Синхрондауға қатысты мәселелерді шешу

Менің файлдарым неге синхрондалмай жатыр?

Яндекс Диск мына жағдайларда файлды серверге жүктей алмайды:

• сіздің компьютеріңіз интернетке қосылмаған;

• Дискіде орын таусылып қалды;

• Яндекс Диск баптауларында синхрондау сөндірілген;

• синхрондау керек файлдың өлшемі тегін тариф үшін 1 ГБ асады немесе Яндекс 360 Премиум тарифтері үшін 50 ГБ асады;

• файлға қолжетімділік шектелген (мысалы, файлды басқа бағдарлама қолданып тұр).

Егер файлдар Яндекс Диск қалтасында тұрса және бағдарламада белгісімен белгіленген болса, бірақ файлдар басқа компьютерлерде немесе веб-интерфейсте пайда болмаса, ол туралы бізге кері байланыс формасы арқылы хабарлаңыз.

Егер сіздің macOS құрылғыңызда Avast Mac Security орнатылған болса, қорғалған қосылымдарды сканерлеуді сөндіріп тастаңыз:

1. Бағдарлама терезесінің сол жақ төменгі бұрышындағы Талғамдар батырмасын басыңыз.
2. Веб-экран бөлімінде Баптаулар (Сөндіру батырмасының астында) батырмасын басыңыз.
3. Қорғалған қосылымдарды сканерлеу опциясын сөндіріп тастаңыз.
4. Дайын батырмасын басыңыз.

Бағдарлама «Синхрондау жүріп жатыр» күйінде тұрып қалды

Яндекс Диск қалтасындағы файлдардың ұзын атауларын біршама қысқа атауларға өзгертіңіз. Бағдарламада желіге тұрақты қолжетімділік бар-жоғын тексеріп алыңыз (антивирустар мен фаерволдар қосылымды бұғаттауы мүмкін).

Синхрондау қалтасындағы проблемалар туралы хабарлама көрсетіліп тұр

Ол мына себептер бойынша жиі орын алады:

Синхрондау қалтасы қолжетімсіз

Синхрондау үшін таңдалған қалта оқу үшін қолжетімсіз немесе өшірілген. Қалтаның орнында тұрғанын тексеріп алыңыз немесе басқасын таңдаңыз.
Толығырақ Синхрондау үшін файлдар мен қалталарды таңдау бөлімінен қараңыз.

Синхрондау қалтасындағы қайшылық

Бағдарлама баптауларында көрсетілген қалтаны Дискінің басқа есептік жазбасы пайдаланып тұр. Әртүрлі аккаунттан синхрондау үшін бірдей қалтаны қолдануға болмайды. Бағдарламаның баптаулары арқылы басқа қалтаны таңдаңыз.

Толығырақ Синхрондау үшін файлдар мен қалталарды таңдау бөлімінен қараңыз.

Синхрондау қалтасы таңдалған жоқ

Дискімен синхрондалатын қалта таңдалған жоқ. Қалтаны бағдарламаның баптауларынан таңдауға болады.

Толығырақ Синхрондау үшін файлдар мен қалталарды таңдау бөлімінен қараңыз.

Синхрондау жылдамдығы төмен

Синхрондау жылдамдығы трафик пен жүйе ресурстарын үнемдеуді ескере отырып есептеледі. Сондай-ақ, жылдамдықты сіздің провайдеріңіз де шектеуі мүмкін — интернет байланысының жылдамдығын тексеріп шығыңыз.

Мен синхрондауды сөндіріп тастадым, бірақ, файлдар бәрібір Дискіге түсіп жатыр.

Егер сіз басқа біреудің мобильді құрылғысы арқылы авторизациядан өтсеңіз, біреудің файлдары сіздің Яндекс Дискіңізге түсуі мүмкін. Бұл жағдайда автожүктеу қосулы тұрса құрылғыдағы файлдар Яндекс Дискіге жүктеледі.

Сіз біреудің файлдарын өз Яндекс Дискіңізге жүктеуді мына тәсілдермен тоқтата аласыз:

Барлық құрылғылардан шығу
 
Сіздің Яндекс Дискіңізге біреудің файлдары түспеу үшін барлық құрылғыларда Яндекс Дискіден шығыңыз:

1. Яндекс ID парақшаңызды ашыңыз.

2. Кіру тарихы және құрылғылар бөлімінде Барлық құрылғылардан шығу сілтемесіне басыңыз.

Бағдарламалардың рұқсаттарын кері қайтарып алу

Сондай-ақ, сіз Яндекс Диск қосымшалары мен бағдарламаларының сервердегі өз файлдарыңызға рұқсатын кері қайтарып ала аласыз:

1. Қолжетімділікті басқару парақшасын ашыңыз.

2. Тізімнен Яндекс Диск деген атауы бар барлық тармақтарды тауып алыңыз.

3. Әрбір тармаққа басып, Өшіру батырмасын басыңыз.