Автожүктеу ақауы

Ақауды таңдаңыз:

Фотосурет пен видео Диск қолданбасына бірнеше себепке байланысты жүктелмеуі мүмкін:

Автожүктеу қосылмаған

Диск қолданбасында фотосурет пен видео үшін автожүктеу опцияларының қосулы екенін тексеріңіз.

Файлдар қажетті қалтада емес

Әдепкісінше фотосуреттер мен видео мына қалталарға және ішкі қалталарға жүктеледі: DCIM, Camera, Pictures, Images, Videos. Сонымен қатар автожүктеу үшін «WhatsApp» және «Viber» қолданбаларындағы фотосурет пен видеосы бар қалталарды қосуыңызға болады. Егер файлдар жүктелмесе, олардың (құрылғының өзіндегі немесе жад картасындағы) осы қалталардың немесе ішкі қалталардың бірінде екенін тексеріңіз.

Автожүктеу үшін басқа аккаунт таңдалған

Фотосуретті автожүктеудің баптауларында көрсетілген аккаунтта іздеп жатқаныңызды тексеріңіз. Қажет болса, оны өзгертіңіз. Барлық фотосурет автоматты түрде жүктеледі. Ескі аккаунттағы фотосуретті қолмен жоюға болады.

Автожүктеуге арналған аккаунттан шықтыңыз

Автожүктеудің баптауларында көрсетілген аккаунттан шыққан кезде опция автоматты түрде өшіріледі. Фотосурет пен видео автоматты түрде жүктелуі үшін, баптауларды ашып, жаңа аккаунтты таңдаңыз.

Ескертпе. Басқа қолданбалардан жүктелген скриншоттар мен суреттер Күні көрсетілмеген суреттер блогындағы жүктеу тізімінің соңында болады.

Бұл — шексіз параметрін қосқандықтан болуы мүмкін. Шексіз автожүктеу қосылғанда, медиафайлдары Фотокамера қалтасында сақталмайды. Оларды қызмет бетіндегі Фотосурет бөлімінде көруге болады.

Фотокамера қалтасына фотосуреттер мен видеолар қайта жүктелуі үшін, автожүктеу баптауларында шексіз параметрін өшіріңіз.

Егер басқа мобильдік құрылғыда авторизация жасасаңыз, Яндекс Диск қызметіне бөтен файлдар түсуі мүмкін. Бұл жағдайда автожүктеу қосулы болса, файлдар құрылғыдан Яндекс Диск қызметіне жүктеледі.

Мына әдістер арқылы бөтен файлдардың Яндекс Диск қызметіне жүктелуін тоқтата аласыз:

Барлық құрылғыдан шығу
Яндекс Диск қызметіне бөтен файлдар түспеуі үшін, барлық құрылғыдағы Яндекс Диск қолданбасынан шығыңыз.
Бағдарламаны пайдалану мүмкіндігін жою

Сондай-ақ, сервердегі файлдарыңызды Яндекс Диск бағдарламалары мен қолданбаларының пайдалануын тоқтата аласыз:

  1. Пайдалану рұқсатын басқару бетін ашыңыз.
  2. Тізімнен Яндекс Диск деген атауы бар барлық жолды табыңыз.
  3. Әр жолды және Жою түймесін басыңыз.

Диск қолданбасында фотосурет пен видео бастапқы сапасында сақталады, себебі жүктеген кезде қосымша сығылмайды. Қолданбада көру үшін трафик шығынын азайту және Диск қолданбасының жұмысын жылдамдату мақсатында Диск ажыратымдылығы төмен алғы көрініс жасайды. Алғы көрініс файлдың өлшемі 50 Мб-дан аспағанда көрсетіледі. Суретті бастапқы сапада көру үшін, оны мобильдік құрылғыға жүктеп алыңыз.

Егер қолданбада видео төмен сапада ойнатылса, видеоплеерде төменгі сапа таңдалған болуы керек. Оны жоғары сапаға ауыстыруыңызға болады. Қолданбада видеоны ең көбі 1080р сапасында көруге болады. Сондықтан видеоның ажыратымдылығы тағы жоғары болса, бастапқы сапада көру үшін оны мобильдік құрылғыға жүктеп алыңыз.

Диск жадында бос орын азайған кезде, оны пайдалану шектеледі. Шектеуді алып тастау үшін артық файлдарды өшіруіңіз керек, себетті тазартуыңыз керек (себеттегі файлдар да орын алады) немесе қосымша орын сатып алуыңыз керек. Егер бұл әрекеттер орындалмаса, 44 күннен кейін Диск толықтай блокталады, ал 6 айдан кейін барлық файл біржолата жойылады. Бұл туралы толық ақпаратты Диск қолданбасындағы орын бөлімінен аласыз.

Автожүктеу салдарынан Диск қолданбасында орын бұдан былай таусылмауы үшін, автожүктеу баптауларында шексіз параметрін қосыңыз.

Егер сіз Яндекс Диск қызметінің жұмыс істеуіне қатысты ақауға тап болсаңыз, қолданбадағы кері байланыс үлгісін пайдаланып қате туралы бізге хабарлаңыз:

  1. Жоғарғы сол жақ бұрыштағы портретті басыңыз.
  2. Анықтама және қолдау → Ақау туралы хабарлау опциясын таңдаңыз.
  3. Хабарласу себебін көрсетіңіз.
  4. Мәселені барынша толығырақ сипаттаңыз.
Ескертпе. Мобильдік қолданбаға қатысты мәселелер туралы Анықтама беттерінен емес, қолданбаның өзінен хабарлаңыз. Осылайша сіздің сұрауыңыз тиісті мамандарға жетеді және сізге тезірек жауап беріледі. Сондай-ақ қолданбадан жіберу кезінде, біздің мамандарымыз мәселені түсінуге көмектесетін техникалық ақпаратты көреді.

Егер қолданба күтпеген жерден жұмысын тоқтатса және одан бізге жаза алмасаңыз, кері байланыс үлгісін пайдаланып қате туралы хабарлама жіберіңіз.