Фотосурет

Фото бөлімінде мыналар көрсетіледі:

  • сіз Дискіге жүктеген және түсірілген күні көрсетілген JPG форматындағы фотосуреттер;
  • сіз Дискіге өзіңіз жүктеген HEIC және HEIF форматындағы фотосуреттер;
  • JPG және PNG форматындағы фото, сондай-ақ, Дискіге мобильді құрылғыдан автоматты түрде жүктелген видео (Фото мен видеоны автожүктеу бөлімін қараңыз).

Ескерту

Бөлім автоматты түрде қалыптасады, сондықтан ол жерге фотосуреттерді қолмен орналыстыру мүмкін емес.

Фотосуреттер миниатюралар түрінде көрсетіледі: сіз оларды өзіңізге ыңғайлы түрде топтастыра аласыз. Ол үшін кескінді үлкейтіп жатқан сияқты экранды тартыңыз немесе қысыңыз. Не болмаса, жоғарғы оң жақ бұрыштағы батырмасын басып, керек көріністі таңдаңыз.

Белгілі бір кезең үшін түсірілімдерді жылдам табу үшін айлар түріндегі көрініске ауысыңыз және фотосуреттер тізімін айналдырыңыз.

Фотосуретпен орындалатын әрекеттер

Сіз фотосуреттерді біреуге жібере аласыз, оларды редакторда өзгерте аласыз немесе өшіріп тастай аласыз. Ол үшін фотосуретті ашыңыз және экранның жоғарғы бөлігінен қажетті әрекетті таңдаңыз.

Қолдау қызметіне жазу

Егер сіз Яндекс Диск қызметінің жұмыс істеуіне қатысты ақауға тап болсаңыз, қолданбадағы кері байланыс үлгісін пайдаланып қате туралы бізге хабарлаңыз:

  1. Жоғарғы сол жақ бұрыштағы портретті басыңыз.
  2. Анықтама және қолдау → Мәселе туралы хабарлау тармағын таңдаңыз.
  3. Өтініштің себебін көрсетіңіз.
  4. Мәселені барынша толығырақ сипаттаңыз.

Ескерту

Мобильдік қолданбаға қатысты мәселелер туралы Анықтама беттерінен емес, бірден қосымшадан жазыңыз. Осылайша өтініш тиісті мамандарға жетеді және сізге тезірек жауап беріледі. Сондай-ақ, өтінішті қосымшадан жіберу кезінде, біздің мамандарымыз сұрақты түсінуге көмектесетін техникалық ақпаратты көреді.

Егер қолданба күтпеген жерден жұмысын аяқтаса және одан бізге жаза алмасаңыз, кері байланыс нысаны арқылы қате туралы хабарлама жіберіңіз.

Алдыңғы
Фотосуретпен жұмыс
Келесі
Альбомдар