Пәрмендер мен параметрлер

Пәрмендер

Клиентпен жұмыс істеу үшін мына пәрмендер қолданылады:

• token — Яндексте логиннен өту үшін авторизация кілтін алу (OAuth-токен).
  Пәрменді енгізген кезде токенді сақтауға арналған файлдың атауын және оған дейінгі жолды (FILE) белгілей аласыз. Егер қосымша параметрлер көрсетілмеген болса, токенді сақтау үшін passwd файлы ~/.config/yandex-disk каталогында жасалады.

  $ yandex-disk token [FILE]
  

  Клиентте логин мен құпиясөз енгізудің қажеті жоқ. Пәрменді шақыртқаннан кейін Диск сізге браузер арқылы белгілі бір парақшаны ашуды және сол жерде бірегей код енгізуді ұсынады.

  Ескерту

  Кодты енгізер алдында браузерде қажетті аккаунтпен авторизациядан өткеніңізге көз жеткізіп алыңыз.

• start — демонды іске қосып, exclude-dirs ерекшеліктер тізімінде көрсетілгендерден басқа барлық қалталарды синхрондау.

  $ yandex-disk start [OPTION]
  

• status — демонның жұмыс күйін көрсету (синхрондау күйі, синхрондау қатесі, синхрондалған файлдардың тізімі, Дискідегі жалпы және бос кеңістік).

  $ yandex-disk status [OPTION]
  

• stop — демонның жұмысын тоқтату.

  $ yandex-disk stop [OPTION]
  

• sync — exclude-dirs ерекшеліктер тізімінде көрсетілгендерден басқа барлық қалталарды синхрондау.

  $ yandex-disk sync [OPTION]
  

• publish — көрсетілген файлға немесе қалтаға (FILE) жария сілтеме алу.

  $ yandex-disk publish [OPTION] FILE
  

• unpublish — көрсетілген файлды немесе қалтаны (FILE) жариялауды болдырмау.

  $ yandex-disk unpublish FILE
  

[OPTION] қосымша параметрлері

--config=FILE, -c FILE

Конфигурация файлын көрсету. Әдепкі түрде ~/.config/yandex-disk каталогындағы config.cfg файлы қолданылады.

--dir=DIR, -d DIR

Дискінің оқшау көшірмесін сақтауға арналған каталогты көрсету. Егер бастапқы баптау кезінде оның атауы қойылмаған болса, әдепкі түрде ~/Yandex.Disk каталогы қолданылады.

--auth=FILE, -a FILE

Авторизация деректері бар файлды көрсету. Әдепкі түрде token пәрменімен немесе бастапқы баптау шебері арқылы жасалатын және ~/.config/yandex-disk каталогында сақталатын passwd файлы қолданылады.

--exclude-dirs=DIR1,DIR2,...

Көрсетілген каталогтарды синхрондамау. Баптау әрдайым әрекет ету үшін каталогтарды config.cfg файлындағы exclude-dirs ерекшеліктер тізіміне қосу керек. Баптау дұрыс істеп тұру үшін ерекшеленген директориялардың атауларын үтір арқылы бос орындарсыз тізіп қою керек.

--read-only

Дискінің серверіндегі файлдарды өзгертуге тыйым салу және тек оқшау көшірмеде синхрондауды орындау. Синхрондау қайшылығы туындаған кезде оқшау файлдардың атаулары өзгереді. Егер қосымша --overwrite параметрі көрсетілген болса, оқшау файлдар қайта жазылады.

--overwrite

Сервермен синхрондау кезінде Дискінің оқшау көшірмесінде жасалған өзгерістерді қайта жазуға рұқсат беру. --read-only параметрімен бірге қолданылады.

--no-daemon, -D

Басқаруды консольге қайтармастан демонды іске қосу. Басқаруды қайтару үшін басқа консольде yandex-disk stop пәрменін қосу немесе ағымдағы консольді жабу арқылы демонды тоқтату керек.

Егер бұл параметр қолданылып тұрса, қосымша конфигурация файлын оқымайды. Сондықтан барлық қажетті баптауларды пәрмендер жолы арқылы енгізу керек. Осылайша, exclude-dirs параметріне --exclude-dirs аргументі сәйкес келеді.

$ yandex-disk --no-daemon --dir=/root/Yandex.Disk --exclude-dirs=DO_NOT_SYNC,temp

Ескерту

--no-daemon пайдаланған кезде start пәрменін көрсету керек емес: бұл режимде ешбір пәрмен еленбейді.

--help, -h

Анықтаманы шығару

--proxy=PARAM

Прокси-серверді баптау. Рұқсат етілген параметрлер:

• auto — прокси-сервердің жүйелік баптауларын пайдалану (әдепкі түрде қолданылады);
• no — прокси-серверді пайдаланбау;
• protocol,address,port,login,password — қолмен баптау.

Пәрмендерді пайдалану мысалдары

$ yandex-disk start -c ~/ydconfig/newconfig.cfg # демонды және көрсетілген конфигурация файлымен синхрондауды іске қосу 
$ yandex-disk start --exclude-dirs=Foto # Foto қалтасын синхрондамау
$ yandex-disk sync --read-only # қалталарды read-only режимінде синхрондау
$ yandex-disk publish Foto # Foto қалтасына жария сілтеме алу