Файлдарға байланысты мәселелер

Файл жүктеп алынбайды

Кейде Дискпен жұмыс істеген кезде батырмалар жұмысы тоқтап қалады, бет элементтері жүктелмейді, фотосуреттер ашылмайды, файлдар жүктелмейді немесе браузер қате туралы хабарлайды.

Бұл неге болады және бұны қалай түзетуге болады:

Жария файлды жүктеп алу шектелген

Егер жария файл бір тәулікте бірнеше рет жүктеп алынса, лимит қосылады — жүктеп алу бір тәулікке шектелуі мүмкін. Күткіңіз келмесе, файлды Яндекс Дискіге сақтау батырмасы арқылы Дискіңізге сақтаңыз. Жария файлды шектеусіз жүктеп алу үшін кез келген Яндекс 360 тарифін қосыңыз.

Ескерту

Көлемі 500 файлдан аз баршаға ашық қалтаны немесе 5 ГБ-қа дейінгі қалталарды ғана жүктеп алуға болады. 5 ГБ-тан үлкен қалталарды компьютерге арналған бағдарлама арқылы нұсқаулық бойынша жүктеңіз.

Файл иесі жүктеп алуға тыйым салған

Файл иесі сілтемені жасаған кезде Жүктеп алуға тыйым салу опциясын қосса, Сіз Дискіңізге файл жүктей алмайсыз не көшіре алмайсыз. Файлды тек жария беттен қарауға болады. Файл иесінен жүктеп алуға тыйым салынбаған сілтеме жасауды сұраңыз.

Браузер беттерді дұрыс көрсетпейді

Трафикті азайту үшін браузер кірген беттердің көшірмелерін кэште сақтайды. Қайтадан беттерді қарағанда, браузер олардың деректерін жадтан жүктеуі мүмкін. Мысалы, егер сіз файлдың атауын компьютерге арналған бағдарлама арқылы өзгертсеңіз, ал браузер жадтан сол файл туралы ақпаратты жүктесе, сіз өзекті емес файл атауын көресіз.
 
Бетті интернеттен мәжбүрлі түрде жүктеу үшін оны жаңартып көріңіз. Егер мәселе шешілмесе, браузер кешін тазалап, барлық cookie файлдарын жойыңыз.

Кеңейтімдер Яндекс Дискіні бұғаттайды

Диск браузердегі толықтырулар мен кеңейтімдерге байланысты дұрыс жұмыс істемеуі мүмкін. Мұны тексеру үшін оларды уақытша өшіріңіз. Егер Диск жарнама бұғаттаушысы немесе антивирус кеңейтімі салдарынан дұрыс жұмыс істемесе, Диск бетін осы кеңейтімнің ерекшеліктеріне қосыңыз. Толық ақпаратты Жарнама бұғаттаушыларын баптау және Сайттар үшін ерекшеліктерді баптау бөлімінен қараңыз.

Браузерде деректерді бұғаттау қосылған

Браузеріңізге арналған нұсқаулық бойынша деректерді бұғаттауды орындаңыз:

Яндекс Браузер

1. Браузердің баптауларын ашыңыз.
2. Сайттар қойындысына өтіңіз.
3. Бетті төмен қарай айналдырып, Сайттардың кеңейтілген баптаулары батырмасын басыңыз.
4. Бетті төмен қарай айналдырып, Cookie файлдары бөлімің табыңыз.
5. Бөгде cookie файлдарын блоктау опциясын өшіріңіз.

Mozilla Firefox

1. Браузердің параметрлерін ашып, Қосымша баптауларды басқару таңдаңыз.
2. Жекешелік және Қорғау қойындысына өтіңіз.
3. Бетті төмен қарай айналдырып, Сайттардың куки файлдары мен деректері бөлімің табыңыз.
4. Ерекшеліктерді басқару... батырмасын басыңыз.
5. Веб-сайттың мекенжайы жолына https://disk.yandex.kz/client/disk енгізіңіз.
6. Рұқсат беру батырмасын басыңыз.
7. Өзгерістерді сақтаңыз.

Google Chrome

1. Браузердің баптауларын ашыңыз.
2. Сол жақ мәзірден Құпиялылық пен қауіпсіздік тармағын таңдаңыз.
3. Сайттардың баптаулары бөлімін тауып, Бөгде cookie-файлдары батырмасын басыңыз.
4. Бөгде cookie файлдарын бұғаттау опциясын өшіріңіз.

Opera

1. Браузердің баптауларын ашыңыз.
2. Қауіпсіздік қойындысына өтіңіз.
3. Сайттардың баптаулары → Cookie файлдары және сайттар деректері бөлімін ашыңыз.
4. Бөгде cookie файлдарын бұғаттау опциясын өшіріңіз.

Edge

1. Браузердің параметрлерін ашыңыз.
2. Cookie файлдары және сайттардың рұқсаттары бөліміне өтіңіз.
3. Сақталған cookie файлдары және деректер бөлімінде Cookie файлдары мен сайт деректерін басқарыңыз және оларды жойыңыз батырмасын басыңыз.
4. Бөгде cookie файлдарын бұғаттау опциясын өшіріңіз.

Internet Explorer

1. Браузердің қасиеттерін ашыңыз.
2. Құпиялылық қойындысына өтіп, Қосымша басыңыз.
3. Бөгде cookies файлдары бағанында Қабылдау опциясын таңдаңыз.
4. Өзгерістерді сақтаңыз.

Сіз ескірген браузерді пайдаланасыз

Ескірген браузер беттерді жылдам және ыңғайлы жүктеу үшін қолданылатын технологияларды қолдамауы мүмкін. Браузеріңіздің соңғы нұсқасын орнатыңыз.

Интернет байланысына антивирус, файрвол немесе прокси әсер етеді

Антивирусқа, брандмауэрге немесе прокси серверге байланысты Диск қолданбасы дұрыс жұмыс істемеуі мүмкін. Мұны тексеру үшін оларды уақытша өшіріңіз. Егер Диск антивирус немесе файрвол салдарынан дұрыс жұмыс істемесе, Диск бетін осы бағдарламаның ерекшеліктеріне қосыңыз.

Интернеттің жылдамдығы төмендеді

Интернет-қосылыстың жылдамдығын yandex.kz/internet бетінен тексеріңіз. Браузерде Диск қойындысынан басқа қойындыларды жабыңыз. Интернет пайдаланатын қолданбаларды өшіріп, бетті қайта жүктеңіз.

Файлдар ашылмайды, бұзылған болып көрсетіледі

Егер Дискідегі файлдарыңыз ашылмаса, күдікті кеңейтімдері бар телнұсқалары пайда болса, компьютеріңіз вирус-шифрлаушыны жұқтырған болуы мүмкін. Мұндай вирустар компьютердегі барлық файлдарды өзгертеді. Диск бағдарламасы өзгерістерді синхрондағандықтан, файлдар Диск серверінде де өзгерді. Өкінішке қарай, Диск бағдарламасы вирустың әрекеттерін пайдаланушының әрекеттерінен ажырата алмайды.

Файлдарды қалпына келтіру үшін:

1. Компьютеріңізде вирустардың бар-жоғын тегін антивирус бағдарламаларымен тексеріңіз: Dr.Web ұсынған CureIt! және «Касперский зертханасы» ұсынған Virus Removal Tool.
2. Яндекс ID параметрлерінде құпиясөзді ауыстырыңыз, оған телефон нөмірін байланыстырыңыз, сондай-ақ бақылау сұрағын және оған жауапты өзгертіңіз. Бұны вирустардың болуын тексергеннен кейін жасаған жөн.
3. Файлдарды Себеттен іздеп көріңіз. Егер вирус түпнұсқа файлдарды жойып, оларды бұзылған файлдармен алмастырса, түпнұсқа файлдар Дискідегі Себетке түсуі мүмкін. Егер вирус әсер еткен сәттен 30 күннен аз уақыт өтсе, файлдар әлі де Себетте болуы мүмкін.
4. Егер Себетте түпнұсқа файлдар болмаса, вирус оларды жоймай, шифрлаған болуы мүмкін. Шифрланған файлдардың ескі нұсқаларын өзгерістер тарихынан қалпына келтіріп көріңіз. Егер өзгерістер тарихында ескі нұсқалар болмаса, файлдарды қалпына келтіру мүмкін емес.