Арналар мен топтық чаттарды басқару

Мессенджерде топпен тілдесу үшін чаттар мен арналар бар.

Топтық чаттар жұмыстық мәселелерді талқылау және тілдесуге жарайды — онда барлық қатысушылар сөйлесе алады.

Арналар қатысушыларға артық талқылаусыз бірдеңе хабарлау керек болған кезде қажет болады. Мысалы, ұйым немесе бөлім жаңалықтарын қызметкерлерге жеткізу. Арнадағы хабарламаларды оның әкімшілері ғана жариялай алады.

Топтық чат немесе арна жасау жолдары

• батырмасын басып, не жасағыңыз келетінін таңдаңыз.
• Атауы мен сипаттамасын ойластырыңыз, кескін қосыңыз — сонда қатысушылар осы чат немесе арнаны ортақ тізімнен оңай таба алады.
• Қатысушыларды қосыңыз — 100 адамнан аспау керек — кейін Жасау батырмасын басыңыз.

Чат пен арна әкімшілері не істей алады

Егер сіз арна немесе топтық чат жасасаңыз, әдепкі түрде оның әкімшісі боласыз. Әкімші ретінде сіз:

• қатысушылар қоса немесе алып тастай аласыз;
• басқа әкімшілерді тағайындай аласыз;
• чаттардың атауы мен сипаттамасын өзгерте аласыз;
• пайдаланушыларға негізгі хабарламалар тармағында және тредтерде жазуға рұқсат беру немесе тыйым салу;
• қатысушыларға жаңа қатысушыларды қосуға, маңызды хабарларды бекітуге, топтық чаттар жасауға рұқсат беру немесе тыйым салу.

Егер чат немесе арнада бірдеңе өзгерткіңіз келсе, оның атауына басыңыз. Қатысушылар мен әкімшілерді басқару Қатысушылар бөлімінде орналасқан.

Қалғанының бәрі — Баптаулар бөлімінде.

Егер топтық чат немесе арна енді керек болмаса

Керек емес топтық чат немесе арнаны өшіру мүмкін болмаса — онда одан шығып кетуге болады. Егер сіз чат немесе арнадағы жалғыз әкімші болсаңыз, кетер алдында рөлді басқа қатысушыға тапсырып кетуге болады.