Диск бойынша іздеу

Файлды атауы, мазмұны, кеңейтімі, сипаты, сондай-ақ қалтаны атауы бойынша таба аласыз.

Бұл үшін файлдар тізімінің үстіндегі іздеу жолағына сұрауды енгізіп, Enter пернесін немесе белгішесін басыңыз.

Егер қажетті файл табылмаса, сөздердің қатесіз жазылғанын тексеріңіз, сұраудағы сөздің санын азайтып көріңіз, себетті тексеріңіз.

Іздеу жүйесінің сыбырсөздері

Егер файлдың атауы толық есіңізде болмаса, оны енгізе бастаңыз — Диск қолайлы нұсқаларды шығарады. Сондай-ақ Дискінің сыбырсөздерінде бұрынғы сұрауларыңыз көрсетіледі.

Іздеу жолағына тағы не жазуға болады

Файлдың атауы мен кеңейтімі, қалтаның атауы

Мұрағаттағы файлдың атауы

Құжаттан мәтін

Фотосуреттің метадеректері (EXIF)

Аудиофайл метадеректері

Суреттегі мәтін

Суретте бейнеленгеннің атауы

Файлдың атауы мен кеңейтімі, қалтаның атауы

Файл атауында астын сызу, сызықшалар немесе нүктелер болса да, қажетті файлды таба аласыз. Мысалы, alice list сұрауы бойынша Alice_list.pdf, Alice-list.pdf, Alice.list.pdf файлдарын табасыз.

Іздеу тілінің морфологиясын ескереді. Мысалы, есеп сұрауы бойынша «Қыркүйек айындағы есеп түзетулері» немесе «Тамыз және қыркүйек айларындағы есептерді салыстыру» атаулы файлды табасыз.

Егер сұрауыңызда қате немесе жаңылыс болса, іздеу оны түзетеді. Мысалы, қужатнемесе 09;fn сұрауы бойынша «құжат» атаулы файлды табасыз.

Белгілі бір кеңейтімі бар файлдарды табу үшін іздеу жолағына сол кеңейтімді немесе файл атауы мен кеңейтімді енгізіңіз. Сондай-ақ файл немесе қалта атауын көрсете аласыз. Мысалы, cheshire jpg сұрауы бойынша «Cheshire Cat» қалтасында сақталатын фотосуреттерді таба аласыз.

Мұрағаттағы файлдың атауы

Егер ізделген файл RAR немесе ZIP мұрағатына қапталған болса, оны да таба аласыз — бұл үшін іздеу жолағына файл атауын енгізіңіз.

Құжаттан мәтін

Егер құжаттың немесе электрондық кітаптың атауын есіңізде болмаса, бірақ мәтіннен бір фразаны білсеңіз — сол фразаны іздеу сұрауына пайдаланыңыз. Мәтін бойынша іздеу кезінде келесі файл форматтарына қолдау көрсетіледі:

  • құжаттар: DOC/DOCX, XSL/XSLX, PPT/PPTX, ODT, ODS, ODP, CSV, RTF, TXT, PDF, HTML;
  • кітаптар: FB2, EPUB.

Фотосуреттің метадеректері (EXIF)

Белгілі бір камерамен түсірілген барлық фотосуреттерді таба аласыз — бұл үшін іздеу жолағына сол камераның атауын көрсетіңіз. Мысалы, sony nex 5 немесе iphone X сұрауы бойынша осы құрылғылармен түсірілген барлық суреттерді табасыз.

Аудиофайл метадеректері

Аудиофайлды табу үшін іздеу жолағына жанр немесе альбом атауын енгізе аласыз — мысалы, rock сұрауы бойынша Led Zeppelin — Stairway to heaven.mp3 файлын табасыз.

Суреттегі мәтін

Егер суретте бейнеленген мәтіннен бірнеше сөз білсеңіз, оларды іздеу сұрауына пайдаланыңыз — осылайша сканерленген құжаттарды, визиткалар немесе хабарландырулар фотосуреттерін таба аласыз. Іздеу орыс және ағылшын тілдеріндегі мәтінді OCR технологиясы арқылы тани біледі.

Суретте бейнеленгеннің атауы

Суретте не бейнеленгенін білсеңіз, суретті таба аласыз. Мысалы, көше сұрауы бойынша сіз демалыста түсірген фотосуреттерді табасыз.

Сервисте бөтен файлдар бойынша іздеу бар ма?

Жоқ, Яндекс Диск файлдары индекстелмейді. Бөтен файлды тек сол файл жарияланған болса және сізде оған сілтеме болса ғана жүктеп алуға болады.

Файлдарыңызға сілтемелерді блогтар мен форумдарда жариялағанда абай болыңыз: егер файлыңызды тым белсенді жүктесе, жүктеу мүмкіндігі шектеледі.

Қолдау қызметіне жазу