Файлды өзгерту тарихын қарау
Яндекс Диск файлдарды өзгерту тарихын сақтап қояды. Егер сіз, мысалы, файлдан байқамастан маңызды ақпаратты өшіріп тастасаңыз, оның алдыңғы нұсқасына оралып, ақпаратты қалпына келтіре аласыз.
Барлық алдыңғы нұсқалар сіздің Дискіңізде орын алмайды.
Егер сізде Яндекс 360 Премиум бар болса, сізге соңғы 90 күндегі өзгертулер тарихы қолжетімді. Премиум болмаса, тек 14 күндегі нұсқалар қолжетімді.
Тарихты ашу
- Файлды таңдаңыз.
- Жоғарғы панельдегі
таңбасына басыңыз немесе контекст мәзірдегі Өзгерістер тарихы тармағына басыңыз.
Өзгерістер тарихында файлды жасау және өзгерту күні мен уақыты көрсетіледі. Егер файл қатарынан бірнеше рет өзгертілсе, мұндай нұсқалар топтастырылады.
Файлдың ескі нұсқаларының бірінде қандай өзгерістер болғанын білу үшін оны жүктеп алыңыз. Егер осыдан кейін ағымдағы нұсқаны ескі нұсқаға алмастырғыңыз келсе, Қалпына келтіру батырмасын басып, Ағымдағыны алмастыру тармағын таңдаңыз. Егер сізге екі нұсқа да — ескісі де, ағымдағысы да — керек болса, Қалпына келтіру батырмасын басып, Көшірме түрінде сақтау тармағын таңдаңыз.
Бөгде жария файлдардың көшірмелері
Бөгде жария файлдардың өзгерістер тарихын қарау мүмкін емес. Егер сіз бөгде жария файлды өз Дискіңізге сақтап қойсаңыз, оның өзгерістер тарихы басынан басталады.
Ортақ қалталардағы файлдардың нұсқалары
Ортақ қалталардағы тарихта қалтаның барлық қатысушылары жасаған өзгерістер көрсетіледі. Өзгерістер тарихы 14 күнге қолжетімді ме әлде 90 күнге қолжетімді ме екені ортақ қалтаның иегерінде Яндекс 360 Премиум қосулы ма, жоқ па, соған байланысты.