Смартфонды қорғау
Мобильдік құрылғыңызды қорғау үшін антивирусты, құпия сөздер менеджерін қолдану, күрделі құпиясөздер ойлап табу, жалпыға қолжетімді Wi-Fi желілерін қолданбауға тырысу, желідегі алаяқтықтан сақтану маңызды. Өзіңізді қорғау үшін мына ұсыныстарды орындаңыз:
Қолданбаларды ресми дүкеннен жүктеп алыңыз
Қолданбаларды Google Play немесе App Store сияқты ресми көздерден ғана жүктеп алыңыз. Тексерілмеген сайттардан бағдарламаларды алу арқылы зиянды бағдарламаны жүктеп алу қаупі бар. Алаяқтардың ресми бағдарлама бейнесін пайдаланып жасалған сырттай ұқсас бағдарламасы қолданылуы мүмкін. Бағдарламаны қанша адам жүктегенін әрдайым тексеріп отырыңыз. Мысалы, егер банкке тиесілі бағдарлама тек 50 рет жүктелген болса, оны телефонға орнатпаңыз.
Android
Ескерту
Құрылғының моделіне байланысты жол әртүрлі болуы мүмкін.
Қолданбалар мен құрылғыны қауіп-қатерге қатысты үнемі тексеріп отыратын Google Play Қорғаныс орнатыңыз. Бұл үшін:
- Реттеулер → Google → Қауіпсіздік → Google Play Қорғаныс бөліміне өтіңіз.
- Қауіпсіздік қатерлерін тексеру опциясын қосыңыз.
iOS
Apple корпорациясы iOS орнатылған құрылғыларға қолданбаларды тек өзінің App Store ресми дүкенінен орнатуға рұқсат етеді және онда келіп түскен барлық қолданбаларды мұқият тексереді. Сондықтан әзірлеушілердің айтуынша, зиянды бағдарламаны App Store дүкенінен жүктеп алу мүмкін емес (егер сізде Jailbreak жасалмаса).
Бағдарламалық құралды жаңартыңыз
Мобильдік құрылғыдағы жүйелік бағдарламалық құралды және қолданбаларды уақтылы жаңартып отырыңыз немесе автоматты жаңартуды қосыңыз. Өндірушілер қателер мен ақаулардың шығуын үнемі қадағалап отырады және пайдаланушыларды шабуылдардың жаңа түрлерінен қорғайтын түзетулер шығарады. Мысалы, Яндекс Браузерде Protect белсенді қорғаныс жүйесі ендірілген, ол вирустар, зиянды кеңейтімдер, алаяқтық сайттар және т. б. базаларын үнемі жаңартып отырады.
Телефон жадын тазартыңыз
Кейде жүйені қажетсіз файлдардан (кэш, фотосуреттердің көшірмелері, бейнелер және т.б) тазартқан жөн. Бұл жүйенің жылдамдығы мен өнімділігін арттырады.
Тегін утилиталарды пайдалана аласыз:
Android үшін
Экранды блоктаңыз
Алаяқтар пайдалана алмауы, құрылғы сіздің келісіміңізсіз қоңырау шалмауы, хабарлар жібере алмауы немесе сатып ала алмауы үшін, құрылғыны блоктауды қосыңыз.
Android
Ескерту
Құрылғының моделіне байланысты жол әртүрлі болуы мүмкін.
PIN кодын, құпия сөзді немесе графикалық кілтті пайдаланыңыз:
-
Реттеулер → Қауіпсіздік пунктіне өтіңіз.
-
Экранды блоктау түймесін басыңыз.
-
Блоктау тәсілін таңдаңыз:
Телефон биометриялық қорғауды қолдайды
- ендірілген саусақ ізі датчигі;
- бетті тану функциясы (атауы мен технологиясы смартфон моделіне байланысты).
Ескерту
Биометрия — ең заманауи және тиімді қорғау әдісі.
Телефон биометриялық қорғауды қолдамайды
- құпиясөз;
- PIN коды;
- графикалық кілт.
Ескерту
Әріптер мен сандардан тұратын күрделі құпиясөз құрылғыңызды әлдеқайда сенімді қорғайды. PIN коды мен графикалық кілтті алаяқтар оңай бұза алады.
iOS
Код-құпиясөзді және Touch ID не Face ID қолданыңыз:
- Реттеулер бөліміне өтіңіз.
- Touch ID и код-құпиясөз (iPhone 5S және одан кейінгі нұсқа) немесе Face ID және код-құпиясөз (iPhone X және одан кейінгі нұсқа) түймесін басыңыз.
- Код-құпиясөзді қосу немесе Код-құпиясөзді ауыстыру түймесін басыңыз.
- Экрандағы нұсқауларды орындап, Touch ID немесе Face ID пайдалануды реттеңіз.
Блоктау экранындағы хабарландыруларды өшіріңіз
Блоктау экранында SMS, хаттар, әлеуметтік желілер мен мессенджерлердегі хабарлар, банктік транзакцияларды растау үшін бір реттік кодтар және т.б. көрсетілуі мүмкін. Егер бейтаныс адамдардың құпия ақпаратты көруін қаламасаңыз, блокталған экранға хабарландырулардың шығуын өшіріңіз.
Android
- Реттеулер → Хабарландырулар →
пунктіне өтіңіз. - Блоктау экранында түймесін басыңыз.
- Хабарландыруларды көрсетпеу опциясын таңдаңыз.
iOS
- Реттеулер → Хабарландырулар пунктіне өтіңіз.
- Миниатюраларды көрсету түймесін басыңыз.
- Ешқашан опциясын таңдаңыз.
Екі факторлы аутентификацияны қолданыңыз
Өз есептік жазбаңызға (аккаунтқа, Apple ID) басқа адамдардың кіруіне рұқсат бермеңіз (қауіпсіздігіне толық сенімді болсаңыз да).
Екі факторлы аутентификацияны қосыңыз, ол — құпиясөз басқа біреуге мәлім болса да, аккаунтыңызға тек сіз кіре алатыныңызға кепілдік беретін қосымша қауіпсіздік деңгейі. Аккаунтқа кіру үшін әдеттегі логин-құпиясөз жұбы ғана емес, SMS немесе электрондық пошта арқылы келетін бір реттік код қажет болады.