Күнтізбені баптау

Жалпы баптаулар

Яндекс Күнтізбе сервисіндегі бүкіл күнтізбелерге арналған жалпы баптауларды ашу үшін оң жақ жоғарғы бұрыштағы таңбасын басыңыз. Баптауларды өзгерткеннен кейін оларды сақтауды ұмытпаңыз.

Сыртқы көрінісі мен жұмыс уақыты

Баптаулар қойындысында түрлі-түсті безендіру тақырыбын таңдауға болады — ол Күнтізбеде, Пошта, Диск, Телемост мен Құжаттарда көрініс табады. Кескін анимацияланған болу үшін Видеофондарды ойнату опциясын қосыңыз.

Жұмыс уақыты бөлімінде өзіңіз жұмыс істейтін күндер, уақыт пен сағат белдеуін көрсетуге болады. Бұл графикті өндірістік күнтізбе бойынша демалыстармен толықтыруға болады — ол үшін Мерекелік демалыс күндері бөлімінде өзіңіз жұмыс істейтін елді немесе Ресей аймағын көрсетіңіз. Егер әріптесіңіз сізді демалыс немесе мереке күні кездесуге шақырса, ол сіздің қолжетімсіз болуыңыз мүмкін екенін көреді.

Сондай-ақ, сіз оқиғаларды жасаудың кеңейтілген формасын қоса аласыз — ол кездесуге қатысушылардың шаруасын ескере отырып, кездесу уақыты мен келіссөздер бөлмесін ыңғайлырақ таңдауға мүмкіндік береді.

Әдепкі түрде экранда ағымдағы аптаға арналған күнтізбе көрсетіледі. Бір күн, бір ай үшін немесе Кесте режимінде оқиғаларды көрсету үшін сол жақтағы панельдегі аспа тізімнен көрінісін таңдаңыз:

Кесте режимі туралы Күнтізбенің түрін ауыстыру бөлімінен қараңыз.

Сағаттық белдеу

Яндекс Күнтізбе сіз тұрған сағаттық белдеуді автоматты түрде анықтайды және оқиғаларды соған сәйкес көрсетеді. Ол сапарлар кезінде пайдалы болуы мүмкін: сізге өз кестеңізді түзету керек емес — ондағы оқиғалар әрдайым жергілікті уақыт бойынша көрсетіліп тұрады.

Сіз сағаттық белдеуді қолмен белгілеп қоя аласыз және сапарлар кезінде оны қолмен өзгерте аласыз, ол үшін:

1. Экранның оң жақ жоғарғы бұрышындағы белгішесін басыңыз.

2. Құрылғының уақытын қолдану опциясын сөндіріп қойыңыз.

3. Негізгі сағаттық белдеуді таңдаңыз.

4. Сағаттық белдеудің ауысқаны туралы хабарламалар алып отыру үшін Локация өзгерген кезде сағаттық белдеуді өзгерту туралы сұрап отыру опциясын қосыңыз.

5. Сақтау батырмасын басыңыз.

Хабарламалар

Хабарламалар қойындысына өтіңіз. Оқиғалар туралы хабарламаларды қандай мекенжайға және қандай телефон нөміріне алып отырғыңыз келетінін көрсетіңіз. Егер демалыс немесе жұмыстан бос кезінде хабарламалар алғыңыз келмесе, Күнтізбе сізді мазаламайтын уақыт пен күн кезеңін көрсетіп қойыңыз.

Егер сізге кездесулерге шақыруларды қолмен қабылдап отыру ыңғайсыз болса, оларды автоматты түрде растауды баптай аласыз. Оны қалай жасауға болады.

Нақты күнтізбені баптау

Нақты күнтізбенің баптауларын ашу үшін меңзерді оның сол жақтағы панельдегі атауына бағыттап, таңбасын басыңыз.

Сіз күнтізбенің атауы мен түсін өзгерте аласыз. Оған қоса – оқиғалар туралы ескертпелер тәсілін баптай аласыз. Қалай баптау керек

Сондай-ақ, бүкіл жаңа оқиғалар үшін көрінімділікті баптауға болады. Егер сіз күнтізбені басқа пайдаланушылармен бөліссеңіз, ондағы оқиғалар туралы ақпарат бөліскендердің барлығына қолжетімді болады. Бірақ сіз іс-шараны жабық ете аласыз, сонда бұл туралы ақпарат тек оның қатысушыларына қолжетімді болады. Ол үшін Қатысушылар опциясын қосыңыз.

Әріптестер немесе таныстарыңызға күнтізбені қарауға рұқсатты қалай ашу керектігі туралы Күнтізбемен бөлісу бөлімін қараңыз.

Егер сізде бірнеше күнтізбе болса және әдепкі түрде бүкіл жаңа оқиғаларды тек солардың біріне ғана қосқыңыз келсе, оның баптауларында Негізгі күнтізбе опциясын қосыңыз.

Сізге шақыру жіберген кезде басқа пайдаланушылар сіздің уақытыңыз нақты күнтізбедегі кездесулермен қай кезде бос еместігін көру үшін Оқиғалардың шаруаға ықпалы тармағын таңдаңыз.