Автожүктеу ақауы

Ақауды таңдаңыз:

Фотосурет пен видео Диск қолданбасына бірнеше себепке байланысты жүктелмеуі мүмкін:

Диск қолданбасы қосылмаған

Автожүктеу Диск қолданбасы қосылған кезде ғана және фондық режимде жұмыс істейді. Қолданбаны іске қосып, оның фондық режимде жұмыс істеуіне рұқсат етілгенін тексеріңіз.

Автожүктеу қосылмаған

Диск қолданбасында фотосурет пен видео үшін автожүктеу опцияларының қосулы екенін тексеріңіз.

iOS баптауларында Яндекс Диск үшін контентті жаңартуға тыйым салынған

Баптаулар → Негізгілер → Контентті жаңарту бөлімінде контенттің жаңартылуына рұқсат етіңіз.

Құрылғыда геолокация өшірулі

Құрылғыда геолокацияны қосыңыз. Ол автожүктеудің дұрыс жұмыс істеуі үшін қажет.

Диск геолокацияны пайдалана алмайды
Фотосурет пен видеоны автожүктеу фондық режимде жұмыс істемесе, қолданбаға геопозицияңызды әрдайым пайдалануға рұқсат бергеніңізді тексеріңіз.
Құрылғы қуат үнемдеу режимінде

Қуат үнемдеу режимін өшіріңіз. Бұл режимде фондық автожүктеу істемейді.

Құрылғыда iCloud-пен синхрондау қосулы, ал "Фотосурет" бөліміндегі баптауларда "Сақтау орнын оңтайландыру" опциясы таңдалған

Мұндай жағдайда телефонда фотосуреттердің көшірмелері ғана сақталады, ал түпнұсқалар iCloud-қа тасымалданады. Фотосуреттердің көшірмесі Яндекс Диск қолданбасына автоматты түрде жүктелмейді.

Автожүктеу жұмыс істеуі үшін, құрылғы баптауларының Фотосурет бөлімінде Түпнұсқаларды сақтау опциясын таңдаңыз. Осыдан кейін жаңа фотосуреттердің түпнұсқасы телефонда, iCloud-та және Яндекс Диск қолданбасында сақталады. Ескі фотосуреттерді оларды көргеннен кейін ғана жүктей аласыз.

Файлдар фондық режимде жүктеу үшін тым үлкен

Қолданбаны біраз уақыт қосулы, ал экранды ашулы күйде қалды қалдырыңыз.

Ескертпе. Басқа қолданбалардан жүктелген скриншоттар мен суреттер Күні көрсетілмеген суреттер блогындағы жүктеу тізімінің соңында болады.

Бұл — шексіз параметрін қосқандықтан болуы мүмкін. Шексіз автожүктеу қосылғанда, медиафайлдары Фотокамера қалтасында сақталмайды. Оларды қызмет бетіндегі Фотосурет бөлімінде көруге болады.

Фотокамера қалтасына фотосуреттер мен видеолар қайта жүктелуі үшін, автожүктеу баптауларында шексіз параметрін өшіріңіз.

Егер басқа мобильдік құрылғыда авторизация жасасаңыз, Яндекс Диск қызметіне бөтен файлдар түсуі мүмкін. Бұл жағдайда автожүктеу қосулы болса, файлдар құрылғыдан Яндекс Диск қызметіне жүктеледі.

Мына әдістер арқылы бөтен файлдардың Яндекс Диск қызметіне жүктелуін тоқтата аласыз:

Барлық құрылғыдан шығу
Яндекс Диск қызметіне бөтен файлдар түспеуі үшін, барлық құрылғыдағы Яндекс Диск қолданбасынан шығыңыз.
Бағдарламаны пайдалану мүмкіндігін жою

Сондай-ақ, сервердегі файлдарыңызды Яндекс Диск бағдарламалары мен қолданбаларының пайдалануын тоқтата аласыз:

  1. Пайдалану рұқсатын басқару бетін ашыңыз.
  2. Тізімнен Яндекс Диск деген атауы бар барлық жолды табыңыз.
  3. Әр жолды және Жою түймесін басыңыз.

Диск қолданбасында фотосурет пен видео бастапқы сапасында сақталады, себебі жүктеген кезде қосымша сығылмайды. Қолданбада көру үшін трафик шығынын азайту және Диск қолданбасының жұмысын жылдамдату мақсатында Диск ажыратымдылығы төмен алғы көрініс жасайды. Алғы көрініс файлдың өлшемі 50 Мб-дан аспағанда көрсетіледі. Суретті бастапқы сапада көру үшін, оны мобильдік құрылғыға жүктеп алыңыз.

Егер қолданбада видео төмен сапада ойнатылса, видеоплеерде төменгі сапа таңдалған болуы керек. Оны жоғары сапаға ауыстыруыңызға болады. Қолданбада видеоны ең көбі 1080р сапасында көруге болады. Сондықтан видеоның ажыратымдылығы тағы жоғары болса, бастапқы сапада көру үшін оны мобильдік құрылғыға жүктеп алыңыз.

Диск жадында бос орын азайған кезде, оны пайдалану шектеледі. Шектеуді алып тастау үшін артық файлдарды өшіруіңіз керек, себетті тазартуыңыз керек (себеттегі файлдар да орын алады) немесе қосымша орын сатып алуыңыз керек. Егер бұл әрекеттер орындалмаса, 44 күннен кейін Диск толықтай блокталады, ал 6 айдан кейін барлық файл біржолата жойылады. Бұл туралы толық ақпаратты Диск қолданбасындағы орын бөлімінен аласыз.

Автожүктеу салдарынан Диск қолданбасында орын бұдан былай таусылмауы үшін, автожүктеу баптауларында шексіз параметрін қосыңыз.

Егер сіз Яндекс Диск қызметінің жұмыс істеуіне қатысты ақауға тап болсаңыз, қолданбадағы кері байланыс үлгісін пайдаланып қате туралы бізге хабарлаңыз:

  1. Жоғарғы сол жақ бұрыштағы портретті басыңыз.
  2. Анықтама және қолдау → Ақау туралы хабарлау опциясын таңдаңыз.
  3. Хабарласу себебін көрсетіңіз.
  4. Мәселені барынша толығырақ сипаттаңыз.
Ескертпе. Мобильдік қолданбаға қатысты мәселелер туралы Анықтама беттерінен емес, қолданбаның өзінен хабарлаңыз. Осылайша сіздің сұрауыңыз тиісті мамандарға жетеді және сізге тезірек жауап беріледі. Сондай-ақ қолданбадан жіберу кезінде, біздің мамандарымыз мәселені түсінуге көмектесетін техникалық ақпаратты көреді.

Егер қолданба күтпеген жерден жұмысын тоқтатса және одан бізге жаза алмасаңыз, кері байланыс үлгісін пайдаланып қате туралы хабарлама жіберіңіз.