Телефондағы контактілер арасынан адамдарды табу
Телемоста сөйлесе бастау үшін телефондағы контактілер тізімін қосымшамен синхрондаңыз — сонда сіз Телемостан кез келген адамды жылдам тауып, оған хабарласа аласыз. Егер телефондағы контактіні қоссаңыз немесе өшірсеңіз, өзгерістер қосымшада да көрсетіледі.
- Профиль → Контактілердің баптаулары батырмасын басыңыз.
- Телефонмен синхрондау опциясын қосыңыз.
- Егер қосымша телефондағы контактілерді қарауға рұқсат сұраса, оған рұқсат беріңіз.
Телемоста сөйлесу туралы толығырақ — Хат алмасу және Қоңырау шалу бөлімдерінде.
Телемоста бар адамға хабарласа алмай жатырмын. Не істеу керек?
Оның бірнеше себебі болуы мүмкін:
- Әңгімелесуші құпиялылық баптаулары арқылы өзіне хабарласуға тыйым салған. Одан қоңыраулар мен хабарларды қабылдауға рұқсат беруді сұраңыз. Қалай рұқсат беру керек
- Сізді бұғаттап тастаған. Әңгімелесушіге ол сізді бұғаттан шығарғаннан кейін ғана хабарласа аласыз.
Телемосқа шақыру
Телемосты әлі қолданбай жүрген адамға хабарласу үшін оған шақыру сілтемесін жіберіңіз. Ол үшін Профиль → Менің контактіммен бөлісу → Сілтеме жіберу батырмасын басыңыз.
Ол арқылы өткен кезде адам сізбен жеке чатқа түседі. Кіру үшін оған Яндекс ID қажет болады.
Әдепкі түрде сілтемені бір рет қолдануға болады. Оның көмегімен сізге тек бір адам хабарласа алады. Егер сілтемені жасаған сәттен кейін 24 сағат ішінде сізге ешкім хабарласпаса, ол жарамсыз болып қалады. Бір сілтеме бойынша бірнеше адамды шақырып, оны мерзімсіз ету үшін, Бір реттік сілтеме опциясын сөндіріп қойыңыз. Осылайша ол арқылы оны алған кез келген адам өтіп, сізге жаза алады — сілтемені абайлап жіберіңіз.
Контактілер тізімінде көрсетілетін адамның атын қалай өзгертуге болады
Егер әңгімелесуші сіздің контактілер тізіміңізде бар болса, оның телефон кітапшасындағы атын жаңарту жеткілікті — Телемоста ол автоматты түрде өзгереді. Егер адам контактілер тізімінде болмаса, оның атын өзгерте алмайсыз: Телемоста пайдаланушы Яндекс ID-де көрсеткен аты көрсетіліп тұрады.
Қосымшадан телефондағы контактілердің бәрін өшіріп тастау
Егер сізге телефондағы мекенжай кітапшасындағы контактілер керек болмаса, оларды қосымшадан өшіріп тастаңыз. Осыдан кейін олар тек телефонда қалады.
- Профиль → Контактілердің баптаулары батырмасын басыңыз.
- Телефонмен синхрондау опциясын сөндіріңіз.
- Қосымшадан контактілерді өшіру батырмасын басыңыз.
Егер сіз бірнеше құрылғыдағы телефон кітапшаларын бір аккаунтпен синхрондаған болсаңыз, олардың бірінде контактілерді өшіру тек сол құрылғыдан жүктелген контактілерге ғана әсер етеді.