Лента

Лентада сіз жақында Дискіге қолмен (Файлдарды жүктеу бөлімін қараңыз) немесе автожүктеу көмегімен (Фото мен видеоны автожүктеу бөлімін қараңыз) жүктеген файлдар, фото мен видео көрсетіледі. Құжаттар мен медиафайлдар блоктарға топтастырылады.

Файл, фото немесе видеоны тікелей Лентадан ашуға және оны біреуге жіберуге болады. Блоктың мазмұнын қарау үшін оның тақырыбына басыңыз.

Лентадағы кез келген блокты жасырып қоюға болады — құжаттар мен медиафайлдар Дискіден өшірілмейді.

Естеліктер

Сіз Дискіге әр түрлі адамдар, нысандар мен орындар көрсетілген фотосуреттерді жүктеген кезде, Лентада естеліктер құрастырылады. Бұл сіздің фотосуреттеріңізден жасалған біркелкі анимациясы мен көңіл-күйге сай әуені бар тақырыптық топтамалар немесе слайд-шоу. Мысалы, «Түнімен таң атқанша қыдырдық» деген топтамаға таң атысының кадрлары, ал «Жұмсақ достар» деген слайд-шоу сіздің үй жануарларыңыздың фотосуреттерінен құралады.

Қарау

Естелікті қарап шығу үшін оған басыңыз. Қаралым кезінде:

  • фотосуретті алға немесе артқа айналдыруға;
  • слайд-шоуды тоқтатып қоюға;
  • музыканы сөндіруге;
  • топтамадағы бүкіл фотосуреттерге өтуге болады.

Бөлісу

Естелікті былайша жіберуге болады:

  • Фотосуреттері бар альбомға сілтеме түрінде.

  • Алушы анимациясы мен музыкасы бар толыққанды слайд-шоу алу үшін видеофайл түрінде.

Естелікті біреуге жіберу үшін:

Естелік тұрған альбомға сілтеме жіберу

  1. Естелікті ашыңыз.
  2. Төменгі панельде батырмасын басыңыз.
  3. Экранның астында Альбомды жіберу тармағын таңдаңыз.
  4. Жіберу тәсілін таңдаңыз — хатпен, мессенджер арқылы, Bluetooth арқылы немесе басқа тәсілмен.
Видео жіберу

  1. Естелікті ашыңыз.
  2. Төменгі панельде батырмасын басыңыз.
  3. Экранның астындағы Видео жіберу тармағын таңдаңыз.
  4. Видеоның сақталғанын күтіңіз — ол 1 минутқа дейін созылуы мүмкін.
  5. Жіберу тәсілін таңдаңыз — хатпен, мессенджер арқылы, Bluetooth арқылы немесе басқа тәсілмен.

Видео Фото бөлімінде қолжетімді болады. Сіз оны қарай аласыз немесе басқа кез келген файл сияқты біреуге жібере аласыз.

Ескерту

Егер сізде Яндекс 360 тарифі қосылған болса, сақталған видео Дискіде орын алмайды.

Жасыру

Естелікті Лентадан алып тастап, бірақ фотосуретті Дискіден өшірмеу үшін  → Естелікті жасыру батырмасын басыңыз.

Қолдау қызметіне жазу

Егер сіз Яндекс Диск қызметінің жұмыс істеуіне қатысты ақауға тап болсаңыз, қолданбадағы кері байланыс үлгісін пайдаланып қате туралы бізге хабарлаңыз:

  1. Жоғарғы сол жақ бұрыштағы портретті басыңыз.
  2. Анықтама және қолдау → Мәселе туралы хабарлау тармағын таңдаңыз.
  3. Өтініштің себебін көрсетіңіз.
  4. Мәселені барынша толығырақ сипаттаңыз.

Ескерту

Мобильдік қолданбаға қатысты мәселелер туралы Анықтама беттерінен емес, бірден қосымшадан жазыңыз. Осылайша өтініш тиісті мамандарға жетеді және сізге тезірек жауап беріледі. Сондай-ақ, өтінішті қосымшадан жіберу кезінде, біздің мамандарымыз сұрақты түсінуге көмектесетін техникалық ақпаратты көреді.

Егер қолданба күтпеген жерден жұмысын аяқтаса және одан бізге жаза алмасаңыз, кері байланыс нысаны арқылы қате туралы хабарлама жіберіңіз.

Алдыңғы
Хабарламаларды баптау
Келесі
Құжаттар сканері