«Яндекс Телемост» бағдарламасын пайдалануға лицензиялық келісім
1. Жалпы ережелер
1.1. Яндекс (Яндекс сервистерінің Пайдаланушы келісімінде айқындалғандай) Интернет желісінің пайдаланушысына (бұдан әрі — Пайдаланушы) https://telemost.yandex.ru/ мекенжайы бойынша орналасқан Яндекс Телемост бағдарламасының (бұдан әрі — Бағдарлама) функциялық мүмкіндіктерін, оның ішінде Яндекстің өзге бағдарламаларының, өнімдерінің және/немесе сервистерінің (бұдан әрі бірге — «Яндекс Сервистері») құрамында пайдалануды ұсынады.
1.2. Бағдарламаны пайдалана отырып, Пайдаланушы осы Лицензиялық келісімнің ажырамас бөліктері шарттары толықтай Бағдарламаны пайдалануға қолданылатын келесі құжаттар (бұдан әрі – Реттеуші құжаттар) болатынымен келіседі:
- Интернет желісінде https://yandex.kz/legal/rules мекенжайы бойынша орналасқан «Яндекс сервистерінің пайдаланушы келісімі»;
- Интернет желісінде https://yandex.ru/legal/termsofuse/ мекенжайы бойынша орналасқан «Яндекс іздеу жүйесін пайдалану лицензиясы»;
- Интернет желісінде мына мекенжайда орналасқан «Құпиялылық саясаты»: https://yandex.ru/legal/confidential.
Құрамына Яндекс Телемост бағдарламасы кіретін Яндекс Сервис негізгі функционалын пайдалану https://yandex.ru/legal бетінде жарияланған тиісті Яндекс Сервисін Пайдалану шарттарымен реттеледі.
1.3. Бағдарламаны/оның жекелеген функцияларын пайдалануды бастай отырып, Пайдаланушы осы Лицензиялық келісімді жай айрықша емес лицензия шарттарымен, сондай-ақ Реттеуші құжаттардың шарттарымен, толық көлемде, ешқандай ескертпелерсіз және ерекшеліктерсіз қабылдаған деп есептеледі. Пайдаланушы көрсетілген құжаттардың қандай да бір ережелерімен келіспеген жағдайда, Пайдаланушы Бағдарламаны пайдалануға құқылы емес.
1.4. Осы Лицензиялық келісімді және Реттеуші құжаттардың шарттарын Яндекс қандай да бір арнайы мәлімдемесіз өзгертуі мүмкін, Лицензиялық келісімнің және Реттеуші құжаттардың жаңа редакциясы оны Интернет желісінде Лицензиялық келісімнің осы тармағында және 1.2-тармағында көрсетілген мекенжайлар бойынша орналастыру сәтінен бастап күшіне енеді. Лицензиялық келісімнің қолданыстағы редакциясы әрқашан мына мекенжайдағы бетте орналасқан: https://yandex.ru/legal/telemost_termsofuse.
1.5. Егер Яндекс осы Лицензиялық келісімге Лицензиялық келісімнің 1.4-тармағында көзделген тәртіппен Пайдаланушы келіспеген қандай да бір өзгерістер енгізсе, Пайдаланушы Бағдарламаны пайдалануды тоқтатуға міндетті.
1.6. Бағдарламаны пайдалану кезінде Пайдаланушыға ақпараттық сипаттағы хабарламалар жіберілуі мүмкін.
2. Бағдарламаның жекелеген функцияларын пайдалану шарттары
2.1. Бағдарлама Пайдаланушыға Бағдарламаның басқа Пайдаланушыларымен видеоконференцбайланысты (бұдан әрі — Конференциялар) өткізуді және оған қатысуды ұйымдастырудың функциялық мүмкіндігін береді.
2.2. Бағдарлама арқылы жаңа Конференцияны құрғысы келетін Пайдаланушы (бұдан әрі - Конференция Ұйымдастырушысы) Яндекс сервистерінің пайдаланушы келісімінде көрсетілген (https://yandex.ru/legal/rules) шарттарға сай Яндекс сервистерінің жаңа Пайдаланушысын тіркеу рәсімінен өтуі, не Яндекс сервистері Пайдаланушысының бұрын тіркелген есептік жазбасын пайдаланып Бағдарламада авторизациядан өтуі керек.
Конференция Ұйымдастырушысы Бағдарлама интерфейсінде Бағдарлама өндірген Конференцияның жеке URL-мекенжайын (бұдан әрі - Конференция Мекенжайы) көшіріп және оны алынған Конференция Мекенжайы бойынша өтіп Конференцияға қолжеткізуді жүзеге асыра алатын тұлғаларға (бұдан әрі - Конференция Қатысушысы) беріп Конференцияға қатысу үшін өзге де Пайдаланушыларды қосуға құқылы.
Кез келген Конференция Қатысушысы сонымен қатар Конференция Мекежайын көшіріп, оны Конференцияға қол жеткізуді жүзеге асыра алатын тұлғаларға беруге құқылы.
Конференция Қатысушысы Конференцияға қол жеткізуді
(а) Бағдарламада авторизациядан өтпей ол алған Конференция Мекенжайы арқылы;
(б) Конференцияның қосымша нөмірін пайдаланып, Бағдарламаның интерфейсінде көрсетілген нөмірге қоңыфрау шалу жолымен жүзеге асыруға құқылы.
Конференцияға қоырау шалу жолымен қосылудың функциялық мүмкіндігі Пайдаланушылардың барлық санаттарына қолжетімді болмауы мүмкін. Қоңырау шалу арқылы қосылу кезінде деректерді берудің қауіпсіздік деңгейі Интернет желісі бойынша стандартты қосылуды пайдалану кезіндегіден төмендеу болуы мүмкін. Конференция Ұйымдастырушысы авторизациядан өтпей телефон арқылы немесе Интернет желісі арқылы қосылған Конференция Қатысушыларын тексеру және жіберу үшін жауапты.
2.2.1. Конференция Ұйымдастырушысы оның әкімшісі (бұдан әрі — «Әкімші») болады. Әкімшіге микрофонды өшіру және/немесе басқа Конференция Қатысушыларының видеокескіндерін беру, Жазбаны жүргізуді тоқтата тұру функциялық мүмкіндіктері және Бағдарламада көзделген өзге де функциялық мүмкіндіктер қолжетімді болуы мүмкін. Әкімші басқа Конференция Қатысушыларын Әкімшілер ретінде тағайындай алады. Әкімшіге Конференция Қатысушылары туралы деректерді жүктеу функциялық мүмкіндігі қолжетімді болуы мүмкін, бұл деректерге Конференция Қатысушысының көпшілікке көрсетілетін аты мен электрондық пошта мекенжайы, ол Конференцияға қосылған күн мен уақыт, Конференциядан шығу күні мен уақыты кіруі мүмкін.
2.3. Бағдарлама Пайдаланушыға өз құрылғысының экранын басқа Конференция Қатысушыларына көрсету функциялық мүмкіндігін береді. Өз құрылғысының экранын көрсету режимін белсендіре отырып, Пайдаланушы Конференция Қатысушыларына Пайдаланушы құрылғысы экранының белсенді терезесінде көрсетілім сәтінде көрсетіліп тұрған ақпарат қарау үшін қолжетімді болатынын түсінеді, сондай-ақ көрсетілім нәтижесінде Конференция Қатысушыларына Пайдаланушы экранын көрсету сәтінде оларға қолжетімді құпия ақпарат ашылуы мүмкін болатынымен келіседі.
2.4. Яндекс Сервистерінің есептік жазбасын пайдаланып Бағдарламада авторизациядан өткен Пайдаланушы ол Конференцияға қатысып отырған кезде ол бұрын тіркеу кезінде немесе Яндекс Сервистерінің есептік жазбасының теңшелімдерінде көрсеткен оның көпшілікке көрсетілетін аты (егер басқасы көрсетілмеген болса, аты және тегінің бірінші әрпі), сондай-ақ, видеокескінді беру функциясы өшірулі жағдайында, - оның профилі бетіндегі кескін (аватар) көрсетілетіні және өзге Конференция Қатысушылары үшін қолжетімді болатыны туралы хабардар етілген және онымен келіседі.
Бағдарламада авторизациядан өтпей өзі алған Конференция Мекенжайы арқылы Конференцияға кіруді жүзеге асырған Конференция Қатысушысы Бағдарлама теңшелімдерінде көрсетілетін атты таңдауға құқылы.
2.5. Пайдаланушы бағдарламаны осы Лицензиялық келісімнің және Реттеуші құжаттардың талаптарына сәйкес заңды, рұқсат етілген және қолайлы мақсаттарда ғана пайдалануға міндеттенеді.
2.6. Бета-тестілеуді жүргізу кезеңінде Бағдарламаның кейбір функциялары шектелген режимде қолжетімді болуы мүмкін, Бағдарлама сонымен қатар мазмұны мен функциялылығына қатысты, сондай-ақ сыртқы түріндегі өзгерістерге ұшырауы мүмкін. Мәселелер, Бағдарламаның жұмысын жақсартуға қатысты ескертпелер немесе ұсыныстар туындаған жағдайда Пайдаланушы https://yandex.ru/support/telemost/troubleshooting.html бойынша қолжетімді кері байланыс нысанын пайдалана алады.
2.7. Бағдарлама Конференция Ұйымдастырушысына Конференцияны жазуды (бұдан әрі - Жазу) жүзеге асыру мүмкіндігін бере алады. Конференция Ұйымдаструшысы Жазуды жүзеге асырғаннан кейін, Жазу, сондай-ақ Лицензиялық келісімнің 2.8-тармағына сәйкес жүзеге асырылатын Пайдаланушылардың Яндекс Мессенджер арқылы өзара әрекеттесу тарихы Пайдаланушының құрылғысында да, Конференция Ұйымдастырушысының Дискінде де сақталуы мүмкін. Жазу ұйым қызметкерлеріне Яндекс 360-та Конференция Ұйымдастырушысының Яндекс Дискіне берілген сілтеме бойынша қолжетімді болуы мүмкін. Конференция Ұйымдастырушысының Дискінде Жазу үшін орын болмаған жағдайда, Яндекс Конференция Ұйымдастырушысына тиісті мәлімдеме жібереді. Яндекс Жазуды 3 күнтізбелік күн ішінде сақтап, Конференция Ұйымдастырушысына оны сақтау үшін Яндекс Дискте орынды тазалау мүмкіндігін береді. Осы мерзім өткеннен кейін Жазу жойылуы мүмкін.
Конференцияға қатысатын Пайдаланушылар Жазу жүргізу туралы хабардар етілуі мүмкін.
Бағдарламаны пайдалануды бастай отырып және осы Лицензиялық келісімді қабылдай отырып, Пайдаланушы Жазу жүзеге асырылуы мүмкін болатынымен келісім білдіреді.
Пайдаланушы Жазуды қолданыстағы заңнамаға сәйкес пайдалануға міндеттенеді және үшінші тұлғалар алдында Жазуды жүзеге асыруға, оны пайдаланушы құрылғысында сақтауға және оны пайдалануға байланысты үшінші тұлғалардың құқықтарының ықтималы бұзушылықтары үшін, оның ішінде, бірақ олармен шектелмей, дербес деректер туралы, азаматтың жеке өмірі және оның кескінін, авторлық құқықтарды, дербестендіру құралдарына құқықтарды және өзге зияткерлік меншік объектілеріне құқықтарды пайдалану туралы заңнаманың бұзушылықтары үшін өз бетінше жауапты болады.
Яндекс Пайдаланушының Жазуды жүзеге асыруы және оның кейінен пайдалануы үшін жауапты емес.
2.8. Бағдарлама Пайдаланушыға басқа Пайдаланушылардың хабарламаларын оқу мүмкіндігін бере алады. Қозғалмалы радиотелефон байланысы операторының абоненттік нөмірі бойынша сәйкестендіруден өткен Авторландырылған Пайдаланушыға басқа Пайдаланушыларға хабарламаларды жіберу мүмкіндігі қолжетімді болуы мүмкін. Хабарламаларды жіберу және оқу мүмкіндігі Бағдарламаға енгізілетін, https://yandex.ru/legal/messenger_termsofuse/ мекенжайы бойынша жарияланған шарттармен берілетін Яндекс Мессенджер бағдарламасының функциялық мүмкіндіктері арқылы іске асырылады.
Яндекс осы Лицензиялық келісімнің сақталуына бақылау жүргізу, Бағдарламаның сапасын жақсарту мақсатында, сондай-ақ заңнаманың және https://yandex.ru/legal/confidential мекенжайы бойынша орналастырылған Құпиялылық саясатының талаптарын орындау шеңберінде Бағдарламаның тиісті функциялары арқылы Пайдаланушылар арасындағы өзара әрекеттесу тарихын сақтауды жүзеге асыруға құқылы. Яндекс пен ол тартатын адамдардың осындай тарихқа қол жеткізуі көрсетілген мақсаттарда, сондай-ақ өзара іс-қимылға қатысушылардың сұрауы бойынша және заңда белгіленген жағдайларда мүмкін болады.
2.9. Бағдарлама Пайдаланушыға Яндекс.Календарь функциялылығын пайдаланып оқиғаны құру жолымен Конференцияны жоспарлау мүмкіндігін бере алады. Мұндай оқиғаны құру кезінде Бағдарламада және/немесе Яндекс.Календарьда Конференцияға сілтемені көрсету үшін өріс қарастырылуы мүмкін. Пайдаланушы Яндекс-Календарьда оқиға өрістерінде көрсетілетін ақпараттың жекешелігі теңшелімдерін өз бетінше белгілейді және осы ақпарат қолжетімді болуы мүмкін тұлғалар тобын айқындайды. Яндекс мұндай ақпарат үшін және үшінші тұлғалардың мұндай ақпаратқа қолжетімділігі үшін жауапты емес.
2.10. Бағдарлама Пайдаланушыға нақты уақыт режимінде жүргізіліп жатқан Конференцияны жүргізу немесе көрермендер үшін трансляцияға қосу (бұдан әрі - Трансляция) мүмкіндігін бере алады. Трансляцияны Бағдарлама арқылы тиісті функциялылық қолжетімді бірнеше бірлескен жүргізуші бір мезгілде жүргізе алады.
Трансляция жүзеге асырылып жатқанда Пайдаланушыларға Трансляция чатында өзара әрекеттесу қолжетімді болуы мүмкін. Трансляция аяқталғаннан кейін, чат Трансляция бірлесіп жүргізушілерінің құрылғысында сақталуы мүмкін.
Трансляцияға көрермен немесе бірлесіп жүргізуші ретінде қатысқан кезде Пайдаланушы қолданыстағы заңнаманы сақтауға міндеттенеді және үшінші тұлғалар алдында Трансляцияны жүзеге асыруға, оны Пайдаланушы құрылғысында сақтауға және оны пайдалануға байланысты үшінші тұлғалардың құқықтарының ықтималы бұзушылықтары үшін, оның ішінде, бірақ олармен шектелмей, дербес деректер туралы, азаматтың жеке өмірі және оның кескінін, авторлық құқықтарды, дербестендіру құралдарына құқықтарды және өзге зияткерлік меншік объектілеріне құқықтарды пайдалану туралы заңнаманың бұзушылықтары үшін өз бетінше жауапты болады.
Яндекс Пайдаланушының Трансляцияны жүзеге асыруы және оның кейінен пайдалануы үшін жауапты емес.
2.11. Бағдарлама Пайдаланушыға Конференция қатысушыларына өздерінің электрондық пошта мекенжайларына қатысушылар Конференция барысында талқыланғанның қысқаша мәтіндік сипаттамасын (бұдан әрі - «Конспект») алу мүмкіндігін беретін функцияны ұсынады.
Конспект Бағдарламаны https://360.yandex.ru/business/tariff/ сілтемесі бойынша қолжетімді «Яндекс 360 для бизнеса» кейбір тарифтерінің шеңберінде коммерциялық пайдалану кезінде ғана қолжетімді.
Конспект бұл термин https://yandex.ru/support/yandex-360/business/admin/ru/accounts мекенжайы бойынша анықтамада түсінілетін Яндекс 360-та ұйым қызметкерлері болатын Конференция қатысушыларына ғана қолжетімді.
2.11.1. Конспект YandexGPT жасанды интеллект технологияларын пайдалану арқылы автоматты түрде қалыптастырылады, және құрамында қателер болуы мүмкін. Конспектті пайдалану кезінде Пайдаланушы YandexGPT Пайдалану шарттарын қабылдаған болып есептеледі: https://yandex.ru/legal/yagpt_termsofuse/.
2.11.2. Пайдаланушы Бағдарлама теңшелімдерінде Конспекттің функциялылығын өшіре алады.
3. Зияткерлік меншік
3.1. Тұтастай алғанда Бағдарламаның және оның жекелеген элементтерінің дизайнын құрайтын барлық объектілерге, Бағдарламаның функциялылығына, сондай-ақ бағдарламалық жасақтаманың өзіне құқықтар Яндекске тиесілі. Бағдарламаны пайдалана бастағанда Пайдаланушы жоғарыда көрсетілген объектілерді рұқсатсыз пайдаланудан қорғаудың техникалық құралдарын айналып өтуге бағытталған қандай да бір іс-қимылдарды жүзеге асырмайтынына және жүзеге асырмайтынына кепілдік береді. Бағдарлама ұсынатын мүмкіндіктер шеңберінен тыс оларды кез келген көшіруге, жаңғыртуға, қайта өңдеуге, таратуға, жалпыға бірдей назарға жеткізуге, техникалық қорғау құралдарын айналып өтуге не өзге де пайдалануға, сондай-ақ оларды коммерциялық мақсаттарда кез келген пайдалануға тыйым салынады.
3.2. Бағдарлама бөгде бағдарламалық жасақтаманың элементтерін, атап айтқанда құқық иесі https://jitsi.org сайтында баяндаған шарттармен 8x8, Inc. ұсынатын «jitsi» бағдарламалық өнімін пайдалана алады.
3.3. Бағдарламада құқық иесі Xiph.org Foundation болатын және BSD 3-clause лицензиясының шарттарымен таратылатын “Rnoise” ашық бастапқы коды бар бағдарламалық жасақтамасының негізінде іске асырылатын шуды басу функциясы пайдаланылуы мүмкін. Лицензия мәтіні https://yandex.ru/legal/telemost_soft мекенжайы бойынша бетте келтірілген.
4. Жауапкершілікті шектеу
4.1. Бағдарлама «сол күйінде» ұсынылады. Яндекс Бағдарламаның Пайдаланушының мақсаттары мен күткеніне сәйкестігіне, Пайдаланушы Бағдарламада ұсынған және орналастырған деректердің сақталуына, тұтастай алғанда Бағдарламаның және атап айтқанда оның жекелеген функциялық мүмкіндіктерінің үздіксіз және қатесіз жұмыс істеуіне кепілдік бермейді. Яндекс кез келген сәтте Бағдарлама ұсынатын функциялық мүмкіндіктерді толығымен немесе ішінара өзгертуге құқылы.
4.2. Яндекс Бағдарламаны қандай да бір пайдаланудың немесе пайдаланудың мүмкін еместігінің қандай да бір тікелей немесе жанама салдары және/немесе Бағдарламаны немесе оның жекелеген функцияларын қандай да бір пайдалану, пайдаланбау немесе пайдалану мүмкін еместігі нәтижесінде пайдаланушыға және/немесе үшінші тараптарға келтірілген залал үшін, оның ішінде Бағдарламадағы қателер немесе ақаулар үшін жауап бермейді
4.3. Бағдарламаға қол жеткізе отырып, Пайдаланушы ол пайдаланатын құрылғылар, бағдарламалық жасақтама, «Интернет» желісінің жұмысы жылдамдығы Бағдарламаны Пайдаланушы үшін қолжетімді сапада пайдалануды жүзеге асыруға мүмкіндік беретін қажетті техникалық сипаттамаларға толығымен сәйкес келетінімен келіседі. Яндекс Конференцияға қатыса алмау, сондай-ақ Пайдаланушының құрылғылары жұмысының ерекшелігіне және оның байланыс сапасына байланысты беру сапасының төмендігіне жауап бермейді.
Интернет желісіне кіруді баптауға, Пайдаланушының құрылғылары мен бағдарламалық қамтамасыз етуін баптауға қатысты барлық мәселелер осы Лицензиялық келісімнің қолданысына жатпайды және Пайдаланушы тарапынан дербес реттеуге жатады.
4.4. Яндекс Бағдарлама арқылы жүргізілетін Конференциялардың мазмұны, оларды жүргізу мақсаттары, Конференция жүргізу шеңберінде берілетін ақпараттың құрамы туралы хабардар емес. Пайдаланушы Бағдарлама функцияларын пайдаланып жасаған әрекеттері үшін, оның ішінде өзге Пайдаланушыларға және үшінші тұлғаларға келтірілген залал үшін өз бетімен жауапкершілік көтереді.
4.5. Яндекс Пайдаланушының өзінің есептік жазбасын пайдалана отырып, Бағдарламаға (немесе егер технологиялық жағынан мүмкін болса, Бағдарламаның белгілі бір функцияларына) қолжетімділігін шектеу немесе осы Лицензиялық келісімді және Реттеуші құжаттарды бұзған жағдайда, Пайдаланушының есептік жазбасын толық бұғаттау, я болмаса заңнама талаптарын немесе үшінші тұлғалардың құқықтары мен заңды мүдделерін сақтау мақсатында, Пайдаланушыға өзге де шараларды қолдану құқығын өзіне қалдырады.
4.6. Бағдарламада орналастырылған ақпарат немесе Пайдаланушының әрекеттері заңнаманы, үшінші тұлғалардың құқықтары мен мүдделерін ықтимал бұзуы туралы негізделген болжамдар болған жағдайда, Пайдаланушы https://yandex.ru/support/telemost/troubleshooting.html мекенжайы бойынша қолжетімді кері байланыс нысанын немесе Бағдарламаның арнайы функционалын пайдаланып шағым жібере алады.
5. Бағдарлама деректері. Өзге ережелер
5.1. Бағдарламаның функцияларын орындау Интернет желісіне қолжетімділік болған жағдайда ғана мүмкін болады. Пайдаланушы мұндай қолжетімділікті өзінің байланыс операторының немесе Интернет желісіне қолжетімділік провайдерінің шарттары мен тарифтері бойынша дербес алады және төлейді. Конференцияға телефон арқылы қосылатын Қатысушылар байланыс қызметтерін өз операторының тарифтеріне сай өз бетімен төлейді. Қатысушылар Конференцияға Ресей Федерациясының шегінен тыс қосылған кезде жасайтын қоңырауларды байланыс операторлары көтерілген тарифтер бойынша халықаралық деп тарифтеуі мүмкін.
5.2. Пайдаланушының Бағдарламаны пайдалануы туралы барлық деректер Құпиялылық саясатына (https://yandex.ru/legal/confidential) сәйкес сақталады және өңделеді.
Яндекс, Пайдаланушының жабдығын және меншікті жабдығын қорғау мақсатында, Бағдарламада күдікті белсенділік белгілері анықталған кезде немесе Пайдаланушы зиянды бағдарламаларды немесе кодтарды қолданған кезде Пайдаланушының Бағдарлама функцияларын пайдалануын шектеуге құқылы. Пайдаланушы Яндекстің, көрсетілген мақсаттарда, автоматты сүзу құралдары жұмысының және Яндекстің антивирустық қорғанысының сапасын жақсарту үшін мұндай зиянды бағдарламалар мен кодтарды талдауға және зерттеуге құқылы екені туралы хабардар етілген және осымен келіседі.
5.3. Бағдарламаны пайдалану кезінде Яндекске автоматты режимде анонимді түрде (Пайдаланушымен байластырмай) келесі ақпарат беріледі: Пайдаланушы құрылғысы операциялық жүйесінің типі, Пайдаланушының ІР-мекенжайы, геолокация деректері, Бағдарлама функцияларын пайдалану статистикасы мен параметрлері, өзге техникалық ақпарат.
Яндекс ақаулықтар себептерін анықтау үшін және Бағдарламаныңі сапасын жақсарту мақсатында Конференция жүргізу барысында немесе оған қолжеткізу кезінде туындаған техникалық қателер туралы ақпаратты алуға құқылы.
5.4. Бағдарламада қолданылатын кез-келген ақпарат тек жеке коммерциялық емес пайдалануға арналған. Бұл ретте Бағдарлама ақпаратын кез келген көшіру, оның ішінде деректерге қол жеткізудің автоматты және өзге де бағдарламалық құралдарын пайдалана отырып, оны жаңғырту, қайта өңдеу, тарату, Интернет желісінде жалпыға бірдей назарға жеткізу (жариялау), Яндекстің алдын ала жазбаша рұқсатынсыз бұқаралық ақпарат құралдарында және/немесе коммерциялық мақсаттарда кез келген пайдалану тыйым салынады.
5.5. Бағдарламаны пайдалануға/пайдаланудың мүмкін еместігіне, сондай-ақ Пайдаланушының заңнаманы және/немесе үшінші тұлғалардың құқықтарын ықтимал бұзуына байланысты барлық мәселелер мен шағымдар кері байланыс нысаны арқылы мына мекенжай бойынша жіберілуге тиіс: https://yandex.ru/support/telemost/troubleshooting.html.
Жарияланған күні: 23.10.2025