Жазбалар
Жазбалар — бұл идеяларды жазып отыруға және істерді жоспарлауға арналған сервис. Жазбаларды бірнеше құрылғыдан бірден — мысалы, компьютер мен телефоннан жүргізуге болады. Жазбалар Дискіге автоматты түрде сақталады және құрылғыларыңызға бірдеңе болып қалса да жоғалып кетпейді.
Жазба жасау
Жаңа жазба батырмасын басыңыз. Жазбаға мәтінді ауызша айтып беріңіз немесе қолмен жазыңыз. Жазба мәтінін оңай түсіну үшін оны әрлендіріңіз: мәтінді жартылай қою немесе курсивпен ерекшелеңіз, астын сызыңыз немесе тізім түрінде әрлеңіз. Жазбаның максималды ұзындығы — 50000 таңба.
Сондай-ақ, сіз жазбаға сурет немесе басқа файл қоса аласыз. Мынадай кескін форматтары қолданылады: JPG, JPEG, GIF, BMP, PNG, BM, SVG, ICO. Бір жазбаға 40 суретке дейін салуға болады.
Маңызды жазба әрдайым тізімнің үстінде болу үшін оны бекітіп қойыңыз: ерекшелеп, жоғарғы оң жақ бұрыштағы 
таңбасын басыңыз.
Маңызды
Сіз 500 жазбаға дейін жасай аласыз.
Жазбаны өшіру
Егер жазба керек болмаса, оны өшіріп тастауға болады: оң жақ жоғарғы бұрыштағы 
таңбасын басып, өшіруді растаңыз.
Ескерту
Өшірілген жазбаларды қалпына келтіру мүмкін емес.
Жылдам пернелер
Жазбаларды Ctrl + Alt + B пернелерімен ашуға болады, жаңа жазба жасау үшін — Ctrl + Alt + N басыңыз.
Стандартты перне үйлесімдерін өзгерту үшін:
- Windows жүйелік трейіндегі Диск таңбасына басыңыз.
- Мәзірден Баптаулар тармағын таңдаңыз.
- Жазбалар қойындысына өтіңіз.
- Қажетті әрекеттің оң жағындағы өріске басыңыз.
- Жаңа пернелер үйлесімін белгілеңіз.
Жазбаларды әртүрлі құрылғыларда пайдалану
Егер Дискіде бір аккаунтпен авторизациядан өтсеңіз, Жазбаларды бірнеше құрылғыдан — мысалы, компьютерден және телефоннан қолдана аласыз. Жазбалар қандай платформаларда қолжетімді екенін Жазбалар бөлімінен қараңыз.
Егер сіз бір жазбаны бірнеше құрылғыдан бір мезетте өңдейтін болсаңыз, Яндекс Диск осы жазбаның көшірмесін жасайды. Түпнұсқа жазбада бір құрылғыдан, ал көшірмеде екінші құрылғыдан жасалған өзгерістер сақталады.