Портрет жанрына өзіндік бір нәрсе әкелуге тырыстым. Мен көзқарасының өзі жаныңа үңіліп тұратын адамның мінсіз емес, драмалық портретін салғым келді. 

Түстері портретке тән емес, бірақ менің шығармашылығыма тән. Кейіпкеріміз спорт адамы болғандықтан, мен оның күшті және қайсар болмысын түс экспрессиясы мен үзілген сызықтар арқылы жеткізгім келді. Түс кереғарлығы, графика, сюр  — бәрі мен ұнататындай.

Сәулет 1983 жылы Павлодар қаласында дүниеге келген. С. Сейфуллин атындағы Қазақ агротехникалық университетінің сәулет факультетін бітірген. Көптеген отандық және халықаралық көрмелер мен фестивальдердің қатысушысы.

Қазақстанда суретшінің 4 жеке көрмесі бар. Жұмыстары Қазақстандағы, жақын және алыс шетелдердегі жеке коллекцияларда бар. Қазақстанның жетекші галереялары мен мұражайларының арт-директоры ретінде үлкен жұмыс өтілі бар.