды — хабарламалар немесе кейінге қалдырып жіберуді баптай аласыз.

Хат дайын болған кезде, Жіберу батырмасын басыңыз.

Егер сәйкесінше опция қосылған болса, жіберуді бірнеше секунд ішінде тоқтатуға болады.

Хабарландырулар

Егер сіз хаттың жеткізілгені туралы есеп алғыңыз келсе, жіберер алдында → Хаттың жеткізілгені туралы хабарлау (хатты енгізу өрісінің астында) батырмасын басыңыз.

Хат алушыға жеткізілген кезде сіздің пошта жәшігіңізге есеп келеді.

Назар аударыңыз. Есеп хаттың алушының пошта жәшігіне жеткендігін білдіреді, бірақ оның оқылғандығын көрсетпейді.

Егер сіз жауап күтетін маңызды хат жолдайтын болсаңыз, қажетті мерзімде жауап түспеген жағдайда, қайта ескерту туралы ескертпе орната аласыз.

Ол үшін жіберер алдында:

→ Егер жауап болмаса, қайта ескерту (хатты енгізу өрісінің астында) батырмасын басыңыз.
Қанша уақыт жауап күтуге дайын екендігіңізді таңдаңыз.

Егер адресат көрсетілген мерзім ішінде жауап бермесе, сіз хатты қайта жіберу туралы ескертпесі бар хабарлама аласыз.

Сіз жауап күтіп отырған барлық хаттарды көру үшін, қалталар тізімінің астындағы батырмасын басыңыз. Егер сіз бұл хатқа енді жауап күтпейтін болсаңыз, оны ашып, Күтпей-ақ қою батырмасын басыңыз.

Кейінге қалдырылған жіберу

Егер сіз хаттың көрсетілген күн мен уақытта жіберілгенін қаласаңыз:

батырмасын (хатты енгізу өрісінің астында) басыңыз.
Хатты қашан жіберу керектігін көрсетіңіз — ұсынылған нұсқалардың бірін таңдаңыз немесе күні мен уақытын қолмен енгізіңіз.

Ескертпе. Хатты жіберуді ағымдағы күннен бастап бір жылдан аспайтын мерзімге кейінге қалдыруға болады.

Хатты жіберуді болдырмау

Егер сіз хатты қателесіп жіберген болсаңыз, оны жібергеннен кейін бірнеше секунд ішінде жіберуден бас тарта аласыз. Опцияны қосу үшін:

Жоғарғы оң жақ бұрыштағы → Барлық баптаулар белгішесін басыңыз.
Интерфейсті таңдаңыз.
Хаттарды редакциялау және жіберу → Хаттар жіберілімін тоқтату бөлімінде қажетті аралықты көрсетіңіз: 5, 10, 20 немесе 30 секунд.

Хаттар жіберілімін тоқтату үшін Өшірілген мәнін қолданыңыз.