Синхронизация қалай жұмыс істейді?
Яндекс Диск қалтасына файлды көшірген, өңдеген немесе жойған кезде, барлық өзгеріс Дискінің серверінде қайталанады. Оларды Яндекс Дискінің сайтынан көре аласыз. Егер сайтта файлдар жүктесеңіз, олар автоматты түрде компьютердің Яндекс Дискісінде көрсетіледі.
Осылайша интернетке қосылған барлық құрылғыңыздан, Дискіден сол файлдар көрінеді. Мысалы, компьютерден файлдарды жойсаңыз, олар бұлттан да жойылады. Егер компьютерден файлды жойып, бірақ серверде сақтағыңыз келсе таңдап синхрондауды реттеңіз.
Өзгертілген файлдар қалай синхрондалады
Яндекс Диск файлдың өзгертілген бөліктерін анықтап, серверге тұтас файлды емес, тек өзгертілген үзінділерді жүктейді.
Дискіні бірнеше құрылғыда қалай пайдалануға болады?
- Файл әртүрлі құрылғыда өзгертілген кезде не болады?
-
Мысалы, сіз интернеттен ажыратылған үйдегі ноутбуктегі Дискінің қалтасында document.docx құжатын жасап, кейін Дискіге жұмыс компьютерінен атауы бірдей файлды жүктеді делік.
Ноутбукті интернетке қосқан кезде Яндекс Диск синхрондауды бастайды. Дискі атауы бірдей әртүрлі файлдарды анықтап, олардың біреуінің атауын өзгертеді. Нәтижесінде файлдар document.docx және document (2).docx деп аталады.
- Яндекс Дискіні қанша құрылғыда пайдалануға болады?
-
Теория бойынша қолданбаны және Яндекс Диск бағдарламасын бірнеше құрылғыға орнатуға болады, бірақ біз оған кеңес бермейміз. Егер бір уақытта бір файлмен әртүрлі құрылғыда жұмыс істесеңіз, қайшылықтар туындап, файлдар қайталануы немесе жоғалуы мүмкін.
Екі аккаунтпен синхрондау
Диск бағдарламасына екі аккаунт қосылса, синхронизация бірден екеуінде де болады. Процесс қазіргі аккаунтта да, фондық аккаунтта да қатар жүреді.
Әр аккаунттың синхронизация қалтасында өз қалтасы болады. Бағдарлама Диск қалтасының атауына логиндер қосады.
Синхрондау жылдамдығы
Синхрондаудың жылдамдығын көру үшін Яндекс Дискінің белгішесін басыңыз. Жүктеу мен жүктеп алудың жылдамдығы қалқымалы терезеде көрсетіледі.
Синхрондау жылдамдығы трафикті және жүйе ресурстарын үнемдеуді ескере отырып есептеледі. Сондай-ақ, жылдамдықты провайдеріңіз шектеуі мүмкін. Интернет байланысының жылдамдығын тексеріңіз.
Яндекс Диск қалтасын тасымалдаса не болады?
Егер бағдарламаның баптауларында жаңа күйді көрсетпестен Яндекс Диск қалтасын тасымалдасаңыз, бағдарлама қалтаны бұрынғы орында жаңадан жасайды. Дискінің көшірмесін тасымалдау әдісін Сервермен синхрондау үшін басқа қалтаны қалай таңдауға болады? бөлімінен көріңіз.
Файлдарды Яндекс Диск қалтасынан жойсам не болады?
Бағдарламада файлдарды жойған кезде, олар себетке түседі де 30 күн сақталады. Одан кейін серверден автоматты түрде жойылады. Жойылған файлдарды серверден қалпына келтіру мүмкін емес.
Дискіде сақталған файлдарды компьютерде ұстауға бола ма?
Яндекс Диск 3.0 бағдарламасы компьютердегі орынды үнемдеу үшін Дискідегі файлдың барлығын синхрондауға рұқсат бермейді. Мысалы, Құжаттар қалтасымен жиі жұмыс істейтін болсаңыз, ол үшін синхронизацияны қосыңыз. Бұл қалта компьютерде сақталады. Қалған қалталар тек бұлтта сақталады, бірақ бағдарламада қолжетімді болады.
Ішінара синхрондауды Қалталарды таңдап синхрондау нұсқаулығы бойынша реттеуге болады.
Файлдарды жүктеп алмай-ақ, қызметтің бетінде басқаруға болады.