Күнтізбені бөлісу

  1. Күнтізбені ортақ пайдалану
  2. Күнтізбе мекенжайы
  3. Оқиғаларды басқа күнтізбеге экспорттау

Күнтізбені ортақ пайдалану

мекенжай кітапшасындағы контактілер үшін күнтізбені пайдалану рұқсатын бере аласыз. Олар пайдалануға рұқсат алғаннан кейін күнтізбеңізді өз Яндекс Күнтізбесінде көреді.

Осы күнтізбеде жасаған өзгертулер (мысалы, оқиға жасайсыз немесе өзгертесіз) барлық қатысушыға көрінеді.

Күнтізбені толық пайдалану рұқсаты қатысушыларға оқиғаларыңызды өзгертуге немесе жаңасын жасауға мүмкіндік береді. Осылайша бір күнтізбені бірге қолдана аласыз.

Ортақ пайдалану рұқсатын реттеу

  1. Курсорды сол жақтағы панельдегі күнтізбе атауына апарып, белгішесін басыңыз.
  2. Қолжетімділік қойындысында Қолжетімділік құқықтарын беру өрісіне шақырылатын адамның атын немесе мекенжайын енгізе бастаңыз, Күнтізбе сәйкес келетін контактілерді ұсынады.
  3. Пайдалану рұқсаттарын таңдаңыз:
    • Ашық оқиғаларды қарау — тек ашық, яғни Қатысушылар көріну опциясы қосылмаған оқиғаларды қарау рұқсаты.
    • Барлық оқиғаларды қарау — барлық оқиғаны (ашық та, жабық та) қарауға рұқсат.
    • Барлық оқиғаларды қарау және жаңа оқиғалар жасау: барлық оқиғаны (ашық та, жабық та) қарап, жаңасын жасауға рұқсат.
    • Күнтізбе мазмұнын өңдеу — барлық оқиғаны қарауға, жасауға және өңдеуге рұқсат.
    Ескертпе. Шақырылған қатысушыларға сіз бөліскен күнтізбенің хабарландыру реттеулері жіберілмейді.
  4. Реттеулерді сақтаңыз.

Ортақ пайдалану рұқсатын алу

Күнтізбені пайдалануға рұқсат берілген пайдаланушы оның хабарландыру реттеулерінде көрсетілген шақыруы бар хат алады. Пайдалану рұқсатын алу үшін ол осы хаттағы Қабылдау сілтемесі арқылы өтуі қажет.

Күнтізбе мекенжайы

Күнтізбені достарыңызбен немесе әріптестеріңізбен бөлісу үшін:

  1. Курсорды сол жақтағы панельдегі күнтізбе атауына апарып, белгішесін басыңыз.
  2. Пайдалану рұқсаты қойындысына өтіңіз.
  3. Ашық мекенжай өрісінен деректерді көшіріп алыңыз.

Күнтізбеңіздегі кейбір оқиғалар үшін Қатысушылар көріну опциясы қосулы болса, мұндай оқиғалар тек олардың қатысушыларына көрінетін болады. Барлық оқиғаны бөліскіңіз келсе, Құпия мекенжай өрісінен деректерді көшіріп алыңыз.

Күнтізбе жабық болғанда, ондағы күнтізбе иесі жасаған оқиғалар басқа пайдаланушыларға көрінбейтін болады. Күнтізбе иесі оқиғаны жасамай, оған шақырылса, басқа пайдаланушылар күнтізбе жабық болса да, оқиға туралы толық ақпаратты көреді.

Оқиғаларды басқа күнтізбеге экспорттау

Яндекс Күнтізбедегі оқиғаларды басқа сайттағы күнтізбеге тасымалдауға немесе күнтізбеңіздегі оқиғаларды басқаларға файл немесе сілтеме жіберу арқылы бөлісуге болады.

Экспорттау үшін iCal, HTML форматтары және CalDAV протоколы қолданылады. iCal және HTML форматтарындағы сілтемелер тек күнтізбе иесіне экспорттауға қолжетімді, ал қалған пайдаланушыларға тек CalDAV форматына арналған сілтеме қолжетімді.

  1. Курсорды сол жақтағы панельдегі күнтізбе атауына апарып, белгішесін басыңыз.
  2. Экспорт қойындысына өтіңіз.
  3. Қажетті экспорт форматын таңдаңыз.
  4. Сәйкес өрістен сілтемені көшіріп алып, басқа күнтізбеге импорттаңыз.
    Ескертпе. iCal форматын таңдасаңыз, сілтемені жаңа қойындыда ашып, күнтізбені файлға *.ics форматында сақтай аласыз.