Маңызды файлдарды автосақтау

«Жұмыс үстелі», «Құжаттар» мен «Суреттер» немесе кез келген басқа қалталарды автосақтауға қосыңыз. Осы қалталардағы барлық өзгерістер Яндекс Дискіге автоматты түрде жүктеліп отырады. Сонда компьютерге бірдеңе болып қалса да, сіздің файлдарыңыз жоғалып кетпейді.

Автосақтауды тек компьютерде орналасқан қалталар үшін ғана қосуға болады, бірақ, сыртқы немесе желілік тасымалдағыштар үшін қоса алмайсыз. Автосақтау дұрыс істеу үшін сақталатын қалтамен тұрақты байланыс қажет. Желілік тасымалдағыш оны қамтамасыз ете алмайды.

Автоматты сақтауды қосу

1. Файл → Баптаулар мәзірін ашыңыз.
2. Қалталарды автоматты түрде сақтау қойындысына өтіңіз.
3. Қосу батырмасын басыңыз. Қосылу шебері ашылады.
4. Егер сіз «Жұмыс үстелі», «Құжаттар» және «Суреттер» деген жүйелік қалталарды қосқыңыз келсе, жай ғана Автоматты сақтауды қосу батырмасын басыңыз. Егер қалталар тізімін өзгерткіңіз келсе немесе басқаларын қосқыңыз келсе, Қалталарды таңдау батырмасын басыңыз.

Тағы қалталар қосу

Егер автосақтауды қосып қойған болсаңыз, бірақ, тағы бірнеше қалтаны қосқыңыз келсе:

1. Файл → Баптаулар мәзірін ашыңыз.
2. Қалталарды автоматты түрде сақтау қойындысына өтіңіз.
3. Қалталарды өзгерту батырмасын басыңыз.
4. Қалта қосу батырмасын басыңыз.

Қосылған қалталар Дискінің қай жерінде сақталады?

Дискіде сіздің компьютеріңіздің атауы бар қалта жасалады — мысалы, «Alisa-PC компьютері». Барлық қосылған қалталар осы қалтада сақталады.

Осы қалталарды басқа компьютерден қалай қарауға болады?

Жай ғана басқа компьютерде осы қалталарды синхрондауды қосыңыз. Бірінші компьютердегі қалталар екіншісінде «Яндекс Диск» қалтасында қолжетімді болады.

1. Екінші компьютерден Яндекс Диск бағдарламасын ашыңыз.
2. Қажетті қалталарды белгілеңіз.
3. Файлдар тізімінің үстіндегі немесе контекст мәзірінде Компьютерге сақтау батырмасын басыңыз.

Кейбір қалталарды автоматты сақтаудан ажырату

1. Файл → Баптаулар мәзірін ашыңыз.
2. Қалталарды автоматты түрде сақтау қойындысына өтіңіз.
3. Қалталарды өзгерту батырмасын басыңыз.
4. Автосақтаудан ажыратып тастағыңыз келетін қалтаға қарама-қарсы тұрған таңбасын басыңыз.
5. Қолдану батырмасын басыңыз.

Егер қателесіп басқа қалтаны ажыратып тастасаңыз, оны қайтадан қосыңыз — Қалта қосу батырмасын басыңыз.

Екі аккаунтқа арналған автоматты сақтау

Қалталарды автосақтауды Яндекс 360 Премиум ресімделген аккаунтқа қосылған әрбір бағдарламада баптауға болады. Ол бір мезетте ағымдағы аккаунт үшін де, фондағы аккаунт үшін де істеп тұратын болады.

Бір қалтаны автосақтауға екі рет қосуға болмайды. Қалтаны автосақтау орындалып жатқан аккаунтты өзгерткіңіз келсе, оны бір аккаунттан ажыратып, екіншісінде қосыңыз.

Автоматты сақтауды ажырату

1. Файл → Баптаулар мәзірін ашыңыз.
2. Қалталарды автоматты түрде сақтау қойындысына өтіңіз.
3. Қалталарды өзгерту батырмасын басыңыз.
4. Бүкіл қалталарды автосақтаудан ажыратып тастаңыз — олардың әрқайсысына қарама-қарсы тұрған таңбасына басыңыз.
5. Ажырату батырмасын басыңыз.