Күнтізбе қосу

Яндекс Күнтізбеде өз мақсаттарыңыз үшін арнайы күнтізбелердің қалаған санын жасауға, өз Күнтізбеңізге басқа күнтізбелерден оқиғаларды көшіруге немесе басқа біреудің күнтізбесіне жазылуға болады.
Әрбір күнтізбедегі оқиғалар үшін өз түсін таңдауға болады — сонда оларды өзара ажырату ыңғайлы болады.

Жаңа күнтізбені қалай жасауға болады

1. Сол жақ панельдегі Жаңа күнтізбе батырмасын басыңыз.

2. Күнтізбенің атауын жазыңыз.

3. Егер жаңа күнтізбедегі оқиғалар басқа оқиғалардан ерекшеленіп тұрғанын қаласаңыз, түсін таңдаңыз.

4. Хабарламаларды қашан және қалай алып отырғыңыз келетінін таңдаңыз: пошта, смс немесе Яндекс Поштаның мобильді қосымшасы арқылы.

   Оқиғаны өткізіп алмау үшін екі әртүрлі ескерту баптаңыз.

   Мысалы, оқиға басталардан 15 минут бұрын поштаға хат, ал 5 минут бұрын — телефонға пуш-хабарлама алуға болады.

5. Оқиғалардың ұзақтығын таңдаңыз — ол оқиғаларының ұзақтығы әдетте бірдей болатын, мысалы, 1 сағат құрайтын күнтізбе жүргізуге көмектеседі. Оқиғаны жасау кезінде оқиға басталатын уақытты көрсету жеткілікті, ал ол аяқталатын уақытты Күнтізбе анықтайды.

6. Егер күнтізбені достарыңыз немесе әріптестеріңізге жіберуді жоспарласаңыз, онда бұл күнтізбедегі оқиғаларды кім көре алатынын көрсетіңіз.

7. Егер осы күнтізбедегі оқиғалар басқа адамдарға сізді кездесулерге шақыруға кедергі келтіргенін қаламасаңыз, Оқиғалардың шаруаларға ықпалы бөліміндегі Оқиғалар шаруаларға әсер етпейді тармағын таңдаңыз.

8. Егер сіз жасаған кез келген оқиға осы күнтізбеге қосылып отырғанын қаласаңыз, Негізгі күнтізбе опциясын қосыңыз.

9. Жасау батырмасын басыңыз.

Сіз өз мақсаттарыңыз үшін арнайы қалаған мөлшерде күнтізбелер жасай аласыз. Мысалы, достардың туған күндерінің күнтізбесі, жұмыстық кездесулер немесе спорттық жаттығулар күнтізбесі. Қандай да бір күнтізбені қосып немесе сөндіріп, оқиғаларыңызды бөлек те, бірге де қараңыз.

Басқа күнтізбедегі оқиғаларды қалай көшіруге болады

Сіз Яндекс Күнтізбеге басқа сервистегі күнтізбеде орналасқан оқиғаларды көшіре аласыз. Оны басқа күнтізбеге сілтеме немесе *.ics (iCal) форматындағы күнтізбе файлының көмегімен жасауға болады.

Импорттау кезінде оқиғалар Яндекс Күнтізбеге көшіріледі, бірақ басқа ресурстағы күнтізбемен синхрондалмайды. Мысалы, егер сіз тек басқа күнтізбеге оқиға қоссаңыз, ол Яндекс Күнтізбеге қосылмайды. Егер күнтізбелер оқиға алмасып отырғанын қаласаңыз, синхрондауды баптаңыз. Оны қалай жасауға болады.

Сілтеме арқылы импорттау

1. Оқиғаларын импорттағыңыз келетін күнтізбені ашыңыз және оған сілтемені көшіріп алыңыз. Сілтеме http://www.example.com/calendars/calendar.ics түрінде болу керек және міндетті түрде .ics форматында аяқталу керек, әйтпесе оқиғалар импортталмайды.

2. Яндекс Күнтізбені calendar.yandex.kz ашыңыз.

3. Оң жақтағы панельде Жаңа күнтізбе батырмасын басыңыз.

4. Импорт қойындысына өтіңіз.

5. Сілтеме арқылы тармағын таңдаңыз.

6. Көшіріп алған .ics сілтемесін енгізіңіз.

7. Оқиғаларды импорттағыңыз келетін күнтізбені — бар немесе жаңа күнтізбені таңдаңыз.

8. Импорттау батырмасын басыңыз.

Файлдан импорттау

1. Оқиғаларын импорттағыңыз келетін күнтізбені компьютерге сақтап қойыңыз. Файлдың форматы міндетті түрде *.ics (iCal) болу керек, әйтпесе оқиғалар импортталмайды.

2. Яндекс Күнтізбені calendar.yandex.kz ашыңыз.

3. Сол жақтағы панельде Жаңа күнтізбе сілтемесін басыңыз.

4. Импорт қойындысына өтіңіз.

5. Файлдан тармағын таңдаңыз.

6. Сақталған *.ics (iCal) файлын таңдаңыз.

7. Оқиғаларды импорттағыңыз келетін күнтізбені таңдаңыз.

8. Импорттау батырмасын басыңыз.

Күнтізбеге жазылу жолдары

Сіз басқа ресурстағы күнтізбедегі өзгерістерге жазыла аласыз. Яндекс Күнтізбеден сіз басқа күнтізбедегі барлық оқиғаларды қарай аласыз, бірақ оларды өзгерте алмайсыз және жаңасын жасай алмайсыз.

Күнтізбеге жазылу үшін:

1. Сол жақ панельдегі Жаңа жазылым батырмасын басыңыз.

2. Күнтізбенің *.ics (iCal) форматындағы мекенжайын енгізіңіз, мысалы http://www.example.com/calendars/calendar.ics.

3. Күнтізбенің атауын жазыңыз, оқиғалардың түсін, уақыты мен хабарлама тәсілін таңдаңыз. Егер қажет болса, қосымша баптауларды көрсетіңіз, мысалы, кездесудің әдепкі ұзақтығы немесе осы күнтізбедегі оқиғалардың көрінімділігі.

4. Жасау батырмасын басыңыз.

Егер интернет бар және күнтізбе орналасқан ресурс қолжетімді болса, өзгерістер Яндекс Күнтізбеде көрсетілетін болады. Жазылым кезінде күнтізбелердің синхрондалу аралығы бірнеше сағаттан екі күнге дейін созылуы мүмкін.

Күнтізбеге жазылымнан бас тарту жолдары

1. Сол жақ панельдегі күнтізбенің атауына меңзерді бағыттап, белгішесін басыңыз.
2. Бас тарту батырмасын басыңыз.
3. Бас тартуды растаңыз.