Файлдар мен қалталармен орындалатын әрекеттер
Файлмен немесе қалтамен орындалатын негізгі әрекеттер жоғарғы панельде немесе контекстік мәзірде көрсетіледі. Қосымша әрекеттерді көру үшін, 
белгішесін басыңыз. Файлдармен және қалталармен орындалатын барлық әрекеттер Тарих бөлімінде сақталады.
Ескерту
Егер сіз Дискіні кішкентай терезеде ашсаңыз, файлдармен орындалатын кейбір әрекеттер жоғарғы панельден контекстік мәзірге ауысуы мүмкін.
Файл туралы ақпаратты қарау
Таңдалған файл немесе қалта туралы барлық ақпаратты алу үшін сол жақ жоғарғы бұрыштағы 
белгішесін басыңыз. Мәзірде мыналар көрсетіледі:
- атауы (оны өзгерту үшін жоғарғы панельде немесе контекстік мәзірде Атауын өзгерту батырмасын басыңыз);
- өлшемі;
- соңғы өзгертілген уақыты;
- егер бұл қалта болса, файлдар саны;
- егер бұл баршаға ашық файл немесе қалта болса, көру және жүктеп алу саны.
Сондай-ақ, қалтадағы файлдардың өлшемдерін көру үшін оларды тізім түрінде көрсетіңіз: бұл үшін оң жақ жоғарғы бұрышта тиісті көрсету тәсілін таңдаңыз. Өлшемі оң жақ бағанда көрсетіледі.
Файлдар тізімін сұрыптау
Қалтадағы файлдар тізімін сұрыптауға болады: барлық қолжетімді нұсқаларды көру үшін сұрыптау батырмасын басыңыз.
Бірнеше файл мен қалтаны бөлектеу
Бірден бірнеше файлды басқару үшін олар орналасқан аймақты бөлектеңіз — және жоғарғы панельде барлық топтық операциялар қолжетімді болады. Бірнеше файлды қатар таңдау үшін Shift пернесін ұстап тұрып, ауқымдағы бірінші және соңғы файлды басыңыз. Бірнеше бөлек файлды таңдау үшін Windows жүйесінде Ctrl және macOS жүйесінде ⌘ пернесін ұстап тұрыңыз.
Ескерту
Бір уақытта 500 файлға дейін бөлектей аласыз.