Бағдарламаны орнату

Телемосты компьютер арқылы қолдану үшін алдымен арнайы бағдарламаны орнату керек:

1. Яндекс Телемост парақшасын ашып, төменгі оң жақ бұрыштағы Бағдарламаны орнату батырмасын басыңыз.
2. Жүктеп алған файлды іске қосып, бағдарламаны орнату аяқталғанша күтіңіз. Содан кейін Яндекс Телемост автоматты түрде ашылады.

Бағдарлама жүктелмей жатыр немесе орнатылмай жатыр

1. Сіздің операциялық жүйеңіз жарамды екенін тексеріп алыңыз.

   Windows

   Операциялық жүйенің нұсқасын біліп алу үшін:

   1. Іске қосу батырмасын басыңыз.
   2. Параметрлер → Жүйе туралы тармағын таңдаңыз.
   3. Құрылғыда орнатылған жүйенің нұсқасы мен типін тексеріп алыңыз.

   Яндекс Телемост тек 64-разрядты Windows 10, Windows 11 нұсқаларында ғана істейді.

   Телемост бағдарламасын 32-разрядтық Windows нұсқасы орнатылған компьютерге орната алмайсыз — оның орнына браузерге арналған Телемосты пайдалана аласыз.

   macOS

   Яндекс Телемост тек нұсқасы 11 және одан кейінгі macOS жүйесінде істейді (Big Sur және одан кейінгі macOS нұсқалары).

   Егер операциялық жүйеңіз ескірген болса, оны жаңартып алыңыз. Жаңартымды алу жолдары Apple мақаласында жазылған.

2. Өз интернет-байланысыңыздың тұрақтылығын тексеріп алыңыз.

3. Егер прокси-серверлер немесе файрволдар қосулы тұрса, оларды бағдарламаны орнатып болғанша сөндіріп қойыңыз.