Скриншоттар

Яндекс Диск бағдарламасында сіз экран түсірілімдерін жасай аласыз, оларды редакторда безендіре аласыз, сондай-ақ, олармен бөлісе аласыз. Дайын кескіндер сіздің Дискіңіздегі Скриншоттар қалтасына сақталады.

Скриншот жасау

Ең ыңғайлы тәсілді таңдаңыз:

  • аумақ скриншотын жасау — Ctrl + ⇧ + 1 немесе ⌘ + ⇧ + 4 пернелерін басып, қажетті аумақты белгілеңіз
  • аумақ скриншотын жасау және оны бірден бөлісу — Ctrl + ⇧ + 2 пернелерін басып, қажетті аумақты белгілеңіз
  • экранның түгел скриншотын жасау — Ctrl + ⇧ + 3 немесе ⌘ + ⇧ + 3
  • терезенің скриншотын жасау — Ctrl + ⇧ + 4 және қажетті терезені таңдаңыз

Егер жылдам пернелер немесе олардың үйлесімі басқа бағдарламада қолданылып тұрса, оларды қолданған кезде экран түсірілімі алдымен сол бағдарламада жасалады, ал осы түсірілімнің үстінен Яндекс Дискіде скриншот жасалады. Осылайша, Яндекс Дискідегі скриншот экран түсірілімі бірінші жасалған бағдарлама терезесінің ауқымын қамтитын болады.

Экран түсірілімі бірден Яндекс Дискіде орындалу үшін бірдей жылдам пернелерді өзгертіңіз немесе оларды басқа бағдарламадан сөндіріп тастаңыз.

Жылдам пернелерді өзгерту немесе сөндіру

  1. Мәзірден Яндекс Диск → Баптаулар тармағын таңдаңыз.

  2. Қажетті әрекеттің оң жағындағы өріске басыңыз.

  3. Жаңа пернелер үйлесіміне басыңыз.

Егер үйлесімдердің бірін сөндіріп тастағыңыз келсе, қажетті әрекеттің оң жағындағы өрісте таңбасын басыңыз. Скриншот жасауға арналған бүкіл жылдам пернелерді бірден сөндіріп тастау үшін Пернелер үйлесімі опциясын сөндіріп тастаңыз.

  1. macOS мәзір тармағындағы Диск таңбасына басыңыз.

  2. Мәзірден Скриншоттар тармағын таңдап, кейін — қандай скриншот (аумақ, терезе немесе бүкіл экран) жасағыңыз келетінін таңдаңыз.

Скриншотты әрлеу

Скриншот жасағаннан кейін ол редакторда ашылады. Онда сіз скриншотты кесе аласыз, сілтеуіш, қарапайым геометриялық фигуралар немесе мәтін қоса аласыз.

Редакторда жұмыс істеуге арналған жылдам пернелер

Объектіні кесіп алу

⌘ + X

Объектіні көшіріп алу

⌘ + C

Объектіні салу

⌘ + V

Объектіні көшіріп алу (егер объект таңдалмаса)

⌘ + C

Скриншотқа мәтін немесе кескін қосу

⌘ + V

Объектінің орнын ауыстыру

← ↑ → ↓

Объектінің орнын жылдам ауыстыру

⇧ + ← ↑ → ↓

Масштабын ұлғайту

⌘ + +

Масштабын кішірейту

⌘ + –

100% масштаб

Ctrl + 0

Объектіні өшіру

Delete, Backspace

Соңғы әрекетті болдырмау

⌘ + Z

Соңғы әрекетті қайталау

⌘ + ⇧ + Z

Скриншот дайын болған кезде сіз оны бөлісе аласыз, алмасу буферіне көшіре аласыз немесе жай ғана сақтай аласыз. Егер скриншотты басып шығарғыңыз келсе, Файл → Басып шығару батырмасын басыңыз.

Сондай-ақ, редакторда кез келген басқа кескіндерді ашуға болады:

  1. Кескін орналасқан қалтаны ашыңыз.
  2. Оған тінтуірдің оң жақ батырмасымен басыңыз.
  3. Ашу құралы → Яндекс Дискідегі скриншоттар тармағын таңдаңыз.

Кескінді әрлегеннен кейін Сақтау батырмасын басыңыз, сонда Яндекс Дискіге кескіннің өңделген көшірмесі сақталады. Бастапқы файл өзгеріссіз қалады.

Ескерту

Скриншоттар әдепкі түрде PNG форматында сақталады. Форматын JPEG етіп өзгерту үшін:

1. Мәзірден Файл → Баптаулар тармағын таңдаңыз.

2. Формат тізімінен JPEG мәнін таңдаңыз.

macOS Mojave жүйесінде скриншоттар редакторы кідіріп ашылады

Егер сіз скриншоттарды жүйелік перне үйлесімдерінің көмегімен ашсаңыз, Дискінің скриншоттар редакторы кідіріп ашылуы мүмкін. Оның себебі — скриншотты жасағаннан кейін экранда белгілі бір уақыт бойы оның миниатюрасы көрсетіліп тұратындығында.

Сіз миниатюраны сөндіріп тастай аласыз:

  1. Finder-де Бағдарламалар → Утилиталар қалтасын ашыңыз.

  2. Экран түсірілімі бағдарламасын іске қосыңыз.

  3. Параметрлер батырмасын басыңыз.

  4. Қалқыма миниатюраны көрсету опциясын сөндіріп тастаңыз.

Қолдау қызметіне жазу
Алдыңғы
Фото мен видеоны автоматты жүктеу
Келесі
Орын сатып алу