Автожүктеуді қосу және баптау
Алғаш қосқан кезде қосымша сізге құрылғыдағы фото мен видеоны автожүктеуді қосуды өзі ұсынады. Сонда файлдар әдепкі түрде Wi-Fi желісіне қосылған кезде ғана жүктеліп отырады. Сіз бұл қадамды өткізіп жіберіп, кейін қосымшаның баптауларынан автожүктеуді қосып, оның параметрлерін таңдай аласыз (фото мен видеоны лимитсіз жүктеу, аккаунт, деректерді жіберу желілері, бастапқы қалталар).
Автоматты жүктеуді қосу
Фото мен видеоны «Фотокамера» қалтасына жүктей бастау үшін:
- Қосымшаның параметрлерін ашыңыз.
- Фото мен видеоны автожүктеу батырмасын басыңыз.
- Фотосуретті автожүктеу және Бейнені автожүктеу опцияларын қосыңыз.
Мұндай автожүктеу тәсілі туралы «Фотокамера» қалтасына автожүктеу бөлімінен оқыңыз.
Лимитсіз жүктеу
Ескерту
Яндекс 360 тарифтерінде ғана қолжетімді.
Егер жүктелген фото мен видео Дискіде орын алмағанын қаласаңыз, лимитсіз автожүктеуді қосыңыз:
-
Қолданбаның параметрлерін ашыңыз.
-
Фото мен видеоны автожүктеу батырмасын басыңыз.
-
Фото мен видеоны Лимитсіз жүктеу опциясын қосыңыз.
Мұндай автожүктеу тәсілі туралы «Фотокамера» қалтасына автожүктеу бөлімінен оқыңыз.
Автожүктеуге арналған аккаунт таңдау
Егер қосымшаға бірнеше аккаунт қосылған болса, сіз олардың қайсысына автожүктеу жүргізілетінін таңдай аласыз:
-
Қолданбаның параметрлерін ашыңыз.
-
Фотосурет пен бейнелерді автожүктеу опциясын басыңыз.
-
Автожүктеуге арналған аккаунт бөлімінде атыңыздың оң жағындағы
батырмасын басыңыз. -
Тізімнен қажетті аккаунтты таңдаңыз.
-
Өзгерту батырмасына басу арқылы таңдауды растаңыз.
Қосымшаға бірнеше аккаунтты қалай қосуға болатыны туралы Аккаунт қосу бөлімінен оқыңыз.
Ескерту
Автожүктеуге арналған аккаунт тек біреу ғана бола алады. Қосымшадағы ағымдағы аккаунт басқа болса да, сіздің телефоныңыздағы бүкіл фотосуреттер соған автоматты түрде жүктеліп отырады.
Қандай желі бойынша жүктеу керектігін таңдау
-
Қолданбаның параметрлерін ашыңыз.
-
Фото мен видеоны автожүктеу батырмасын басыңыз.
-
Жалпы бөлімінде фото мен видеоны қандай желі бойынша жүктеу керектігін таңдаңыз:
- Егер тек Wi-Fi арқылы жүктегіңіз келсе, Мобильді интернет арқылы жүктеу опциясын сөндіріп қойыңыз.
- Wi-Fi арқылы да, мобильді интернет арқылы да жүктегіңіз келсе, Мобильді интернет арқылы жүктеу опциясын қосыңыз.
Назар аударыңыз
Мобильдік интернетті пайдаланғаныңыз үшін шотыңыздан ақы алынуы мүмкін.
Құрылғыдан жүктеу көзі ретінде қолданылатын қалталарды таңдау
-
Қолданбаның параметрлерін ашыңыз.
-
Фотосурет пен бейнелерді автожүктеу опциясын басыңыз.
-
Жалпы бөлімінде Телефондағы қалталар (немесе Планшеттегі қалталар) батырмасын басыңыз.
-
Фото мен видеоларын автоматты түрде Дискіге жүктегіңіз келетін қалталарды белгілеңіз.
Назар аударыңыз
Автожүктеуді тек Pictures, Images, Videos және DCIM\Screenshots қалталары үшін қосуға немесе сөндіріп қоюға болады. Camera мен DCIM (DCIM\Screenshots қалтасынан басқа) қалталарындағы фото мен видео әрдайым жүктеліп отырады.
Қандай фотосуреттер жүктелгенін қалай түсінуге болады?
Фотосуреттерді бір-бірінен олардың оң жақ төменгі бұрышындағы белгілердің көмегімен ажыратуға болады:
- [белгі жоқ] — фото Дискіге қолмен немесе автоматты түрде жүктелген;
— фото құрылғыдан Дискіге автоматты түрде жүктеледі;
— фото Дискіге жүктелмеген және тек құрылғыда сақталып тұр, себебі автожүктеу ажыратылған немесе тоқтатылып тұр. Сондай-ақ мұндай белгі Дискіге бір кездері автоматты түрде жүктелген, бірақ Фото бөлімінен өшірілген фотосуреттерге де қойылады.