Орнату және баптау

Бағдарламаны macOS 10.11 немесе одан жоғары жүйесі бар компьютерлерге орнатуға болады — El Capitan, Sierra, High Sierra, Mojave, Catalina, Big Sur.

Орнату

1. Бағдарламаны Яндекс Диск бетінен жүктеп алыңыз. Файл жүктеле бастаған кезде парақшада оны іске қосу бойынша нұсқаулықтар көрсетіледі. Егер сіз Safari браузерін қолдансаңыз, файл автоматты түрде іске қосылады.

Егер сізде Диск бұрын орнатылған болса, бағдарлама 3.0 нұсқасына дейін жаңарады.

1. Яндекс Диск бағдарламасын өз компьютеріңіздегі Қосымшалар қалтасына көшіріңіз.

   

Бағдарлама жүктелмей жатыр немесе орнатылмай жатыр

1. Өз операциялық жүйеңіздің нұсқасын тексеріп алыңыз.

   Яндекс Диск бағдарламасы мынадай нұсқалары бар macOS нұсқасы 10.11 немесе жоғары (El Capitan, Sierra, High Sierra, Mojave, Catalina). Егер сіздің операциялық жүйеңіз ескірген болса, оны жаңартыңыз. Жаңартымды алу жолдары туралы Apple мақаласынан оқыңыз.

2. Интернет байланысының тұрақтылығын тексеріп алыңыз.

3. Егер прокси-серверлер немесе фаерволдарды қолданып жүрсеңіз, бағдарламаны орнатып болғанша оларды ажырата тұрыңыз.

Орнатқаннан кейін баптау

Автоматты түрде жаңарту

1. Бағдарламаның жоғарғы сол жақ бұрышынан Яндекс Диск → Баптаулар тармағын таңдаңыз.
2. Тағы қойындысына өтіңіз.
3. Жаңартымдарды автоматты түрде орнату опциясын қосыңыз.

Автоматты түрде іске қосу

1. Бағдарламаның жоғарғы сол жақ бұрышынан Яндекс Диск → Баптаулар тармағын таңдаңыз.

2. Негізгілер қойындысына өтіңіз.

3. Жүйеге кірген кезде бағдарламаны іске қосу опциясын қосыңыз немесе сөндіріп тастаңыз.

Ұйқы режиміне тыйым салу

Әдепкі түрде Яндекс Диск синхрондау аяқталғанға дейін немесе компьютер электр желісіне қосылмай тұрған кезде батарея қуатының деңгейі 33%-дан төмендегенше компьютердің ұйқы режиміне көшуін бұғаттайды. Сіз тыйымды алып тастай аласыз:

1. Бағдарламаның жоғарғы сол жақ бұрышынан Яндекс Диск → Баптаулар тармағын таңдаңыз.

2. Тағы қойындысына өтіңіз.

3. Синхрондау жүріп жатқанда ұйқы режимін қоспау опциясын сөндіріп тастаңыз.

Dock панелінде Дискінің таңбасын жасыру

1. Хабарламалар панелінде Дискінің таңбасына басыңыз.

2. Мәзірден Баптаулар тармағын таңдаңыз.

3. Тағы қойындысына өтіңіз.

4. Dock панелінде Дискінің таңбасын жасыру опциясын қосыңыз.

Компьютердегі қалтаға қолжетімділікті шектеу

Егер қалтаны жапқыңыз келсе, мысалы, өз компьютеріңіздің басқа пайдаланушыларынан жапқыңыз келсе, сіз оған қолжетімділікті macOS стандартты құралдарымен шектей аласыз. Бұл ретте қолжетімділікті шектеу бағдарламаның жұмысына кедергі келтіруі мүмкін екендігін естен шығармаған абзал.

Прокси-серверді таңдау

1. Бағдарламаның жоғарғы сол жақ бұрышынан Яндекс Диск → Баптаулар тармағын таңдаңыз.

2. Прокси қойындысына өтіңіз.

3. Прокси-сервердің қолмен белгіленген баптаулары тармағын таңдаңыз.

Дискіні қалпына келтіру

Операциялық жүйені қайта орнатқаннан кейін, қатты дискіні ауыстырғаннан кейін немесе бағдарламаны өшіргеннен кейін Дискіні қалпына келтіру үшін:

1. Қосымшаны қайтадан орнатыңыз.
2. Аккаунтқа кіріңіз. Егер сіздің компьютеріңізде Дискінің ескі файлдары қалған болса, олар сервермен автоматты түрде синхрондалады.