Хат жазу

Алушыларды таңдау

Бір алушы

Кімге өрісінде алушының мекен-жайын енгізіңіз немесе контактіні мекен-жай кітабынан таңдаңыз. Аты, тегі немесе электрондық пошта мекен-жайларының бірінші әріптерін енгізуді бастағанда, тиісті контактілер тізімі шығады.

Аты мен тегі бойынша іздеу үшін латын әріптерінің орнына кириллица таңбаларын және керісінше пайдалануға болады. Мысалы, "Чеширский Кот" контактісін іздеп табу үшін латынша "k" әрпін де, кириллица түріндегі "к" әрпін де енгізуге болады. Ұсынылған мекенжайлар тізімінде сіз жақында хат алысқан адресаттар болады.

Бірнеше алушы

Сіз бірден бірнеше адресатқа хат жібере аласыз. Бұл үшін Кімге өрісінде бірнеше мекен-жайды үтір мен бос орын арқылы енгізіңіз, мысалы cheshire.katze@yandex.kz, just.mad.hatter@yandex.kz, just.white.rabbit@yandex.kz.

Ескертпе. Бір хатты Пошта веб-интерфейсінде 50-ден артық емес адресатқа және пошта бағдарламасында 35-тен артық емес адресатқа жіберуге болады. Толығырақ Көп хат жіберу атты мақаладан қараңыз.

Егер сіздің хатыңызда бас алушы болса, ал қалғандарына хат танысу үшін жіберілсе, бас мекен-жайды Кімге өрісіне, ал қалғандарын Көшірмесі өрісіне жазыңыз.

Кімге және Көшірме өрістерінде көрсетілген барлық мекен-жайлар хат алушыларға көрінеді. Егер сіз осы мекен-жайлардың біреуі басқаларға көрінбегенін қаласаңыз, оларды Жасырын көшірме өрісіне жылжытыңыз.

Назар аударыңыз. Жасырын көшірмеде көрсетілген адресат хатты алмауы мүмкін: кейбір спам-сүзгілер осындай тектес хаттарды жояды.

Кімге өрісіндегі мекен-жайды басқа өріске ауыстыру үшін (мысалы, Көшірмесі өрісіне), тінтуірдің сол жақ батырмасын ұстап отырып қажетті мекен-жайды жылжытыңыз.

Жіберушінің мекен-жайын таңдаңыз

Әртүрлі жіберу мекен-жайларын пайдаланып, достарыңызбен және әріптестеріңізбен хат алмасуға болады. Бір жағдай үшін Яндекстегі негізгі пошта мекен-жайын таңдаңыз, екіншісі үшін — пошта алиастарының бірі, ал үшіншісіне — басқа сервистегі мекен-жайыңыз (мысалы, Gmail немесе Mail.Ru).

Хаттың қай мекен-жайдан жіберілетінін таңдау

Барлық хаттар үшін

Хаттың қай мекен-жайдан жіберілетінін Жіберуші туралы ақпарат бөлімінен таңдай аласыз . Бұл мекенжай барлық хаттар үшін әдепкі түрде пайдаланылады.

Нақты хат үшін

Жіберу мекенжайын хатты жасау парақшасында таңдауға болады. Таңдалған мекенжай нақты осы хат үшін ғана пайдаланылатын болады.

  1. Оң жақ жоғарғы бұрыштағы + Жаю батырмасын басыңыз.
  2. Кейін Кімнен өрісіндегі атқа басыңыз.

Мәтінді рәсімдеңіз

Безендіру панелі құралдарының көмегімен мәтіннің бөлігін жартылай қалың немесе курсивпен ерекшелеуге, қаріп түсі мен өлшемін өзгертуге, таңбаланған немесе нөмірленген тізімді орнатуға, суретті хатқа салуға және т. б. болады.



Егер сіз безендіруді сөндіргіңіз келсе, мәтіннің бөлігін ерекшелеп, батырмасын басыңыз.

Файлды қосыңыз

Компьютерден жүктеу

  1. Хатты енгізу өрісінің астында  → Компьютерден жүктелген файлдар батырмасын басыңыз.
  2. Компьютерде қажетті файлдарды таңдап, Ашу батырмасын басыңыз.
Назар аударыңыз. Егер бір уақытта бірнеше файлды тіркей алмасаңыз, Adobe Flash Player-дың ағымдағы нұсқасы орнатылғанына көз жеткізіңіз. Толығырақ Тіркемені қосу мүмкін емес бөлімінен қараңыз.

Егер сіз файлды қателесіп қосқан болсаңыз, оның шағын суретінің оң жақ жоғарғы бұрышындағы батырмасын басыңыз.

Көптеген пошта сервистері көлемі 10 МБ-тан артық тіркемелерді қабылдамайды. Мұндай тіркеменің қабылданатындығына сенімсіз болсаңыз, оның бөлшектеп жіберіңіз (бірнеше хатпен) немесе қажетті файлдарды хатқа Яндекс.Диск арқылы қосыңыз.

Егер тіркеменің өлшемі 25 МБ-тан асатын болса, файлдар автоматты түрде сіздің Яндекс.Дискіңіздегі Пошта тіркемелері қалтасына жүктеледі. Толығырақ Яндекс.Диск Анықтамасынан қараңыз.

Яндекс.Дискіден тіркеу

  1. Хатты енгізу өрісінің астында  → Дискіден жүктелген файлдар батырмасын басыңыз.
  2. Қажетті файл немесе қалтаны таңдап, Тіркеу батырмасын басыңыз.

Адресат тіркемелерді жүктеуге болатын сілтемелерді хатпен бірге алады. Жүктелген файлдарға сілтеме тек хат алмасу қатысушыларына ғана қолжетімді болады.

Ескертпе. Дискіге жүктелетін файлдың ең үлкен өлшемі — 10 ГБ. Хатта мұндай тіркемелердің саны шектелмейді.

Егер сіз файлды Дискіден жүктей алмасаңыз, Дискіңізде орын аяқталуы мүмкін деген сөз. Толығырақ Диск Анықтамасынан қараңыз.

Пошта тіркемелерінен қосу

Сіз осыған дейін жіберген немесе алған барлық файлдар тізіміндегі файлды тіркей аласыз.

  1. Хатты енгізу өрісінің астында  → Поштадан алынған файлдар батырмасын басыңыз.
  2. Қажетті тіркемесі бар хат жатқан қалтаны таңдаңыз.
  3. Файлды таңдап, Тіркеу батырмасын басыңыз.

Суретті хатқа салыңыз

Суретті хат денесіне тіркеме ретінде емес, бірнеше жолмен кірістіруге болады:

Алмасу аралығы арқылы
  1. Суретті алмасу аралығына көшіріңіз: мысалы, басқа сайттан сурет қажет болса, тінтуірдің оң жақ батырмасын басып, Суретті көшіруді (Суретті көшіру Google Chrome-да) басыңыз.
  2. Хатты жасау бетін ашып, суретті енгізгіңіз келетін жерге тінтуірдің оң жағын басыңыз да, мәзірден Кірістіруді таңдаңыз.
Компьютерден сүйреу
Суретті хатты жазу бетіне сүйреңіз.
Ескертпе. Мәтінді енгізу өрісіне сүйреп апарсаңыз, сурет хат денесіне қойылады. Егер өрістен төмен сүйреп апарсаңыз, сурет тіркеме ретінде бекітіледі.

Қолтаңбаны таңдаңыз

Егер бірнеше қолтаңбаңыз болса, хат жасаған кезде қажеттісін таңдаңыз немесе қолтаңбаның автоматты таңдауын реттеңіз.

  1. Меңзерді ағымдағы қолтаңбаға апарыңыз.
  2. Кейін батырмасын басыңыз, ол қолтаңба бөлімінің оң жақ жоғарғы бұрышында пайда болады.
  3. Қолтаңбаны таңдаңыз.
Ескертпе. Егер хатты жазу кезінде сіз қолтаңбаны таңдай алмасаңыз, баптаулардағы Жеке мәліметтер, қолтаңба, портрет бөлімінде хатты жазу парақшасында қолтаңбаны таңдауға рұқсат беру опциясы қосулы екендігін тексеріп алыңыз.

Өңдеуді тоқтата тұрыңыз

Хат жазғанда, барлық өзгерістер әр 10 секунд сайын автоматты түрде жаңартылады. Сіз кез келген сәтте хатты өңдеуді тоқтатып, оны өңдеуге кейінірек қайта орала аласыз. Өңдеу терезесін жасыру үшін терезенің оң жақ жоғарғы бұрышындағы таңбасын басыңыз. Қайтадан ашу үшін, Поштаның оң жақ төменгі бұрышындағы хаттың қойындысына басыңыз.

Хат үлгісін жасаңыз

Егер сіз жиі бірдей немесе ұқсас мазмұны бар хаттарды жіберсеңіз (мысалы, шақыру немесе түйіндеме), оларды үлгі түрінде сақтай аласыз. Олар хат жібергеннен кейін жоғалмайды. Серіктестерге, әріптестерге немесе достарға хат жасау арқылы бір үлгіні бірнеше рет пайдалана аласыз.

Үлгі жасау үшін:

  1. Хатты жазып, тақырыбын көрсетіңіз. Қажет болса, тіркеме қосыңыз.
  2. Барлығы дайын болған кезде Үлгі → Үлгі ретінде сақтау батырмасын басыңыз.

Сіз жасаған үлгілер Жобалар → Үлгілер атты жеке қалтада сақталады және хаттың тақырыбын, ілестірмелері мен мәтінін ғана қамтиды (онда хатты алушылар көрсетілмейді).

Хатты жіберіңіз

Жіберу алдында сіз қосымша опцияларды — хабарламалар немесе кейінге қалдырып жіберуді баптай аласыз

Хат дайын болған кезде, Жіберу батырмасын басыңыз.

Хабарландырулар

Егер сіз хаттың жеткізілгені туралы есеп алғыңыз келсе, жіберер алдында  → Хаттың жеткізілгені туралы хабарлау (хатты енгізу өрісінің астында) батырмасын басыңыз.

Хат алушыға жеткізілген кезде сіздің пошта жәшігіңізге есеп келеді.

Назар аударыңыз. Бұл есеп хаттың алушының пошта жәшігіне жеткендігін білдіреді, бірақ оның оқылғандығын көрсетпейді.

Кейінге қалдырылған жіберу

Егер сіз хаттың көрсетілген күн мен уақытта жіберілгенін қаласаңыз:

  1. батырмасын (хатты енгізу өрісінің астында) басыңыз.
  2. Хатты қашан жіберу керектігін көрсетіңіз — ұсынылған нұсқалардың бірін таңдаңыз немесе күні мен уақытын қолмен енгізіңіз.
Ескертпе. Хатты жіберуді ағымдағы күннен бастап бір жылдан аспайтын мерзімге кейінге қалдыруға болады.