Менімен сілтемені бөлісті

Егер сізбен файл немесе қалтаға сілтемені бөліссе, оларды жария беттен қарап, өз Дискіңізге көшіруге немесе жүктеуге болады.

Сілтеменің шектеулері

Сізбен бөліскен сілтемеде қауіпсіздік баптаулары көрсетілуі мүмкін:

Жүктеп алуға тыйым салу

Егер файл немесе қалта иесі жүктеуге тыйым салса, Дискіге жүктеу және көшіру мүмкін емес. Сіз тек файлды немесе қалтаны жария беттен қарай аласыз.

Жарамдылық мерзімі

Мерзім соңына келгенде, сілтеме жойылады және файл немесе қалта иесі оларды қайта бөліскенше қолжетімсіз болады.

Құпиясөзбен қорғау

Файлды немесе қалтаны ашу үшін, иесі орнатқан құпиясөзді енгізуіңіз қажет.

Файлды немесе қалтаны жария беттен қарау

Файлды өз Дискіңізге көшіру
Файлды компьютерге жүктеу

Өз Дискіңізге көшіру

Сізбен Яндекс Дискте сақталатын файл немесе қалта сілтемесін бөліссе, оларды Дискіңізге көшіре аласыз.

Файлды немесе қалтаны көшіру үшін алынған сілтемеге өтіп, Яндекс Дискіне сақтау батырмасын басыңыз. Файл немесе қалта сіздің Дискіңіздегі Жүктеулер қалтасына орналастырылады.

Жүктеулер қалтасына сол жақ панельден өте аласыз.

Жүктеп алу

Егер сізбен Яндекс Дискте сақталатын файлға немесе қалтаға сілтемені бөліссе, оларды компьютеріңізге немесе мобильді құрылғыңызға жүктеуге болады.

Жария файл құрылғыда сақталуы үшін, келген сілтеме бойынша өтіп, Жүктеп алу батырмасын басыңыз.

Үлкен қалтаны жүктеу

Жария беттен 500 файлдан аз қалталарды немесе өлшемі 5 ГБ дейінгі қалталарды жүктеуге болады. Үлкенірек қалталарды өз Дискіңізге сақтап, компьютерге арналған бағдарлама арқылы жүктеңіз.

1. Жария бетте Яндекс Дискіне сақтау батырмасын басыңыз. Қалта сіздің Дискіңіздегі Жүктеулер қалтасына орналастырылады.

2. Бағдарламаны Яндекс Диск бетінде жүктеп алып, орнатыңыз.

3. Бағдарламада авторизациядан өтіңіз.
   Егер сіз Яндексте әлі тіркелмеген болсаңыз, Тіркелу сілтемесіне өтіп, тіркеліңіз. Содан кейін бағдарламада логин мен құпиясөзді енгізіңіз.

   Назар аударыңыз

   Егер сіз кіру үшін тұрақты және бір реттік құпиясөз комбинациясын қолданып жүрсеңіз немесе бұрын қолданған болсаңыз, Яндекс Диск бағдарламасында авторизациядан өту үшін «Яндекс Кілт» мобильді қосымшасы құрастыратын бір реттік құпиясөз керек.

4. Жүктеулер қалтасын ашыңыз.

5. Қажетті қалтаның контекстік мәзірінде Жүктеу таңдаңыз.
   Жүктеп алынған қалта бұлтпен синхрондалмайды. Егер сіз қалтаны жүктеп алып, онда бірдеңе өзгертсеңіз және өзгерістердің Яндекс Дискте пайда болуын қаласаңыз, қалтаны қолмен ғана жүктеңіз.

   Егер сіз қалтаны жүктеп алып, оны бұлтпен синхрондағыңыз келсе, контекстік мәзірде Компьютерде сақтау таңдаңыз.

Файл жүктеп алынбайды

Кейде Дискпен жұмыс істеген кезде батырмалар жұмысы тоқтап қалады, бет элементтері жүктелмейді, фотосуреттер ашылмайды, файлдар жүктелмейді немесе браузер қате туралы хабарлайды.

Бұл неге болады және бұны қалай түзетуге болады:

Жария файлды жүктеп алу шектелген

Егер жария файл бір тәулікте бірнеше рет жүктеп алынса, лимит қосылады — жүктеп алу бір тәулікке шектелуі мүмкін. Күткіңіз келмесе, файлды Яндекс Дискіге сақтау батырмасы арқылы Дискіңізге сақтаңыз. Жария файлды шектеусіз жүктеп алу үшін Яндекс 360 тарифін қосыңыз.

Ескерту

Көлемі 500 файлдан аз баршаға ашық қалтаны немесе 5 ГБ-қа дейінгі қалталарды ғана жүктеп алуға болады. 5 ГБ-тан үлкен қалталарды компьютерге арналған бағдарлама арқылы нұсқаулық бойынша жүктеңіз.

Файл иесі жүктеп алуға тыйым салған

Файл иесі сілтемені жасаған кезде Жүктеп алуға тыйым салу опциясын қосса, Сіз Дискіңізге файл жүктей алмайсыз не көшіре алмайсыз. Файлды тек жария беттен қарауға болады. Файл иесінен жүктеп алуға тыйым салынбаған сілтеме жасауды сұраңыз.

Браузер беттерді дұрыс көрсетпейді

Трафикті азайту үшін браузер кірген беттердің көшірмелерін кэште сақтайды. Қайтадан беттерді қарағанда, браузер олардың деректерін жадтан жүктеуі мүмкін. Мысалы, егер сіз файлдың атауын компьютерге арналған бағдарлама арқылы өзгертсеңіз, ал браузер жадтан сол файл туралы ақпаратты жүктесе, сіз өзекті емес файл атауын көресіз.

Бетті интернеттен мәжбүрлі түрде жүктеу үшін оны жаңартып көріңіз. Егер мәселе шешілмесе, браузер кешін тазалап, барлық cookie файлдарын жойыңыз.

Кеңейтімдер Яндекс Дискіні бұғаттайды

Диск браузердегі толықтырулар мен кеңейтімдерге байланысты дұрыс жұмыс істемеуі мүмкін. Мұны тексеру үшін оларды уақытша өшіріңіз. Егер Диск жарнама бұғаттаушысы немесе антивирус кеңейтімі салдарынан дұрыс жұмыс істемесе, Диск бетін осы кеңейтімнің ерекшеліктеріне қосыңыз. Толық ақпаратты Жарнама бұғаттаушыларын баптау, Сайттар үшін ерекшеліктерді баптау бөлімінен қараңыз.

Браузерде деректерді бұғаттау қосылған

Браузеріңізге арналған нұсқаулық бойынша деректерді бұғаттауды орындаңыз:

Яндекс Браузер

1. Браузердің баптауларын ашыңыз.
2. Сайттар қойындысына өтіңіз.
3. Бетті төмен қарай айналдырып, Сайттардың кеңейтілген баптаулары батырмасын басыңыз.
4. Бетті төмен қарай айналдырып, Cookie файлдары бөлімің табыңыз.
5. Бөгде cookie файлдарын блоктау опциясын өшіріңіз.

Mozilla Firefox

1. Браузердің параметрлерін ашып, Қосымша баптауларды басқару таңдаңыз.
2. Жекешелік және Қорғау қойындысына өтіңіз.
3. Бетті төмен қарай айналдырып, Сайттардың куки файлдары мен деректері бөлімің табыңыз.
4. Ерекшеліктерді басқару... батырмасын басыңыз.
5. Веб-сайттың мекенжайы жолына https://disk.yandex.kz/client/disk енгізіңіз.
6. Рұқсат беру батырмасын басыңыз.
7. Өзгерістерді сақтаңыз.

Google Chrome

1. Браузердің баптауларын ашыңыз.
2. Сол жақ мәзірден Құпиялылық пен қауіпсіздік тармағын таңдаңыз.
3. Сайттардың баптаулары бөлімін тауып, Бөгде cookie-файлдары батырмасын басыңыз.
4. Бөгде cookie файлдарын бұғаттау опциясын өшіріңіз.

Opera

1. Браузердің баптауларын ашыңыз.
2. Қауіпсіздік қойындысына өтіңіз.
3. Сайттардың баптаулары → Cookie файлдары және сайттар деректері бөлімін ашыңыз.
4. Бөгде cookie файлдарын бұғаттау опциясын өшіріңіз.

Edge

1. Браузердің параметрлерін ашыңыз.
2. Cookie файлдары және сайттардың рұқсаттары бөліміне өтіңіз.
3. Сақталған cookie файлдары және деректер бөлімінде Cookie файлдары мен сайт деректерін басқарыңыз және оларды жойыңыз батырмасын басыңыз.
4. Бөгде cookie файлдарын бұғаттау опциясын өшіріңіз.

Internet Explorer

1. Браузердің қасиеттерін ашыңыз.
2. Құпиялылық қойындысына өтіп, Қосымша басыңыз.
3. Бөгде cookies файлдары бағанында Қабылдау опциясын таңдаңыз.
4. Өзгерістерді сақтаңыз.

Сіз ескірген браузерді пайдаланасыз

Ескірген браузер беттерді жылдам және ыңғайлы жүктеу үшін қолданылатын технологияларды қолдамауы мүмкін. Браузеріңіздің соңғы нұсқасын орнатыңыз.

Интернет байланысына антивирус, файрвол немесе прокси әсер етеді

Антивирусқа, брандмауэрге немесе прокси серверге байланысты Диск қолданбасы дұрыс жұмыс істемеуі мүмкін. Мұны тексеру үшін оларды уақытша өшіріңіз. Антивирус немесе брандмауэр әсерінен Диск қолданбасы дұрыс жұмыс істемесе, Диск бетін сол бағдарламаның ерекше жағдайларына қосыңыз.

Интернеттің жылдамдығы төмендеді

Интернет-қосылыстың жылдамдығын yandex.kz/internet бетінен тексеріңіз. Браузерде Диск қойындысынан басқа қойындыларды жабыңыз. Интернет пайдаланатын қолданбаларды өшіріп, бетті қайта жүктеңіз.