Видео-кездесу жасау

Телемостағы кездесулер уақыты бойынша шектелмеген және қосылған тарифке байланысты 500 қатысушыға дейін біріктіре алады. Телемост толықтырмасын қосу арқылы қатысушылардың санын 1 000-ға дейін ұлғайтуға болады. Қалай қосу керек?.

Видео-кездесулерді жасау үшін Яндексте аккаунт болу керек.

1. Телемосты Яндекс Телемост мобильді қосымшасы арқылы (Android және iOS үшін) ашыңыз.

2. Егер Телемосты алғаш рет қосылып жатсаңыз, микрофон мен камераны қолдануға рұқсат беріңіз.

3. Егер кездесуге видео мен микрофонсыз қосылғыңыз келсе — оларды ажыратып тастаңыз.

4. Видео-кездесу жасау батырмасын басыңыз.

5. Кездесуге сілтеме алмасу буферіне автоматты түрде көшіріледі — оны әріптестеріңізге жіберіңіз.

Кездесуді жасаған адам оның ұйымдастырушысы болады.

Видео-кездесуді жоспарлау

Егер әріптестеріңізбен белгілі бір күні кездесуге келіссеңіз, кездесуді алдын ала жоспарлап қойыңыз. Сонда ол Яндекс Күнтізбеде пайда болады және ол туралы ескертпені сіз қосқан барлық қатысушылар алады.

1. Телемосты ашыңыз.

2. Жоспарлау батырмасын басыңыз.

3. Атауы мен сипаттамасын қосыңыз. Видео-кездесуге сілтеме оған автоматты түрде қосылады.

4. Күту бөлмесінің баптауларын таңдаңыз:

   • Күту бөлмесі сөндірулі — пайдаланушылар кездесуге бірден қосыла алады.
   • Күту бөлмесі бәрі үшін — пайдаланушылар кездесуге оларды ұйымдастырушы кіргізген кезде қосыла алады.
   • Күту бөлмесі сыртқы пайдаланушылар үшін — кездесуге тек ұйымның доменіндегі аккаунттары бар пайдаланушылар қосыла алады, ал қалған қатысушылар ұйымдастырушының рұқсатын күтеді.

   Ескерту

   Ұйымдастырушы мен бірлескен ұйымдастырушылар күту бөлмесінің баптауларын өзгерте алады және кездесу кезінде қатысушыларды кіргізе алады. Күту бөлмесін қалай басқару керек?

5. Күні мен уақытын көрсетіңіз.

   Егер кездесу тұрақты болмаса, Күн мен уақыт бөлімінде Қайталанбайды батырмасын басып, қажет баптауларды көрсетіңіз.

   Кездесуге сілтеме әр кездесу басталардан үш сағат бұрын сипаттамада пайда болып отырады. Сондай-ақ, сілтеме бүкіл қатысушыларға пошта, смс немесе CalDAV арқылы келеді.

6. Кездесу орнын көрсетіңіз.

7. Видео-кездесуге қатысушыларды қосыңыз.

8. Хабарламаларды баптаңыз.

   Әдепкі түрде ескертпе бүкіл қатысушыларға пошта арқылы кездесуге дейін бір сағат бұрын келетін болады.

   Хабарлау тәсілі мен уақытын ауыстыру үшін өзгерткіңіз келетін хабарламаға басып, Басқа нұсқаны таңдаңыз және қажет баптауларды көрсетіңіз.

9. Күнтізбе бөлімінен кездесуді қай күнтізбеге қосу керектігін таңдаңыз.

10. Рұқсат бөлімінен қатысушылар оқиғаны түзете және басқа қатысушыларды қоса алады ма, жоқ па екенін таңдаңыз.

11. Оң жақ жоғарғы бұрыштағы таңбасын басыңыз, содан кейін кездесу бірден Яндекс Күнтізбеге қосылады.

Видео-кездесуді жасай алмай жатырмын

1. Смартфонның интернетке қосулы тұрғанына көз жеткізіп алыңыз. Мысалы, https://ya.ru сайтын ашып көріңіз. Егер кіре алмасаңыз, роутерді қайта жүктеңіз. Егер көмектеспесе, байланыс операторына хабарласыңыз.

2. Телемосты жабыңыз, кейін қайтадан ашыңыз.

3. Өз құрылғыңыздың операциялық жүйесінің баптауларында камера мен микрофонды қолдануға рұқсат берілгенін тексеріп алыңыз.

Егер мәселені шеше алмасаңыз, қолдау қызметіне хабарласыңыз.