Алисаның көмегімен басқару

Алиса оқиғаларды қоса немесе өшіре алады, бүгін сізде қандай кездесулер барын ескертіп, шаруалар тізімін басқара алады.

Мүмкіндіктер Алиса бар Үй, Алиса бар Яндекс қосымшаларында және Алисамен чатта, сондай-ақ, Яндекстің Алиса бар басқа платформалары мен ақылды құрылғыларында қолжетімді (толығырақ Станциялардың Анықтамасынан оқыңыз).

Қалай баптау керек

Сіз негізгі күнтізбені таңдай аласыз — Алиса оқиғаларды сол күнтізбеге қосып отырады. Мұндай күнтізбе әрдайым біреу ғана. Негізгі күнтізбеден басқа сіз бірнеше қосымша күнтізбені қоса аласыз — Алисада осы күнтізбелердегі кездесулер туралы ақпаратқа қолжетімділік болады және ол, сіз сұраған кезде, сізге олар туралы айтып бере алады.

Негізгі күнтізбені қалай баптау керек

Алиса оқиғаларды осы күнтізбеге қосып отырады. Әдепкі бойынша, бұл «Алиса» күнтізбесі. Егер сіз бірнеше күнтізбені қолданып жүрсеңіз және сізге басқасы ыңғайлырақ болса, оны ауыстыруға болады.

  1. Алиса бар Үй қосымшасында оң жақ жоғарғы бұрыштағы таңбасын басыңыз.

  2. Виртуалды көмекші → Күнтізбе → Негізгі күнтізбені таңдаңыз.

  3. Күнтізбені таңдаңыз:

Қосымша күнтізбелерді қалай баптау керек

Бұл күнтізбелерді Алиса тек қарай алады. Бұл оның оларға кездесулерді қоса алмайтынын білдіреді, есесіне ол сізге онда бар кездесулер туралы айтып бере алады.

  1. Алиса бар Үй қосымшасында оң жақ жоғарғы бұрыштағы таңбасын басыңыз.
  2. Виртуалды көмекші → Күнтізбе → Яндекс Күнтізбеге басыңыз.
  3. Қажетті күнтізбелерді таңдаңыз.

Қалай пайдалану керек

Алисамен қалай тілдесу керектігі туралы біз Станциялардың Анықтамасында жазып өттік: онда ең керекті пәрмендер бар.

Кездесуді тағайындау немесе өшіру

Алисаға күнін, уақыты мен атауын, сондай-ақ ұзақтығын айтыңыз: «Ертең таңғы сағат 9-ға 40 минуттық жаттығуды белгіле».

Егер тұрақты оқиғаны қосқыңыз келсе, былай деп айтыңыз: «Сенбі сайын таңғы 9-да 40 минуттық жаттығуды белгіле».

Өз кестеңізді біліп алу

Алиса сіздің кестеңізді біледі және бүгінге, ертеңге немесе бір аптаға қандай кездесулер жоспарланғанын ескерте алады. Одан, мысалы, былай деп сұраңыз: «Бүгін қандай кездесулер болады?». Алиса сіз рұқсат берген барлық күнтізбедегі кездесулер туралы айтып береді.

Тапсырманы тізімге қосу

Оған қоса сіз Алисадан шаруалар тізіміне бірдеңе қосу немесе тапсырманы алып тастау туралы сұрай аласыз:

  • «Алиса, шаруалар тізіміне дүкенге барып келуді қос»
  • «Алиса, шаруалар тізімінен әуежайға сапарды алып таста»
  • «Алиса, шаруалар тізімінде қандай шаруаларым бар?»

Жиі қойылатын сұрақтарға жауаптар

Станциялардың Анықтамасынан оқыңыз.

Қалай сөндіру керек

Егер Алиса күнтізбеге оқиғаларды қосып отырғанын қаламасаңыз:

  1. Жоғарғы оң жақ бұрыштағы белгішесін басыңыз.
  2. Виртуалды көмекші → Күнтізбе → Негізгі күнтізбені таңдаңыз.
  3. Оқиғаларды қосуға рұқсат беру опциясын сөндіріп қойыңыз.
Қолдау қызметіне жазу