Орнату және баптау

Бағдарламаны мынадай нұсқалары бар Windows ОЖ компьютерлеріне орнатуға болады:

• Windows XP Service Pack 3 (32-разрядты);
• Windows 7 Service Pack 1;
• Windows 8;
• Windows 10;
• Windows 11.

Орнату

1. Бағдарламаны Яндекс Диск бетінен жүктеп алыңыз. Файл жүктеле бастаған кезде парақшада оны іске қосу бойынша нұсқаулықтар көрсетіледі.

Егер сізде Диск бұрын орнатылған болса, бағдарлама 3.0 нұсқасына дейін жаңарады.

1. Орнатқаннан кейін жұмыс үстелі мен Іске қосу мәзірінде пайда болатын таңбаларды таңдаңыз.

   Ескерту

   Сіз таңбалардың кескінін кез келген сәтте баптай аласыз. Ол үшін бағдарламаны ашыңыз, сол жақ жоғарғы бұрыштағы Файл → Баптаулар → Қосымша батырмасын басыңыз. Жұмыс үстеліндегі және Іске қосу мәзіріндегі таңбалар бөлімінде қажетті опцияларды белгілеңіз.

2. Дайын батырмасын басыңыз. бағдарламасының таңбасы Windows хабарламалар панелінде пайда болады.

   

Бағдарлама жүктелмей жатыр немесе орнатылмай жатыр

1. Өз операциялық жүйеңіздің нұсқасын тексеріп алыңыз.

   Яндекс Диск бағдарламасы мынадай нұсқалары бар Windows жүйесіне орнатылады: 32-разрядты Windows XP Service Pack 3, Windows 7 Service Pack 1, Windows 8, Windows 10, Windows 11. Егер сіздің операциялық жүйеңіз ескірген болса, оны жаңартыңыз. Жаңартымды алу жолдары туралы Microsoft мақаласынан оқыңыз.

   Ескерту

   Егер сіз Windows 7 Service Pack 1 қолданып жүрсеңіз, компьютерге KB4474419 жаңартымын немесе нұсқасы барынша жаңа операциялық жүйені орнатыңыз. Жаңартым туралы толығырақ Microsoft Техникалық қолдау қызметінің сайтынан қараңыз.

2. Интернет байланысының тұрақтылығын тексеріп алыңыз.

3. Егер прокси-серверлер немесе фаерволдарды қолданып жүрсеңіз, бағдарламаны орнатып болғанша оларды ажырата тұрыңыз.

Орнатқаннан кейін баптау

Автоматты түрде жаңарту

1. Бағдарламаның жоғарғы сол жақ бұрышынан Файл → Баптаулар тармағын таңдаңыз.
2. Қосымша қойындысына өтіңіз.
3. Жаңартымдарды автоматты түрде орнату опциясын қосыңыз.

Автоматты түрде іске қосу

1. Бағдарламаның жоғарғы сол жақ бұрышынан Файл → Баптаулар тармағын таңдаңыз.

2. Негізгілер қойындысына өтіңіз.

3. Жүйеге кірген кезде бағдарламаны іске қосу опциясын қосыңыз немесе сөндіріп тастаңыз.

Ұйқы режиміне тыйым салу

Әдепкі түрде Яндекс Диск синхрондау аяқталғанға дейін немесе компьютер электр желісіне қосылмай тұрған кезде батарея қуатының деңгейі 33%-дан төмендегенше компьютердің ұйқы режиміне көшуін бұғаттайды. Сіз тыйымды алып тастай аласыз:

1. Бағдарламаның жоғарғы сол жақ бұрышынан Файл → Баптаулар тармағын таңдаңыз.

2. Қосымша қойындысына өтіңіз.

3. Синхрондау жүріп жатқанда ұйқы режимін қоспау опциясын сөндіріп тастаңыз.

Компьютердегі қалтаға қолжетімділікті шектеу

Егер қалтаны жапқыңыз келсе, мысалы, өз компьютеріңіздің басқа пайдаланушыларынан жапқыңыз келсе, сіз оған қолжетімділікті Windows стандартты құралдарымен шектей аласыз. Бұл ретте қолжетімділікті шектеу бағдарламаның жұмысына кедергі келтіруі мүмкін екендігін естен шығармаған абзал.

Прокси-серверді пайдалану

1. Бағдарламаның жоғарғы сол жақ бұрышынан Файл → Баптаулар тармағын таңдаңыз.

2. Прокси қойындысына өтіңіз.

3. Қажетті тармақты таңдаңыз:

   • Проксиді автоматты анықтау, сонда Диск жүйелік баптауларды қолданады.
   • Прокси-сервердің қолмен белгіленген баптаулары, онда баптауларды қолмен белгілейсіз.

Дискіні қалпына келтіру

Операциялық жүйені қайта орнатқаннан кейін, қатты дискіні ауыстырғаннан кейін немесе бағдарламаны өшіргеннен кейін Дискіні қалпына келтіру үшін:

1. Қосымшаны қайтадан орнатыңыз.
2. Аккаунтқа кіріңіз. Егер сіздің компьютеріңізде Дискінің ескі файлдары қалған болса, олар сервермен автоматты түрде синхрондалады.