WebDAV протоколы бойынша Дискіні қосу
WebDAV көмегімен сіз Яндекс Диск файлдарымен тікелей Windows-тағы Шолғыш немесе macOS-тағы Finder-де жұмыс істей аласыз. Диск компьютеріңіздегі әдеттегі қалта сияқты көрсетіледі.
2026 жылдың 22 маусымынан бастап WebDAV қосылымы Yandex 360 тарифі бар пайдаланушыларға ғана қолжетімді.
Бұл әдіс кімге жарамды
WebDAV бойынша қосылған кезде файлдар бұлтта ғана болады. Олармен жұмыс істеу үшін тұрақты интернет қажет: егер байланыс үзілсе, құжаттарыңызды аша алмайсыз.
Көптеген тапсырмалар үшін біз Яндекс Диск бағдарламасын пайдалануды ұсынамыз. WebDAV-тан айырмашылығы, онда келесі әрекеттерді орындауға болады:
- интернетсіз жұмыс істеу үшін файлдарды бұлттан компьютерге сақтау;
- файлдардың сілтемесін бөлісу;
- ортақ қалталармен жұмыс істеу;
- файлдарды қауіпсіз жою (егер олар себетке түссе, сол жерден оларды қалпына келтіруге болады, ал WebDAV арқылы файлдар біржола өшірілмейді);
- кірістірілген редактор көмегімен скриншоттар жасау және оларды Дискіге автоматты түрде сақтау.
WebDAV-тағы жеке бағдарламаны орнатқыңыз келмесе және осы шектеулер сізге қолайлы болған жағдайда ғана орнатқан жөн.
Қосымша құпиясөзін жасаңыз
Дискіні компьютерге қосу үшін сізге арнайы қосымша құпиясөзі қажет болады.
Яндекс ID қауіпсіздігіңіз үшін негізгі құпиясөзіңізді бөгде бағдарламаларға бермейді. Қосымша құпиясөзі тек бір ғана сервиске — бұл жағдайда Дискіге қосылуға мүмкіндік береді. Егер біреу бұл құпиясөзді біліп қойса да, ол сіздің поштаңызға немесе Яндекстегі бүкіл аккаунтыңызға кіре алмайды.
- Яндекс ID-ді ашыңыз.
- Қауіпсіздік → Деректеріңізге қолжетімділік → Қосымшалар құпиясөздері бөліміне өтіңіз.
- Қосымша құпиясөзін жасау бөлімшесінеде WebDAV файлдары түрін таңдаңыз.
- Қосымша құпиясөзінің атауын ойлап табыңыз. Мысалы, сіз ашқалы тұрған бағдарлама немее операциялық жүйе атауын көрсетіңіз.
- Әрі қарай батырмасын басыңыз. Қосымша құпиясөзі жаңа терезеде көрсетіледі — оны көшіріп, сақтап қойыңыз.
Жасалған құпиясөзді бір рет қана көруге болады. Егер оны ұмытсаңыз, Яндекс ID баптауларында ағымдағы құпиясөзді жойып, жаңасын жасаңыз және оны компьютердегі қосылу баптауларында ауыстырыңыз.
Яндекстің негізгі құпиясөзі бұл ретте өзгермейді, ал файлдарыңыз ешқайда жоғалмайды.
Операциялық жүйеде Дискіні қалай қосады
Дискіні қосу әрекеттерінің реттілігі операциялық жүйеңізге байланысты.
- Шолғышта Осы компьютер бөлімін ашыңыз
- Тақтаның жоғарғы жағында Желілік дискіні қосу батырмасын басыңыз.
- Ашылған терезеде Құжаттар мен суреттерді сақтауға болатын веб-сайтқа қосылу→ Әрі қарай батырмасын басыңыз.
- Басқа желілік орналасуын таңдаңыз → Әрі қарай батырмасын басыңыз.
- Желі мекенжайы немесе Интернеттегі мекенжай өрісінде
https://webdav.yandex.ruжолын енгізіңіз және Әрі қарай батырмасын басыңыз. - Яндекстегі логиніңіз бен қосымша құпиясөзін енгізіңіз.
- Есептік деректерді есте сақтау опциясын қосыңыз және ОК батырмасын басыңыз.
- Шолғышта көрсетілетін диск атауын көрсетіп, содан кейін Әрі қарай → Дайын батырмасын басыңыз.
Содан кейін өз Дискіңізге Шолғыш арқылы кіре аласыз.
- Finder тапсырма тақтасында Ауысу → Серверге қосылу бөлімін ашыңыз.
- Сервер мекенжайын енгізіңіз
https://webdav.yandex.ruжәне Қосылу батырмасын басыңыз. - Яндекстегі логиніңіз бен қосымша құпиясөзін енгізіңіз.
- Қосылу батырмасын басыңыз.
Баптау Nautilus файл менеджері бар Ubuntu дистрибутиві үшін сипатталған. Басқа дистрибутивтер үшін қосымша әрекеттер қажет.
- Файлдар → Басқа орындар → Серверге қосу батырмасын басыңыз.
- Мекенжайды енгізіңіз
davs://webdav.yandex.ruжәне Қосылу батырмасын басыңыз. - Яндекстегі логиніңіз бен қосымша құпиясөзін енгізіңіз.
- Қосылу батырмасын басыңыз.
Басқа бағдарламаларда Дискіні қалай қосады
Файлдармен жұмыс үшін басқа бағдарламалардағы Яндекс Дискіні қосу үшін мына баптауларды қолданыңыз:
- Сервер мекенжайы: https://webdav.yandex.ru.
- Порт (қажет болған жағдайда): 443.
- Логин (пайдаланушы аты): Яндекстегі логиніңіз
- Құпиясөз: қосымша құпиясөзі.
- Шифрлау: SSL/TLS. Егер сіз қосылатын бағдарлама SSL-ді қолданбайды, сервермен байланысу мүмкін болмайды.
WebDAV API арқылы Яндекс Дискімен жұмыс туралы бөлек Анықтамада айтып береміз.
Болуы ықтимал қиындықтар мен олардың шешімі
Қате логин немесе құпиясөз
Логинде артық бос орынның жоқ екенін, ал құпиясөз ретінде сіз Яндекс аккаунтының құпиясөзін емес, қосымша құпиясөзін енгізіп отырғаныңызды тексеріңіз.
Қосымшаның құпиясөзін ұмыттым
Қосымшаның ескі құпиясөзін жойыңыз да, жоғарыдағы нұсқаулық бойынша жаңасын жасаңыз.
Файлдарды жойған кезде олар себетке түспейді
Егер файл немесе қалтаны WebDAV қосылымы бойынша жойсаңыз, олар себетке түспей, мәңгіге жойылады. Оларды қалпына келтіре алмайсыз. Бұл WebDAV жұмысының ерекшелігі.