Синхрондауға файлдар мен қалталарды таңдау
Яндекс Диск компьютердегі әдеттегі қалтаға ұқсайды. Бұл қалтаны басқаша синхрондау қалтасы деп атауға болады — интернет байланысы болған кезде сервердегі Диск дәл сонымен синхрондалады. Бірақ, файлдардың тек бір бөлігін ғана синхрондауға болады. Ол үшін іріктелген синхрондауды баптаңыз.
Сервермен синхрондауға арналған басқа қалтаны қалай таңдауға болады
- Хабарламалар панелінде Дискінің таңбасына басыңыз.
- Файл → Баптауларды таңдаңыз.
- Қалталардың орналасуын баптау батырмасын басыңыз.
- Сервермен синхрондауға арналған басқа қалтаны көрсетіңіз.
Алмалы тасымалдағышты синхрондауға арналған қалта ретінде пайдалануға бола ма?
Біз алмалы тасымалдағышты синхрондауға арналған қалта ретінде қолданбауға кеңес береміз, себебі бұл жағдайда Диск дұрыс істемеуі мүмкін. Бағдарламаға синхрондау үшін компьютерде тұрақты орын қажет, ал алмалы тасымалдағыш тұрақты емес.
Қалталарды іріктеп синхрондау
Яндекс Диск 3.0 бағдарламасы компьютердегі орынды үнемдеу үшін сіздің Дискіңіздегі кейбір файлдарды ғана компьютермен синхрондауға мүмкіндік береді. Мысалы, егер сіз Құжаттар қалтасымен жиі жұмыс істесеңіз, ол үшін синхрондауды қосыңыз — сонда бұл қалта компьютерде сақталады. Қалған қалталар бұлтта ғана сақталады, алайда олар да бағдарламада қолжетімді болады.
Синхрондау күйі файл немесе қалтаның таңбасында көрсетіледі.
— синхрондау жүріп жатыр;
— файл немесе қалта компьютерде сақталып тұр;
— қалтаның мазмұны ішінара компьютерде сақтаулы;
— файл немесе қалта тек бұлтта сақталған;
— синхрондау күйі белгісіз;
— синхрондау қатесі.
Файлды немесе қалтаны бұлтта да, компьютерде де сақтау
Файлды немесе қалтаны синхрондауды қосу үшін оларды тізімде ерекшелеп, файлдар тізімінің үстіндегі немесе контекст мәзіріндегі Компьютерге сақтау батырмасын басыңыз. Файл компьютермен синхрондалған кезде ондағы таңба таңбасынан таңбасына өзгереді. Содан кейін сіз оны Диск қалтасынан қарай аласыз: ол үшін файлдың контекст мәзірінде Жетекшіде көрсету батырмасын басыңыз.
Файлды немесе қалтаны тек бұлтта сақтау
Компьютерде орын босату үшін файлды немесе қалтаны синхрондауды сөндіріп тастаңыз — ол компьютерден өшіріледі, бірақ, Диск парақшасында қолжетімді болады.
Ол үшін оны тізімнен ерекшелеп, файлдар тізімінің үстіндегі немесе файлдың контекст мәзіріндегі Тек бұлтта қалдыру батырмасын басыңыз. Файл немесе қалта компьютерден өшірілген кезде ондағы таңба таңбасынан таңбасына өзгереді.